الهندي مو ريال

[حنان]

السلام عليكم

هذا موضوع حبيت اطرحه للنقاش...الا وهو

"الهندي مو ريال"



المهم....اليكم المواقف:


مرت مجموعه من الحريم وكانو متغطين والسبب ان فيه رجال في الشارع ...بس لما راحو الرجال تفتشوا....ولاحظو ان رجال قادم من الامام...صاحت وحده فيهم : تغطوا يالحريم فيه رجال.....بس وحده فيهم انتبهت وقالت: هنديييييييييييييي!! (يعني ماله داعي نتغطى!!)

لما يجي سواق تكسي من اهل البلد....الحريم مايرضوا يركبوا عنده....بس لما يجي هندي مو بس يركبوا....يتفتشوا اذا امكن...ويدخلوا في سوالف مالها اول ولا اخر...وكأن الهندي مايفهم لغتنا.

لما يتحرش هندي (ولا تستغربوا) كأن ماصار شي ويمكن مايعنيه (وبيقولو هو كان يتكلم بلغته..وش دراش انه يتحرش!!)...بس لما يتحرش واحد من اهل البلد يلعنوا والديه!!!

واذا اشتكت وحده لابوها ان هندي تحرش بها...يجي الاب ويهزئ البنت كأنها هي السبب...بس لما يجي واحد من اهل البلد...ياويــــــــــــله ذيك الساعه!!



والنتيجه:
1-الهنود لاعبين بحسبتنا.....خصوصا الحريم ولما مايكون معهم رجال
2-والظاهر الهنود يحسبون ان الحريم معجبات بهم (لاتضحكوا) والدليل انهم يتفتشوا عندهم ويسمحوا باللي مايسمحوا له لابناء البلد (خوش ميزات!!)
3-ومستحيل احيانا يطل احد يأدبهم لان هذا الشي ممكت يعتبر فشيله او فضيحه (خصوصا اذا الناس سألوا ليش ياخي مكفخ هالهتدي؟؟)...بس لما يكون من ابناء البلد بيقولوا واحد صايع او مو متربي.



ابي تعليقاتكم لو امكن

 

[Waluigi]

و الله ان الحريم اهم الي غلطانين المراه اي شي يجرحها و يشوه سمعتها المهم المراءى سمعه و لازم تلاحظ تصرفاتها و هذي النقطه الاولىى و الاخيرة

 

[WaRiO]

هذااا اللي نشوووفه حتى بالمجمعات وخاصة محلات الي تبيع حجابات .... الخام ....الخ

الوحده نشوووفها تاخذ راحتها اكثر من اللزوم وعند السؤااال ..يكوون الجواب : مثل ما تفضلتي

هندي .. مصري ... هذا الشائع

والله يستر عليهم وعلينا


موفقيين

 

[almaie71]

أنا اشره على مجلس الامة والحكومة ولا وين قانون منع الرجال من البيع في محلات الملابس النسائية والزينة زينة والشينة شينة وعلى قولة المثل الماي يروب و.....ما تتوب.

 

[brilliant]

السبب الرئيسي قلت الاهتمام والالتزام بالشرع

 

[الناهض]

واااااااااااااازع ديني



بس الموضوع يبيله وازع ديني بالانسان وتنتهي المشكله

قال تعالى:

ان الصلاة تنهى عن الفحشاء والمنكر والبغي يعظكم لعلكم تتقون

 

[alaslamy]

الله يستر يا اخوان والله ان البنغاليه لعبو بالديره

 

[Mr. Engineer]

لا و المشكلة بمحلات الخياطة النسائية، اللي يشتغلون يا هنود أو باكستانيين،

و تدخل المرة تبي تفصل دراعة أو بدلة، يقوم ياخذلها القياس الهندي، و يحسس على جسمها،

و إذا أحد تكلم تقول عادي هندي.

طبعاً أنا ما أعمم على الحريم، بس في فئة من هالشاكلة تكون لابسة حجاب و عباية و يمكن حتى نقاب،

بس من داخل ما فيه وازع ديني و لا أخلاقي، و الهندي عايش بربيع، محد يكلمه و لا يشره علي، ليش هو هندي!!!

و نفس ما قالوا الأخوان،

يجب على الحكومة تفعيل قانون منع الرجال من العمل في المحلات النسائية،

يعني محد يرضاها على أهله أنهم يدخلون محل نسائي يعمل به مصري أو لبناني أو حتى هندي

و يقعد يقول للمرة، هذي القطعة تطلع عليج روعة!!! أو أتوقع هذي مقاسج!!!

الله يستر على مجتمعنا، اللي كل ماله في انحدار أخلاقي و ديني

تحياتي

 

[المتمكن]

للاسف
اذا غاب الوازع الدينى
تكثر المشاكل اللى مالها حد ولا عد
الله يحفظنا من الزلل
وكلكم راع وكلكم مسئول عن رعيته
واشكرك اختى الفاضــله
حنـــان

 

[جونم جقرم]

الشرررهه ياا عزيزتي مو ع الهندي الشررهه علي الي يتكلم قداام الهندي
وللأماانة محد خرب طباايع الهنوود وخلااهم يشيخوون غيير الحريم يعطوونه فلووس اول ماالهاا تااالي غيييير انه البعض منهم ماا تحتشم قداام الهندي في باالها انه ها الآدمي مااله مشااعر وأحااسيس
غيييير بعض الحرييييم الي صاارت تعتبر الهندي زوووجهااااا
غييييييير المطاااريش الي اطرشه واهوو مااله سنع فيييهااا


وتقبلي تحياااتي

 

[كيت كات]

