تصريح صحفي صادر من مؤسسة البترول الكويتية بشأن زيادة رواتب العاملين في القطاع النفطي

cool_engineer

بـترولـي نشيط جدا
تصريح صحفي صادر من مؤسسة البترول الكويتية بشأن زيادة رواتب العاملين في القطاع النفطي

أعلن العضو المنتدب للعلاقات الحكومية والبرلمانية والعلاقات العامة والإعلام ـ الناطق الرسمي للقطاع النفطي ـ الشيخ طلال الخالد الأحمد الصباح أن مجلس إدارة المؤسسة قد نظر في اجتماعه الذي عقد مؤخرا بمقر المؤسسة موضوع زيادة رواتب العاملين في القطاع النفطي وذلك تنفيذا لقرار سابق صدر عن مجلس إدارة المؤسسة عام (2003) الذي ينص على إجراء مراجعة دورية لهيكل الرواتب والعلاوات للعاملين بالقطاع النفطي كل ثلاث سنوات ، علما بأن هذا الموضوع قد سبق عرضه على اتحاد عمال البترول وصناعة البتروكيماويات الممثل الشرعي لعمال وموظفي القطاع النفطي وفق الإجراءات المتبعة والذي أبدى موافقته على الزيادات المقترحة تمهيدا للعرض على مجلس الإدارة .
وأضاف الناطق الرسمي بأن مجلس الإدارة لم يرفض الزيادة وإنما قرر إحالتها إلى إحدى اللجان المنبثقة عنه لمزيد من الإيضاحات وأن هذا الإجراء طبيعي جرت عليه العادة فيما يتعلق بالزيادات العامة لرواتب العاملين بالقطاع النفطي ومن شأنه تقديم الإجابات الوافية عن أسئلة واستفسارات أعضاء المجلس بشأن كافة الجوانب المرتبطة بموضوع الزيادة.
وردا على ما أثير مؤخراً حول رفض زيادة رواتب عمال وموظفي القطاع النفطي واقتصارها فقط على المهندسين ، فقد أوضح الشيخ طلال الصباح أن هذا الطرح غير صحيح وأن المجلس قد تضمن جدول أعماله على إعادة تشكيل اللجان المنبثقة عنه لذا رأي أن يحيل الأمر إلى إحدى تلك اللجان المختصة مع توصية معالي الوزير بسرعة انجازها وإعادة عرضها على المجلس للنظر في إقرارها خلال أسبوعين.
وفي ختام تصريحه أشار إلى أن مجلس إدارة مؤسسة البترول الكويتية ليقدر ويثمن الجهود المخلصة التي يبذلها العاملين بالقطاع النفطي على كافة المستويات الوظيفية وكل حسب موقعه، حيث أن قرارات المجلس دائما ما تعكس اهتمامه واهتمام القيادات النفطية بقضايا العاملين وتفهمهم الكامل لمطالبهم ومن بينها مطلب الزيادة العامة والتي يسعى الجميع نحو إقرارها بغية توفير السبل الكفيلة بتعزيز الرضا الوظيفي بين العاملين وتطوير وتحسين بيئة العمل بما يدعم ويساعد على تحقيق الأهداف والغايات المنشودة ، وجدير بالذكر أنه عند إقرار الزيادة من قبل مجلس إدارة المؤسسة سيتم عرضها على المجلس الأعلى للبترول ثم مجلس الخدمة المدنية لإقرارها والعمل بموجبها .
 

مثير للجدل

بـترولـي جـديـد
افاا يا اتحاد وافا يا نقابات..مو هذه الهقوه

الف مبروك بما صرح به الوزير من ناحية الزيادت وبصراحه شي يفرح

ولكن اللي حز بخاطري وين وقفتكم يا اتحاد ونقابات البترول من كادر المهندسين؟ ليش هالظلم وليش عدم المطالبه بحقوق المهندسين طول الفترات اللي طافت والى الان ولم نرى موقف مشرف واحد لكم إتجاه اخوانكم المهندسين....بصراحه شي يحز بالخاطر واتمنى تصريح واحد من اي نقابه بموقفهم اتجاه المهندسين وليش ما تم التحدث مع الوزير بخصوصهم؟ او المطالبه بكادرهم؟...........وليس فقط المهندسين ليش ما يتم المطالبه لكل الموظفين المحترفين اللي تطور القطاع النفطي كله ينصب منهم؟


