ارجو المساعدة

[MAB12]

السلام عليكم ورحمة الله وبركاته


عندي سؤال بخصوص نظام التحفيز واتمنى الاجابه عليه

بقولكم شصار معاي وانتوا احكموا وبعدين بسئلكم ..... قبل جم يوم طلبت من مسؤولي يومين تحفيز لان الشفت زايد وصار بيني وبينه الحوار التالي :

المسؤول : حاضر اعطيك تحفيز يومين بس عندي شرط

انا : شنو الشرط ؟

المسؤول : اي شخص ياخذ طبيه على طول تجي الدوام ويعتبر التحفيز ملغي

انا : هذا مو منطق انا طلبت تحفيز لان العدد زايد واي احد ياخذ سك تشغل بداله اوفر تايم

المسؤول : هذا الكلام مايمشي وروح اتفق مع ربعك ان محد ياخذ فيهم طبيه

انا : ماقدر اضمن لك احد مايصير مريض او ما يصير عنده ظرف قاسي يمنعه من الدوام

المسؤول : انت الحين اخذ التحفيز واطلع يومين راحه وبعدين يصير خير

انا : هذا اللي بصير وبطلع بس انا بسافر وانت تبيني احضر اذا احد اخذ طبيه .. على العموم اذا احد ماحضر اعتبرني غياب وصراحه هذي مذله مو تحفيز

المسؤول : حياك الله

انا : ( مارديت يعني متضايق )

سؤالي يا جماعه هلى في قانون من النقابه او الشركة ان اذا طلعت تحفيز واحد اخذ سك مالي اي علاقه فيه ؟ يعني اكمل التحفيز مالي من غير لا احضر ؟

اتمنى تفيدوني

 

[كنبس]

شوف اخوى
التحفيز مشكلته مشكله
والمسؤل يلعب على كيفه وبطريقته هذى يبي يضربك مع ربعك
والمفروض ان التحفيز ماله علاقه بالسك ولكن المسؤل يبي يبيض وجهه جدام المسؤلين الى فوقه
والتحفيز فيه مذله مثل ماقلت لانك مو من ربعهم لو منهم جان فوقها بوسه وانت طالع
لكن مالك الا ربك سبحانه

 

[فيصل العجمي]

اخي الكريم التحفيز ماله شغل بربعك
تطلع التميز ولو غاب احد مالك شغل هم يشغلون اوفر تايم
وهذي عندنا في مصفاة الاحمدي مافيها اي مشكله
لكن يبدوا ان مسؤلك مزاجي

 

[أطفائي مشاغب]

أ سمع يا حبيبي ورح حق المطعم الهندي عفوا نقابة البترول وقولهم يكلمونه ((( بشرط أمامك)))

وإذا ما تبي تروح لهم روح العلاقات الصناعية (((النيابة العامة )))) ومجرد ما أن يتم أستدعائه والله ما ينام


ويصير محترم

وخلك ذيب

 

[HUMMER]

الله ساعدك على مسؤولك

 

[سالم الخالدي]

أخوي بصراحة أقولك ان هذا النظام التحفيزي هو مكرمة من المسؤولين وليس للنقابة دخل فيه

اذن فالمسؤول لا يعترف بكلام النقابة في هذا الأمر ريح بالك لا تروح للنقابة