مصيبـة دائــرة الغــاز !!!!!

[koc_q8]

بسم الله الرحمن الرحيم



كيف حالكم ياشباب انشالله بخير


انا سمعت من يومين أن الموظفين في دائرة الغاز غير مشمولين بالأعمال الشاقه بالنسبه للتقاعد وأن الكلام هذا كان على لسان مدير دائرة الغاز محمد العتيبي ..فاذا كان هالكلام صحيح وين النقابه من حقوقنا اللي ضايعه ووين ابوسعد من هالمأساة اللي صايره .. فأرجو من الأخوان اللي عنده أي فكره عن الموضوع يوضح لنا شنو السالفه بالضبط .



وشكراً

 

[HUMMER]

والله اخوي اغلب الموظفين يعانون من هالمشكله والسبب ديوان الخدمه والقوانين اللي عندها
وهالموضوع مومن اختصاص نقابة النفط بس يبيلنا وقفه رجل واحد من جميع النقابات والموظفين
لايجاد حل للمشكله اللي راح تتازم مع الايام

 

[koc_q8]

والله اخوي اغلب الموظفين يعانون من هالمشكله والسبب ديوان الخدمه والقوانين اللي عندها
وهالموضوع مومن اختصاص نقابة النفط بس يبيلنا وقفه رجل واحد من جميع النقابات والموظفين
لايجاد حل للمشكله اللي راح تتازم مع الايام

يعني الموضوع صحيح

وليش بالله الموضوع مو من أختصاص النقابه .. ولا تقولي نروح للخدمه ونسوي مظاهره علشان هالمشكله .. حبيبي اذا هالمشكله ماحلتها النقابه اجل معناتها مالها حل نهائياً .. ومو معقوله دائره مثل الغاز مو محسوبه على موظفينها أعمال الشاقه والله مسخره صحيح .


لاحول ولا قوة الا بالله

 

[فيصل الكندري]

الموضوع صحيح وفي مسميات ثانيه غير الغاز عندهم هالمشكلة والخطأ صاير من التأمينات مو من الشركة .. وراح يتم مخاطبة التأمينات بعد "الترفيع" المرتقب لنفط الكويت لان اكثر المسميات تم تغيير اكوادها

الموضوع مو صعب والا يخرع .. كتاب واحد من العلاقات العامة في شركتنا للتأمينات الاجتماعية بالمسميات الجديده راح يخلص الموضوع

 

[فيصل الكندري]

تفائلوا

 

[koc_q8]

الله كريم


ولاهنت يالكندري على التوضيح

 

[Kuwaite]

بسم الله الرحمن الرحيم



كيف حالكم ياشباب انشالله بخير


انا سمعت من يومين أن الموظفين في دائرة الغاز غير مشمولين بالأعمال الشاقه بالنسبه للتقاعد وأن الكلام هذا كان على لسان مدير دائرة الغاز محمد العتيبي ..فاذا كان هالكلام صحيح وين النقابه من حقوقنا اللي ضايعه ووين ابوسعد من هالمأساة اللي صايره .. فأرجو من الأخوان اللي عنده أي فكره عن الموضوع يوضح لنا شنو السالفه بالضبط .



وشكراً

يوم الخميس

 

[عامل نفطي غيور]

أخوي فيصل تبي تعدلها وفعلا أعميتها سؤال أخونا واضح أين النقابه من
الاعمال الشاقه وهذا دورهم وقد تسأل كثيرا أخو نا خالد الفارس وزياد
المطيري وفيه مراسلات من المشرفين والمدير الغاز محمد العتيبي
ولاكن لم يجب عليهم حتى الان تأتي يأخي فيصل وتدمدم الموضوع
وتقول بعد التسكين المسميات نفسها أي تعديل أي كلام هذا وكأنك تدافع عن مجلس مشغول
بتشكيل قائمته للانتخابات مايجب عليك هذا العمال عندهم مشاكل
قديمه وأنت تحمي مجلس نائم لا سوف نصحيهم الا نتخابات قادمه؟

 

[كويتي]

الموضوع صحيح وفي مسميات ثانيه غير الغاز عندهم هالمشكلة والخطأ صاير من التأمينات مو من الشركة .. وراح يتم مخاطبة التأمينات بعد "الترفيع" المرتقب لنفط الكويت لان اكثر المسميات تم تغيير اكوادها

الموضوع مو صعب والا يخرع .. كتاب واحد من العلاقات العامة في شركتنا للتأمينات الاجتماعية بالمسميات الجديده راح يخلص الموضوع

بوغازي للعلم فقط؛

الجهة الموكلة بمخاطبة التأمينات الإجتماعية و التي تمثل شركة نفط الكويت هي "التعويضات" و ليست العلاقات العامة؛ و مما هو جدير بالذكر تسمى العلاقات المحلية " Local Relations" بس هذا الموضوع بالذات مو من إختصاصهم؛