الله كريم
 

مزاجي

بـترولـي جـديـد
الف مبروك بما صرح به الوزير من ناحية الزيادت وبصراحه شي يفرح

ولكن اللي حز بخاطري وين وقفتكم يا اتحاد ونقابات البترول من كادر المهندسين؟ ليش هالظلم وليش عدم المطالبه بحقوق المهندسين طول الفترات اللي طافت والى الان ولم نرى موقف مشرف واحد لكم إتجاه اخوانكم المهندسين....بصراحه شي يحز بالخاطر واتمنى تصريح واحد من اي نقابه بموقفهم اتجاه المهندسين وليش ما تم التحدث مع الوزير بخصوصهم؟ او المطالبه بكادرهم؟...........وليس فقط المهندسين ليش ما يتم المطالبه لكل الموظفين المحترفين اللي تطور القطاع النفطي كله ينصب منهم؟


الله كريم

انت من صجك تبيهم يوقفون وياك

يبا هذولا تسلقوا على ظهر المهندسين واخذوا الزياده وانسى اذا احد راح يطالب بعدين بالكادر

بس الظلم ظلمات يووم القيامه
 

الهاوي الكويتي

بـترولـي نشيط
الف مبروك بما صرح به الوزير من ناحية الزيادت وبصراحه شي يفرح

ولكن اللي حز بخاطري وين وقفتكم يا اتحاد ونقابات البترول من كادر المهندسين؟ ليش هالظلم وليش عدم المطالبه بحقوق المهندسين طول الفترات اللي طافت والى الان ولم نرى موقف مشرف واحد لكم إتجاه اخوانكم المهندسين....بصراحه شي يحز بالخاطر واتمنى تصريح واحد من اي نقابه بموقفهم اتجاه المهندسين وليش ما تم التحدث مع الوزير بخصوصهم؟ او المطالبه بكادرهم؟...........وليس فقط المهندسين ليش ما يتم المطالبه لكل الموظفين المحترفين اللي تطور القطاع النفطي كله ينصب منهم؟


الله كريم



لا تزعل مني يااخوي بعد ماحاسها طلال القحطاني وخربها عليكم تبون الاتحادات والنقابات تتحرك .. مصالح الانتخابيه هي الاهم عند جمعيتكم اما مطالباتكم وكادركم مخلينها ورقة يلعبون فيها وقت اللوزم والله يعينكم عليها .
 

مثير للجدل

بـترولـي جـديـد
لا تزعل مني يااخوي بعد ماحاسها طلال القحطاني وخربها عليكم تبون الاتحادات والنقابات تتحرك .. مصالح الانتخابيه هي الاهم عند جمعيتكم اما مطالباتكم وكادركم مخلينها ورقة يلعبون فيها وقت اللوزم والله يعينكم عليها .

ياخوي احنا محسوبين على القطاع النفطي اكثر من جمعية المهندسين......... ولكن احنا قاعد نتشره ونطالب منهم مواقف ويانا ومو من الحين من زمان......مع ان ديوان الخدمه اقره للمهندسين بالقطاع النفطي وما شفنا منهم اي وقفه ويانا؟؟؟؟؟؟؟؟؟وشي حز بخاطرنا نبيهم يتكلمون و يوقفون ويانا؟؟؟؟ولو مره وحده بحياتهم بس
 

مزاجي

بـترولـي جـديـد
لا تزعل مني يااخوي بعد ماحاسها طلال القحطاني وخربها عليكم تبون الاتحادات والنقابات تتحرك .. مصالح الانتخابيه هي الاهم عند جمعيتكم اما مطالباتكم وكادركم مخلينها ورقة يلعبون فيها وقت اللوزم والله يعينكم عليها .

اي مصالح انتخابية يا عزيزي

طلال القحطاني ما راح ينزل الانتخابات لان انتهت مدته

لو الرجال مو حق جان ما عور راسه

بس الحق يزعل ساعات

وبعدين من متى النقابات والا الاتحاد صرح بالمطالبه بكادر المهندسين من 2006

ياليت تعطيني تصريح واحد حتى لو من فراش الاتحاد انا قابل فيه

اللي يدور مصالح انتخابية اهو اللي جمع تواقيع المهندسين وانا واحد منهم علشان يطالبنا بالكادر وبعدين يفاوضون على الزياده العامه ...
 

