الدراسة في الخارج

operation

بـترولـي جـديـد
السلام عليكم
الصراحة مواضيعكم كلها مهمة و مفيدة والمشاكل الي طرحتوها تره كلنا مارين عليها بس ساكتين لانه مافي احد يسمعنا :)
انا ودي اطرح موضوع الدراسة في الخارج انا موظف op-2 في قسم الانتاج و عندي شهادة دبلوم و اطمح اني اكمل الهندسة ابي أي احد من الاخوان يفيدني ليش الشركة ما ادزنا في الخارج للدراسة؟؟؟؟
مااعتقد الشركة ماتقدر تتحمل التكاليف الدراسة مثل الوزارات الاخرى ا و الموظفين الجدد الي يايبيلهم دكاترا من كندا و درسوهم لمدة سنتين الي كلفتهم آلاف الدنانير بدون أي فايده و اتحدى أي واحد يقول انه استفاد من الدورة , يعني هذي الآلاف الي هدرت بدون أي فايده ليش مادزونا ندرس فيها في الخارج وله شرايكم ياجماعة؟

...وشكرا:):)
 

BG. 1

موقوف
من الاخوان يفيدني ليش الشركة ما ادزنا في الخارج للدراسة؟؟؟؟

الشركة ترسل موظفين للدراسة علي نفقتها ولها شروط وأهم شيء معاها فتامين واو

والشباب ماشاء الله عليهم كثير منهم بدائرة الإنتاج يدرسون علي حسابهم في جامعات داخل وخارج الكويت

عسي الله يوفقهم
 

مختبرجي

بـترولـي نشيط جدا
الدراسه في الخارج

اولا الشركه تدز اذا يبت بالتوفل درجه عاليه واعتقد انها 550 وهذي الدرجه تعجيزيه تقدر تقول
واذا انت تقدر تييب هالدرجه تقدر تدرس بالخارج على حساب الشركه.
وبالنسبه للي يبون يدرسون الهندسه في ناس راحوا اسكندريه وفي ناس بيروحون التشيك وفي بالهند بعد
بالنسبه للي راحوا درسوا في الاسكندريه تقريبا تكلف الدراسه مع السكن وكل شي مابين 2500 الى 3000 دينار
والله يوفقكم ان شاء الله
 

mohammed

بـترولـي نشيط جدا
الي انا اعرفه انا حاجت الشركه للمهندسيين معدوده جدا يعني اتشوف في السنه او السنتين يقبلون فقط مهندس او اثنين على حسب القسم
هم يبون شهادات الدبلوم اكثر الانهم يبون ابريشن اكثر من اداريين
والله اعلم
وطبعا بخصوص الدراسه الخارجيه طلباتهم اعجازيه لانا ما يبون مهندسيين كثار
والله اعلم
:)
 

op2

بـترولـي نشيط
اول شي اخوي يعطيك العافيه على الموضوع الحلو

بس تعتقد كم شخص في قسمك بس شهادته دبلوم ؟؟


وفي غيرك دبلوم هندسه بترول يعني شهادته من صميم التخصص ومع ذلك ما دزتهم الشركه


لانهم مو محتاجين مهندسين كويتيين

مكتفيين بالهنوود والاجانب المهندسين الي بيكلفونهم نص راتبك لو صرت انت وغيرك مهندس


غير جذي قالك بو عبدالله حاجه الشركه للمهندسين محدوده وبتخصصات معينه مو مثل قبل


يعني حتى بالتوظيف جم دبلوم توظف الشركه بالسنه وجم مهندس


بس روح مصر اخذ شهاده عشان تنفعك بالترقيات بقسمك لانها صارت مقياس الحين للترقيه حتى لو اقتصاد منزلي :)
 

أبو خالد

بـترولـي نشيط
السلام عليكم
الحين الشركة ليش تبعث بس تخصصات فنية !!
طيب والاداريين شفيهم؟؟

كل سنة يجيبون اختصاصيين ومستشارين (قانونيين ومحاسبين واتحليل استثمار وغيره) أجانب. طيب ليش ما يبتعثون الكويتيين الجامعيين اللي عتدهم؟
 

الولدالذهبى

بـترولـي نشيط جدا
الكل يطمح للأفضل وللرقى فى عمله
طبعا كلامكم يا اخوان حلوووو وجميل
بالنسبه للشروط اللى وضعتها دائرة التطوير الوظيفى
كلكم تعرفون اللى وضعها ( المدير )
يعنى بالنسبه لأول بعثه اللى دزوا فيها شخص واحد
من قرايب ذاك المدير .. لا توفل ولا شى !!!!!!!!!
ومن عقبها حطوا نسبة او درجة التوفل 550
انا اقول اذا فيه خير هالمدير ييب 400 بالتوفل
المشكله شهادته متوسطه للاسف
انا اعتقد ان الشركه لا بد ان تفتح باب الدراسه
وتوقف جلب هالعماله اللى ريحتها تصك الراس
وسلامتكم





وبس
 

HUMMER

بـترولـي خـاص
اخوي اذا عندك واسطه وواسطه قويه تدزك الشركه والكل عارف انا اقصد منو ومو ضروري وقتها التوفل ولا منو يقدر ييب درجه اكثر من النص واللي اهيه 550 اذا التعليم العالي يدز بعثات على درجه 400-450 واهني الشركة تبي 550 منو اللي بييب
حط واسطه ولازم تكون قويه يعني من منجر وفوق واتمنالك احلى حياة سعيده
واسال وشوف اسامي اللي دازينهم بعثه وجم عددهم صدقني راح تتفاجئ
 