اهوا بس الهنود والمصريين والسوريين اللى يبيعون ملابس داخليه وين الحكومه عنهم

 

[كي او سي]

اخت حنان مشكورة على طرح الموضوع وبصراحة موضوع مهم جدا كنت ناوي اطرحه في احد المنتديات

المهم اوضح الصوره اكثر لان هذا اللي حاصل للاسف من بعض الاسر الكويتية

عندي لي اخ يعمل في وزارة المواصلات بوظفية فني كيبل "يعني يصلح تلفونات المنازل"

وللاسف الشديد يطق الباب ويفتح الباب الهندي او الخادمة او اي ان كان بس مو من اهل البيت ، وتدرون ان الصبح ما

في شباب في البيت والناس كلها في الدوامات، فيسأل الهندي او الخادمة بابا موجود ، يرد الهندي بلا طبعا،

ويسال مره اخرى ماما موجودة ، في احد بالبيت انا اشتغل في الوزارة وتليفونكم خربان وبصلحها

يروح الخادم او الخادمة الى المعزبة ويقول لها في نفر من الوزارة يبي يصلح التليفون

تقوله المعزبة خله يدش

ويدش موظف الوزارة والمعزبة وبناتها حواليها وكلهم كاشفين الوجه والشعر ايضا والمشكلة العظمي حتى الملابس

ملابس البيت

يدش في الصالة من يقول السلام عليكم

يقولون وييييييه طلع كويتي ويصير استنفار في البيت وتقول الام حق بناتها تغطوا

يعني الهندي صج مو ريال والكويتي ريال

ولا خايفين من الكويتي ان يعرف واحد من اصحاب المنزل ولا هي عادة او شنو بالضبط

طبعا هالشي يحصل يومي

واللي يبي يتاكد يزور لو خمس دقائق مقاسم وزارة المواصلات ويسمع هالكلام بنفسه

ووزارة الكهرباء والماء ايضا

وسلامتكم ويعطيك الف عافية

 

[زهرة التوليب]

انا معاج ان في نوعيه من الناس تنظر للأجنبي على انه عادي ما تتغطى جدامه او ما تهتم لوجوده وتاخذ راحتها

بس طبعا ما نقدر نقول الكل ولا الأغلبيه

واذا كل وحده سترت نفسها وصانتها عن الكل وحسبت ألف حساب لربها قبل لا تطالع جنسيه الشخص اللي جدامها راح نشوف هالنوعيه من هالساذجين يختفون من عندنا

وفي السعوديه تلقون المره ممنوع تسوق وما يجوز ومليون فتوى
بس بنفس الوقت يصير تروح مع السايق ؟؟ يعني السايق الحين يجوز تركب معاه ؟ والا اهو محرمها ؟

عش رجبا ترى عجبا

الف شكر على الموضوع حبيبتي

 

[حنان]

شكرا للكل على اثراء موضوعي وتعطيره,,,
انا قريت ردودكم وشفت إن الكل يتوافقون في نفس الراي,,,
شكرا لكم وحياكم الله

 

[SR.FIREMAN]

اي والله

توج ما شفتي شي بعد وما خافيا اعظم؟

 

[حنان]

الله يستر علينا وعلى بنات المسلمين
مشكور على الرد

 

[iidvdii]

مشكوره على هالموضوع
وازيد من الشعر بيت المدينه الترفيهيه اليوم المخصص للنساء
منو اللي يشغل الالعاب بنات اكيد لا طيب ليش مانعين الرجال يدش معا اهله

 

[حنان]

حياك الله اخوي مشكور على المرور

 

[Winchester]

اخت حنان مشكورة على طرح الموضوع وبصراحة موضوع مهم جدا كنت ناوي اطرحه في احد المنتديات

المهم اوضح الصوره اكثر لان هذا اللي حاصل للاسف من بعض الاسر الكويتية

عندي لي اخ يعمل في وزارة المواصلات بوظفية فني كيبل "يعني يصلح تلفونات المنازل"

وللاسف الشديد يطق الباب ويفتح الباب الهندي او الخادمة او اي ان كان بس مو من اهل البيت ، وتدرون ان الصبح ما

في شباب في البيت والناس كلها في الدوامات، فيسأل الهندي او الخادمة بابا موجود ، يرد الهندي بلا طبعا،

ويسال مره اخرى ماما موجودة ، في احد بالبيت انا اشتغل في الوزارة وتليفونكم خربان وبصلحها

يروح الخادم او الخادمة الى المعزبة ويقول لها في نفر من الوزارة يبي يصلح التليفون

تقوله المعزبة خله يدش

ويدش موظف الوزارة والمعزبة وبناتها حواليها وكلهم كاشفين الوجه والشعر ايضا والمشكلة العظمي حتى الملابس

ملابس البيت

يدش في الصالة من يقول السلام عليكم

يقولون وييييييه طلع كويتي ويصير استنفار في البيت وتقول الام حق بناتها تغطوا

يعني الهندي صج مو ريال والكويتي ريال

ولا خايفين من الكويتي ان يعرف واحد من اصحاب المنزل ولا هي عادة او شنو بالضبط

طبعا هالشي يحصل يومي

واللي يبي يتاكد يزور لو خمس دقائق مقاسم وزارة المواصلات ويسمع هالكلام بنفسه

ووزارة الكهرباء والماء ايضا

وسلامتكم ويعطيك الف عافية

اي والله صدقت اخوي الوسام

ومشكورة اختي على الموضوع

 

[كي او سي]

اي والله صدقت اخوي الوسام

ومشكورة اختي على الموضوع

صباح الخير مشرفنا

اخاف فيروز

لان هم هي تكتب بالسماوي

بس ما عليه حلوه منك