مثير للجدل

بـترولـي جـديـد
اي مصالح انتخابية يا عزيزي

طلال القحطاني ما راح ينزل الانتخابات لان انتهت مدته

لو الرجال مو حق جان ما عور راسه

بس الحق يزعل ساعات

وبعدين من متى النقابات والا الاتحاد صرح بالمطالبه بكادر المهندسين من 2006

ياليت تعطيني تصريح واحد حتى لو من فراش الاتحاد انا قابل فيه

اللي يدور مصالح انتخابية اهو اللي جمع تواقيع المهندسين وانا واحد منهم علشان يطالبنا بالكادر وبعدين يفاوضون على الزياده العامه ...

اصبتها والله...........ما راح يقدرون يردون عليك والله بس يمكن يتهاوشون وياك ويتطنزون عليك


يا نقابات ويا اتحاد وينكم من مطالب المهندسين بكادرهم اللي الديوان اقره لهم والمؤسسه ارفضته.....وينكم انزين يبه من 2006 ما طالبتوا فيه انزين الحين طالبوا لنا فيه والا بس الزيادات تبونها والكادر نسيتوه اللي اهو مصدر اساسكم وقوتكم للزياده........والا خذيتوا تواقيعنا وقصيتوا علينا؟ ان الله يسمع و يرى خافوا الله
 

قوس النصر

بـترولـي نشيط
:) :) :) :)

صراحه سقوطكم اثر عليكم !! يعني تعترفون ان الزيادة كانت بقدر الكادر و تقولون استغلو الكادر عشان ياخذون كثره زياده !!

اولا: ابي شنو يضرك اذا انت و غيرك اخذ نفس المبلغ ... مو هذا المبلغ اللي يرضيك؟ انت اللي قلت ان هذا مثل قيمة الكادر !! خلاص اخذه و اسكت

ثانيا:

شرحنا سابقا شنو سوت احدى النقابات للمهندسين فما بالك بباقي النقابات و الاتحاد بس للتذكير نكتبه لكم مره ثانيه :)

1) النقابة تحركت مع الادارة وبكل ثقه يردون الكلام الى مراسلاتهم مع الادارة... هذا يوم الجمعيه كانوا نايمين بالعسل.
2) بعدين النقابة لما شافت الطريج مسدود راحت للوزير مع توقيع 650 مهندس من اعضاءها ... هذا يوم اعضاء الجمعيه اترزز جدام الكاميرات.
3) وراها يوم مانفع توجهت للقضاء و عملت بصمت. هذي طبعا يوم الجمعية بدت حملة القضايا الفيشينق اللي بعد ماصورتهم الكاميرا راحوا بيوتهم ولا صار شي.
4) وراها تبنوا ودعموا حملة ال1400 مهندس بالوقت اللي الجمعيه هاجمتهم و لا احترمتو ا راي اغلب مهندسين القطاع.
5) ومؤخرا النقابة مع الاتحاد دعموا ارقام المهندسين بقوه بالمفاوضات و كانت هي الاساس (باعترافكم) و هذا بفضل التنسيق الحكيم. بالوقت اللي الجمعيه ماخلت احد مادشت معاه بصراع.


وبالنهاية في احسن سيناريو متوقع يأخذ المهندسين قيمة كادر 2010 كزيادة عامة مما يحفظ حقهم القانوني و(الادبي) في السعي من اجل نيل كادرهم (فوق البيعه) و هذي ياباش مهندس النظره البعيدة المدى اللي عمر بالجمعيه ماراح يوصلون لها!



وتحياتي لك :)
 

مثير للجدل

بـترولـي جـديـد
:) :) :) :)

صراحه سقوطكم اثر عليكم !! يعني تعترفون ان الزيادة كانت بقدر الكادر و تقولون استغلو الكادر عشان ياخذون كثره زياده !!

اولا: ابي شنو يضرك اذا انت و غيرك اخذ نفس المبلغ ... مو هذا المبلغ اللي يرضيك؟ انت اللي قلت ان هذا مثل قيمة الكادر !! خلاص اخذه و اسكت

ياتي لك :)

ليش الموظفين الاخرين اللي بياخذون زياده بقيمة الكادر مهندسين اهم على شان يستحقونها؟؟ اما بخصوص الضرر يضرني اني ساهمت في اعطاء شخص قيمة ماديه من مال وطني العام بتوقيعي واهو مايستحقه..وساهمت في اني اعكس الايه (قل هل يستوي الذين يعلمون والذين لا يعلمون انما يتذكر اولوا الالباب)

عرفت بشنو ضريت نفسي؟
 

almostishar

بـترولـي مميز
اكثر شى اسمعه ..بمطالب المهندسين ..
هو ضروره "التميز " على سائر خلق الله من اصحاب الشهادات والكفاءات
والله شى يضحك ..يعطي دلالات واضحه من بعض المهندسين
وخصوصا اصحاب شهادات الاسكندريه أم 20 جنيه لورقة اختبار الوحده ..بانهم يعانون من نقص ..
 