الخطأ مو من التـأمينات لأنهم ليست الجهة التي تقرر مدى خطورة العمل؛ الخطأ من جهة العمل و هم التعويضات بصفتها الجهة المخولة بالتخاطب مع التأمينات؛

و أضيف أن نقابة نفط الكويت (اللي ما تدري وين الله قاطها) لم تتدخل لا من بعيد و لا من قريب بهذا الموضوع؛

خذها من أخوك اللي طيروا عليه 6 سنوات أعمال خطرة و شاقة و السبة ترجمة خطأ؛

لذلك وجب التنويه؛

و الله المستعان،؛،​

 

[فيصل الكندري]

أخوي فيصل تبي تعدلها وفعلا أعميتها سؤال أخونا واضح أين النقابه من
الاعمال الشاقه وهذا دورهم وقد تسأل كثيرا أخو نا خالد الفارس وزياد
المطيري وفيه مراسلات من المشرفين والمدير الغاز محمد العتيبي
ولاكن لم يجب عليهم حتى الان تأتي يأخي فيصل وتدمدم الموضوع
وتقول بعد التسكين المسميات نفسها أي تعديل أي كلام هذا وكأنك تدافع عن مجلس مشغول
بتشكيل قائمته للانتخابات مايجب عليك هذا العمال عندهم مشاكل
قديمه وأنت تحمي مجلس نائم لا سوف نصحيهم الا نتخابات قادمه؟

لا يا غيور ...

ليتك سائلنى قبل ما تفتري على بكلام وانت ما تدري

انا متابع الموضوع من ايام ال K_O_C Group وشفت كلام اخوي زياد وكلام خالد الفارس ورحت للعلاقات الصناعية وتكلمت مع تيم ليدرهم بالموضوع(هالكلام من 3 شهور) وقال عندنا خبر ودزينا كتاب للتعويضات .. ورحت للتعويضات للأخ/ سالم القلاف (اذا تحب تسأله والشخص هذا متخصص بالمتقاعدين) وقالى:" يا فيصل احنا دزينا كتب لمسميات الاعمال الشاقه 3 مرات للتأمينات واهم اللى ما يعتمدون الموضوع، والمشكله من عندهم، وحاليا اذا في احد يبي يتقاعد اندز كتاب للتأمينات عن الشخص هذا بنفسه كحالة فرديه ويحسبونه اعمال شاقه، وما يتم الامر حاليا الا بهالطريقه ... والحين بعد التصعيد او التسكين الجديد راح يتغير كود كل وظيفه لان درجتها ومهامها تغيرت وراح ندز للتأمينات مره ثانيه بعد ما ينتهى التسكين بالاكواد الجديده عشان تعتمد الاعمال الشاقه بمسمياتها الجديده" .. انتهى ملخص كلام سالم القلاف.

اخوى عامل نفطي غيور

اتمنى انك ما تجيب كلام من عندك ... انا ما دافعت عن نقابة مع العلم انى كنت احد مؤيدينها ( اخر مره دشيتها كان في انتخابات 2003) وكل اللى كنت اسويه اجتهادات شخصية مني ، وصدقنى لو بدافع عنها ما نزلت مع الائتلاف.

إللى اعرفه حاليا ان الربع بالغاز اجمعوا تواقيع وودوها للنقابه من شهر أغسطس والنقابة (مع الأسف) ما تفاعلت معاهم ولا طلبت رسمي من الإدارة حل هذه المشكلة.

عموماً هذا التفصيل كله هو كلام الشباب بالغاز ولهم الحق بالتذمر دام إن النقابة مو واقفة معاهم وأتمنى من القائمة إللي راح تنجح إنها تنهي هذه المسألة.

 

[فيصل الكندري]

بوغازي للعلم فقط؛

الجهة الموكلة بمخاطبة التأمينات الإجتماعية و التي تمثل شركة نفط الكويت هي "التعويضات" و ليست العلاقات العامة؛ و مما هو جدير بالذكر تسمى العلاقات المحلية " Local Relations" بس هذا الموضوع بالذات مو من إختصاصهم؛

​

مشكور كويتي على هالمعلومة .. بس التعويضات تخاطب التامينات عن طريق (مدير مجموعة العلاقات العامة والاعلام) وهذا قرار من رئيس الشركه بان جميع الكتب تطلع من مدير مجموعة العلاقات العامه الا الكتب الفنية للمشاريع فيها استثناء (واذا كانت التعويضات تخاطب التامينات مباشره فهذا شى مو صحيح) .. العلاقات المحلية اللى تفضلت فيها هذا اسم فريق داخل مجموعة العلاقات العامة والاعلام.

