لو يحولونها ملكيه !!

[المهندس]

انا توقع لو يحولون الديره ملكيه ونفتك من مجلس الامه ويصير مجلس شوري ويكون كل شي في ايدين الملك جان ارتحنا من دوله المؤسسات اللي خشمك اذنك!! وتسهلت أمورنا وما صرنا جذي كل من يطقنا من صوب - مجلس وزرا ومجلس امه ومجلس خدمه ومجلس اداره ومجلس مؤسسه.


واللا شرايكم شباب!! :d

 

[Waluigi]

زينه و مو زينه ما ادري ليه

لكن مجلس الامه بدينا نقدر نعدله يعني نفتك من القبليه و الطائفيه و نوصل الناس الي تخاف الله فينا

 

[المهندس]

كل مره نقول المجلس اليديد راح يكون افضل بس للأسف


وشاكرين لك مرورك

 

[بلبل عنقريزي]

اذا الحين وماكلينا اكل

تبيها ملكيه الظاهر ناوي على تسفيرنا

اوص اوص واللي يرحم والديك لحد يسمعك بلانا منا وفينا

 

[Waluigi]

اذا الحين وماكلينا اكل

تبيها ملكيه الظاهر ناوي على تسفيرنا

اوص اوص واللي يرحم والديك لحد يسمعك بلانا منا وفينا

حسبي الله عليك ضحكتني الله يهديك

 

[المهندس]

لا اسمع لا أرى لا أشم

بس ترا صدقوني احسن لنا - ما راح يكون فيه بروسيجرز ولا شي كلها دقمه زر حق كل قرار.

ههههههههه على طاري البروسيدجر تذكرتلي واحد ما يدري وين الله قاطه دايم يقولها

شاكرين مرووركم

 

[WaRiO]

زينه و مو زينه ما ادري ليه

لكن مجلس الامه بدينا نقدر نعدله يعني نفتك من القبليه و الطائفيه و نوصل الناس الي تخاف الله فينا

وديي اصدق بس قويه قويه

 

[bubader]

وهى ناقصه حتى تصير ملكيه بعد

 

[Waluigi]

وديي اصدق بس قويه قويه

افا تتهمني بالطائفيه و لو سمحت لا تلمح اكثر لانك تعرف توجهي و تفكيري ما هقيتها منك


زعلاااااااااااااااااااااااااااااااااااااااااااااااااااااان

و دور لك احد يرسلك اهناك يا شاطر

 

[الناهض]

سلملي عالملكيه يالحبيب

 

[احمد علي محمد]

احمد ربك

الظاهر ما تقرأ القران و في سورة النمل الآية 34 من السورة المباركة (قالت ان الملوك اذا دخلوا قرية افسدوها وجعلوا اعزة اهلها اذلة وكذلك يفعلون)

 

[بلبل عنقريزي]

يالهويييييييييييييي يااالهوييييييييييي

وربي ان تحولت ملكيه ان تشوفونا باحر نبيع باجلا ونخي


عاوزين تضيعوووووونااااا

 

[algharib]

الله لا يقوا

 

[تايتنك]

خلك علي الامارة احسن وامارة ال الصباح الكرام اللة يحفظهم ويديمهم حقنا وكما تكونوايولي عليكم

 

[Mr. Engineer]

لا يحوشك، ملكية و مجلس شورى!!!

لا يبا خلنا على مينونا أبرك،

صج أن المجلس أغلب اللي يوصلونه ما تهمهم إلا مصالحهم الشخصية،

بس ترى احنا محسودين من الكثير من الدول على حرية الرأي اللي عندنا.

عسى الله لا يغير علينا إلا للخير

تحياتي

 

[scout leader]

لا يحوشك، ملكية و مجلس شورى!!!

لا يبا خلنا على مينونا أبرك،

صج أن المجلس أغلب اللي يوصلونه ما تهمهم إلا مصالحهم الشخصية،

بس ترى احنا محسودين من الكثير من الدول على حرية الرأي اللي عندنا.

عسى الله لا يغير علينا إلا للخير

تحياتي

أنا أأيد هذه المقوله

فعلا المجلس رغم أدائه المتواضع نسبتا لاهدافه الى انه قايم بدور في اشياء كثيره

واذا مسألة المصلحه الشخصيه غالبه فلا ننسى ان في اعضاء لهم ادوار جليله

 

[المهندس]

معظم المشاريع التنمويه توقفت بسبب مجلس الامه (يبون ياكلون من الكيكه)- وكل ما نزل مشروع قالوا فيه حراميه وبايقين ومادري شنو!! مشروع الشمال توقف من سببهم - انا ما عندي مشكله لمن ايي متنفذ وياكل بس خل يتنفذ المشروع- انا انظر لي بعدين (للمستقبل)- ترى البوق والأكل موجود في جميع دول العالم بس عمرها ما كانت عقبه لهم في تنفيذ المشاريع-

خل الناس تاكل من المشاريع (وهذا طبع البشر) بشرط انها تتنفذ. اللي راح تاكل الله راح يحاسبها بس البلد لازم تتحرك.

شنو تترجون من مجلس نفس الاشكال تطلعلنا كل مره - الصقر العنجري البراك السعدون الطبطبائي الخ الخ ..

 

[touareg777]

لالالالالالا خلها دولة الكويت الحبيبه المحبوبه واااااايد احسن

 

[المهندس]

راح تظل حبيبه بشعبها واهلها بس بفرق بسيط انها ملكيه

 

[SR.FIREMAN]

عن العييله

انا توقع لو يحولون الديره ملكيه ونفتك من مجلس الامه ويصير مجلس شوري ويكون كل شي في ايدين الملك جان ارتحنا من دوله المؤسسات اللي خشمك اذنك!! وتسهلت أمورنا وما صرنا جذي كل من يطقنا من صوب - مجلس وزرا ومجلس امه ومجلس خدمه ومجلس اداره ومجلس مؤسسه.


واللا شرايكم شباب!! :d

اقول لا تستعيل على رزقك
لانه هذا اللي راح يصير
بس بالهداوه؟؟؟؟؟؟؟؟؟؟؟؟