مثير للجدل

بـترولـي جـديـد
اكثر شى اسمعه ..بمطالب المهندسين ..
هو ضروره "التميز " على سائر خلق الله من اصحاب الشهادات والكفاءات
والله شى يضحك ..يعطي دلالات واضحه من بعض المهندسين
وخصوصا اصحاب شهادات الاسكندريه أم 20 جنيه لورقة اختبار الوحده ..بانهم يعانون من نقص ..

قل هل يستوي الذين يعلمون والذين لا يعلمون انما يتذكر اولوا الالباب.

يا ليتك من اولوا الالباب جان ما كتبت كلامك هذا
 

almostishar

بـترولـي مميز
أبر تخدير ..بعد أعلانات الاستنكار والمطالبه بالأضراب ..
ماالذى يدفع النقابات للتوجه للأضراب ..لو كان هذا البيان صحيح ؟؟؟
لو كانوا صادقين لنشروا جدول الزيادات ..أقل شى ..
هاذى ابر بنج تخدير .. بعد التهديد بالأضراب ..؟؟؟
HH50.COM-1ec9134849.jpg
 

Eng.Vampire

بـترولـي خـاص
شي طبيعي النقابات ما توقف ولا تدعم موقف وقضايا المهندسين لانهم مثل ما قال احد الاخوان متسلقين وصوليين

هالحركات مكشوفه يسمونها " التلون " :)

بالضبط مبدأ ميكافيلي " الغايه تبرر الوسيله "
 

RISK MAN

بـترولـي نشيط
قل هل يستوي الذين يعلمون والذين لا يعلمون انما يتذكر اولوا الالباب.

يا ليتك من اولوا الالباب جان ما كتبت كلامك هذا

ليش انت بروحك اللي تعلم بالقطاع النفطي
اذا هذي وجهة نظر كل المهندسين اللي يطالبون بالتميز على حسابنا فهذي كارثة
النقابات وقفت مع الحق وطلبكم يدل على ضعف نفوسكم والحمدالله انها وجهة نظر بعضكم ولا لو صافية عليكم حتى الهوا بتمنعونه علينا
 

WaRiO

بـترولـي مميز
يبا ليش المهندسين يبون مساواتهم بالقطاع الحكومي ؟!

انتوا تاخذون علاوات سنويه اكثر منهم ؟ تبون الـ10 دنانير يعني ؟؟

مهندس دخل النفط والثاني راح الحكومه بعد 10 سنوات الحكومي مكانك راوح وانت ما شاءلله عليك معاشك مو اقل من 2500 .... منو الي لازم يطالب بالمساواة انت ولا اهم ؟؟؟؟

مع انهم اغلبهم خريجيين جامعة الكويت .. يعني شهاداتهم مو مشكوك فيها نفس الفلبيين والهند وامريكا وبريطانيا ومصر .....

والحيين تبون الكادر صح ؟؟؟؟ اكثر الجهاز الاداري من المنهدسين ومن مدراء ودي ام دي ... ليش ساحبيين عليكم هل هذيل المهندسيين ما يفهمون معاناتكم ؟!


واذا واحد قالي شغل الحكومه اقل ومعاشهم مقارب لنا ... كلها ورقه ضغيره ولا على الاروكال .. استقيل وروح الحكومه ليش معذب رووحك جذي وما تنام الليل
 

تايتنك

بـترولـي خـاص
باش مهندس

مهندسين ومهندسين مدوخينا يعني بتخترعون شئ لنا مثلا يقلل استهلاك الوقود ولة بيقلل التلوث ولة مشاكل التصنيع مو انتوا تديرون القطاع والانفجارات مايت الا من ورا تخطيطكم ادارات المصافي لايكون محاسبين يديرونها مو كبار المهندسين وفي الاخير الضحايا العمال المساكين طيب ياباش مهندس تبي ترتاح وتبي تاخذ الكادر روح الحكومة وخذها عليك بالعافية عندنا مهندسين ياكثرهم زي التهم شغلهم كلة علي البوهناد؟
 