الخطأ مو من التـأمينات لأنهم ليست الجهة التي تقرر مدى خطورة العمل؛ الخطأ من جهة العمل و هم التعويضات بصفتها الجهة المخولة بالتخاطب مع التأمينات

​

التعويضات دزت كتب 3 مرات باسماء وتفصيل الوظائف الشاقة واذا تحب اوديك تشوفهم لكن المشكله ان التامينات ماتبى تسوي آليه في هذا الخصوص و وكل مره تطلب من الشركة انها تدز تفصيل عن كل شخص يطلب التقاعد اذا كان اعمال شاقة والا لا ..

و أضيف أن نقابة نفط الكويت (اللي ما تدري وين الله قاطها) لم تتدخل لا من بعيد و لا من قريب بهذا الموضوع؛

خذها من أخوك اللي طيروا عليه 6 سنوات أعمال خطرة و شاقة و السبة ترجمة خطأ؛

​

النقابة في تذمر عليها بين جموع العمال ومابى اخوض بهالموضوع والجمعية العموميه راح تكشف هالشي ، واذا السالفة صايره معاك .. صدقنى حقك ما راح يضيع .. اروح معاك وان شاء الله يضبط شغلك والسعر واحد

 

[koc_q8]

فيصل انا ادري انك تجيب العلم



شنو أخبار القريد

 

[فيصل الكندري]

فيصل انا ادري انك تجيب العلم



وش أخبار القريد

اسأل غيور ... صاير مباحث على القريد

اتوقع تلقاه الحين متلطم بكراسيدا بيضا من داخل عنابي موديلها 95 ما فيها طوس يم مبنى التوظيف

غيور (ما شاء الله عليه) اخباره مضبوطه خلك معاه بسالفة القريد(الله يبيض وجهه ولا يهينه على المتابعة)

 

[koc_q8]

اسأل غيور ... صاير مباحث على القريد

اتوقع تلقاه بكراسيدا 95 لونها ابيض واقف يم مبنى التوظيف

غيور اللى اخباره مضبوطه خلك معاه بسالفة القريد(الله يبيض وجهه ولا يهينه على الاخبار)

ماينلام والله حتى حبيب قلبي Kuwaite صاير مخبر على القريد


الله يجازي اللي كرهنا بيوم الخميس واللي كان السبب

 

[الارياق]

والله يا خوي فيصل انت مكسب للنقابه ووالله اني اتمنالك النجاح بالانتخابات وشكلك يا بو غازي لاج الاداره الي مطلع وعارف كل هالاخبار وبالفعل واكون معاك واضح انا سالت عن الاعمال الشاقه وطلع كلامك صح وابشر بالصوت انت وقائمتك
موفقين ونعم للتغير

 

[عامل نفطي غيور]

اقتنع يافيصل بما يحدث وارجع لرشدك واعترف بأن النقابه ما تحركة بموضوع
الاعمال الشاقه وان المسميات لم تتغير والكودما يتغير الا اذا تغيرت
المجموعه أو الدائره وتقول انك تتحرك من قسم الى أخر بأي صفه
ومن يرجع من الخطا موعيب العيب الذي يتمادى وأناحزين على هذه المعلومات
التي تنقلك وتصدقهم ولك مني جزيل الشكر وتابعها بعد النجاح انشألله

 

[عامل نفطي غيور]

أشكر أخوي فيصل على الرساله الخاصه التي وصلتني منك في بريدي الخاص
ولك مني جزيل الشكر وكثر الله من أمثالك وتطالب لنا فحقوقنا المشروعه؟

 

[Phox]

اقتنع يافيصل بما يحدث وارجع لرشدك واعترف بأن النقابه ما تحركة بموضوع
الاعمال الشاقه وان المسميات لم تتغير والكودما يتغير الا اذا تغيرت
المجموعه أو الدائره وتقول انك تتحرك من قسم الى أخر بأي صفه
ومن يرجع من الخطا موعيب العيب الذي يتمادى وأناحزين على هذه المعلومات
التي تنقلك وتصدقهم ولك مني جزيل الشكر وتابعها بعد النجاح انشألله

اشهد انك ابلشت الرجال .. اقرا كلامه ورده عليك بالصفحه الاولى( يا شايب) تراه ما قال ان النقابة تحركت بالموضوع

اشهد انك بلشه ... هذا ما صار عضو ليلحين واكلته، باجر شكلك بتنطره عند باب النقابه :d​

 

[Phox]

أشكر أخوي فيصل على الرساله الخاصه التي وصلتني منك في بريدي الخاص
ولك مني جزيل الشكر وكثر الله من أمثالك وتطالب لنا فحقوقنا المشروعه؟

اجل فيصل دزلك رساله على الخاص ؟؟

انت حدك فضيحه لوووووووووووول


وين خويك "الشايب" اليوم ما بين ؟؟​

 

[ابن الغاز]

بسم الله الرحمن الرحيم

هذا من عجايب الزمان اذا كان قسم الغاز لا يصنف من الاعمال الخطره والله المستعان