جونم جقرم

بـترولـي خـاص
أعضاء الشرف
يااا عزيزي موضووعك جدا حساااس بس الدراسة بالخاارج تكلف حسب نظرة المسؤولين :)
واذا دزت الموظفين كلهم راح تخسر الشركة :)
وانا اقوول خلك مقابل الدي سي اس لين يحلهاا ربك (:)
وتقبل تحيااتي
 

KOC_747

بـترولـي نشيط
مثل ما قال احد الأخوان اللي قبلي

هات لك أي شهادة ولو كانت في الإقتصاد المنزلي وراح تكون سبب في الترقيات

والبعثات في الشركة محسومة حق البعض من قبل يدش الشركة

يعني يدش و اهوا متطمن على مستقبله واهوا على مقاعد الدراسة :)

جم واحد انطبقت عليه الشروط وقدم ونطر وتاليتها تطلع الأسامي خالصة من زماااااااااااااان

والله المستعان
 

operation

بـترولـي جـديـد
الصراحة نفس ماقلتوا يبيله عندك فيتامين واو والمشكلة مومتوفر بالصيدليات حاليا:) :)
بس اذا في اي احد يفيدنا إفادة كاملة في هذا الموضوع يعني ابي اعرف الجامعات الزينه وين اروح و شسوي واكون شاكر لكم :)
 

kuwaity001

موقوف
يبااا ماتدري إنها لناس وناااس هذي شركة نفط الكويت مجموعة عصااباااات وظيفتهم تحطيم الموظف الغلبااان

لكن على قولة الشاااعر

كــــدرهااااا على الطـــيــــــــب *********** وتصفاااااا للأنـــــــذ اااااال:p
 

HUMMER

بـترولـي خـاص
عيل وين دور النقابه (( المعتدله ))

ولا بس قبل الانتخابات نسمع صوتها
 

القلب نفطي

بـترولـي نشيط جدا
طيب وبالنسبه للانستااااااااب معترف فيه بالشركه ويعدلون وضعه اللي اخذ الشهاده الجامعيه
بالتخصصات الاداريه ولا الموظف اخذ قاصرها ويقعد بوظيفته ؟؟؟؟؟؟؟؟؟؟
 

Shoomy

بـترولـي خـاص
السلام عليكم
الصراحة مواضيعكم كلها مهمة و مفيدة والمشاكل الي طرحتوها تره كلنا مارين عليها بس ساكتين لانه مافي احد يسمعنا :)
انا ودي اطرح موضوع الدراسة في الخارج انا موظف op-2 في قسم الانتاج و عندي شهادة دبلوم و اطمح اني اكمل الهندسة ابي أي احد من الاخوان يفيدني ليش الشركة ما ادزنا في الخارج للدراسة؟؟؟؟
مااعتقد الشركة ماتقدر تتحمل التكاليف الدراسة مثل الوزارات الاخرى ا و الموظفين الجدد الي يايبيلهم دكاترا من كندا و درسوهم لمدة سنتين الي كلفتهم آلاف الدنانير بدون أي فايده و اتحدى أي واحد يقول انه استفاد من الدورة , يعني هذي الآلاف الي هدرت بدون أي فايده ليش مادزونا ندرس فيها في الخارج وله شرايكم ياجماعة؟

...وشكرا:):)


والله ياخوي الشركه كل سنه تبتعث 2 من موظفينها
:D

تدري يعني شنو تبتعث 2 بس؟؟ ولا هالاثنين واسطات؟؟
يعني اغسل ايدك تروح على حساب الشركه

وبعدين اهم بس يدزون اللي تخصصاتهم فنيه ومن حملة الدبلوم بس

اما اللي عندهم بكالريوس ويبون الماستر فهذول عادي اي واحد يقدر يروح بس بترشيح من التيم ليدر وموافقة المنجر

عرفتوا حبايبي شنوا معنى كلمة مالك امل انك تدرس؟؟

هذا بالنسبه للبعثات

نصيحه ياخوي اذا انت جاد بهالفكره وصج تبي تدرس تقدر تروح انتساب مصر ولا التشيك ولا يوغوسلافيا ولا الهند يعني دوله من هالدول اللي التعليم العالي موافق عليها ومعترف فيها
او ادرس باحد الجامعات الخاصه اللي موجوده بالكويت

والله يوفقك انشالله ويسهل دربك
وانشالله تاخذ اعلى الشهادات يارب

تقبل مشاركتي

تحياتي
 
التعديل الأخير:

Shoomy

بـترولـي خـاص
طيب وبالنسبه للانستااااااااب معترف فيه بالشركه ويعدلون وضعه اللي اخذ الشهاده الجامعيه
بالتخصصات الاداريه ولا الموظف اخذ قاصرها ويقعد بوظيفته ؟؟؟؟؟؟؟؟؟؟



ياخوي يالقلب النفطي

اذا تدرس انتساب عادي ماعندهم مشكله مهما كان تخصصك المهم يصير عندك شهاده اعلى من شهادتك الحاليه

وانشالله لمن تتخرج تروح للتطوير الوظيفي وتعطيهم شهادتك واهم يسوون الاجراءات اللازمه ويتعدل جريدك ومسماك وراتبك وحتى نفسيتك :d

تقبل ردي وتحياتي
 

al3od

بـترولـي جـديـد
اذا كان تخصص هندسه اشلون الوضع اذا واحد راح على المثال التشيك او الهند او سلوفاكياااااا وهل راح يعادلون االشهاده ويعملون لي تعديل
 
أعلى