مثير للجدل

بـترولـي جـديـد
مهندسين ومهندسين مدوخينا يعني بتخترعون شئ لنا مثلا يقلل استهلاك الوقود ولة بيقلل التلوث ولة مشاكل التصنيع مو انتوا تديرون القطاع والانفجارات مايت الا من ورا تخطيطكم ادارات المصافي لايكون محاسبين يديرونها مو كبار المهندسين وفي الاخير الضحايا العمال المساكين طيب ياباش مهندس تبي ترتاح وتبي تاخذ الكادر روح الحكومة وخذها عليك بالعافية عندنا مهندسين ياكثرهم زي التهم شغلهم كلة علي البوهناد؟

اي نعم بنخترع و روح شوف المخترعين اللي بالقطاع النفطي من وين متخرجين ومنو اهم...الانفجارات ما جت من ورا المهندسين...الانفجارات جت من ورا الغير مهندسين اللي مايعرفون يديرون العمل...لو انكم تفتهمون جان ما صار انفجار...لكن من صار نظام التكويت بالقطاع النفطي بخصوص المصافي والحقول والانفجارات على افا من يشيل وغير المشاكل اللي تصير بالشغل والمهندس يرقع فيكم ولا اكو فايده واخر شي تقطونها براسه...

انتوا تهاجمون المهندسين لانهم طلبوا حقهم ولا تهاجمون انفسكم اللي مالكم حق بالزياده ولا عندكم مبدأ لها... بخصوص الاستقاله احنا ناطرين الكادر واذا ما جاء وفرقنا عن الحكومه بتشوف 90% من المهندسين شنو بيسوون..بس انتو لو ماجتكم زياده ما راح تستقيلون ولا تطلعون لا و بيزيد عدد المتقدمين..يا جماعه انتو لازم تفهمون ان المهندس عمله نادره و بكل مكان مرغوب...والمهندس بالقطاع النفطي يستلم اقل الرواتب بكل القطاعات اللي بالدوله...اما انتو تستلمون زياده عن ربعكم اضعاف مضاعفه.....يا جماعه خافوا ربكم

واللي يقولي بتصيرون مسؤولين وغيره اللي يصير مدير يقعد 30 سنه مايتقاعد يعني فرصة غيره انه يصير مدير صعبه جداً

زيادة 2008 و زيادة هالسنه مبنيه كلها على كادر المهندسين ومطالبة المهندسين بحقهم....واكبر غلط انك ماتعطيهم حقهم وتسوي زياده للكل اللي يستحق واللي مايستحق ياخذ!!!!!وين قاعدين شهالتخلف وشهالتخبط يا اداره
 

API 18

بـترولـي مميز
الف مبروك بما صرح به الوزير من ناحية الزيادت وبصراحه شي يفرح

ولكن اللي حز بخاطري وين وقفتكم يا اتحاد ونقابات البترول من كادر المهندسين؟ ليش هالظلم وليش عدم المطالبه بحقوق المهندسين طول الفترات اللي طافت والى الان ولم نرى موقف مشرف واحد لكم إتجاه اخوانكم المهندسين....بصراحه شي يحز بالخاطر واتمنى تصريح واحد من اي نقابه بموقفهم اتجاه المهندسين وليش ما تم التحدث مع الوزير بخصوصهم؟ او المطالبه بكادرهم؟...........وليس فقط المهندسين ليش ما يتم المطالبه لكل الموظفين المحترفين اللي تطور القطاع النفطي كله ينصب منهم؟


الله كريم

يجب ان يكون هناك وقفه من المهندسين ضد نقاباتهم كتسجيل موقف و هو سحب اشتراكاتهم من النقابات. لقد مللنا من خلط مطالباتنا مع مطالب عامه للتكسب الانتخابي. نعم نحن كمهندسين لا نمثل قوه انتخابيه لهم فلماذا يطالبون لنا. والدليل هو قيام حملة التواقيع من مهندسين متطوعين المشكله انه النقابات مايرحمون ولا يخلون رحمة الله تنزل ما يطالبو ن لنا ولا يخلون احد يطالب لنا. الدكاتره وخذو كادرهم وبدون مساعدة النقابه ليش حرام علينا. اطلب من كل مهندس يقيم الوضع.
 
أعلى