مبروووووووووووووووك القرار الاخير

[brilliant]

شريطة ألا يزيد المرتب على 1750 ديناراً

مجلس الأمة أقر زيادة الـ 50 ديناراً لجميع الموظفين والمتقاعدين بالقطاعين العام والخاص

وقت النشر 1:40م




كتب محمد السلمان:

أقر مجلس الأمة زيادة 50 ديناراً على العلاوة الاجتماعية لجميع الموظفين والمتقاعدين في القطاعين العام والخاص وأصحاب مساعدات الشؤون شريطة ألا يزيد راتب المستفيد على 1750 ديناراً.
وأحال المجلس القانون الذي صوت عليه في المداولتين للحكومة لتنفيذه، وجاءت النتيجة بموافقة 46 نائباً وامتناع الحكومة.

تاريخ النشر: الاربعاء 5/12/2007


المصدر

 

[سالم الخالدي]

مبروك للجميع


لكن أي علاوة اجتماعية تقصد

 

[KOCiya]

يعني شنو بح زياده !!
والخنبقه على شهر فبراير وابشروا المقنعه بطل يا موظفين القطاع النفطي !!!
يا خبر اليوم بفلوس بكره نشوف لوية النقابات الحقيقية ابلاش !!!!!

 

[غيوره جدا]

يالله مبروك .. و الديره بتشب دبلات

 

[touareg777]

الله يبارك فيك على الاخبار الحلوه بس شنو يعني بس 50 دينار ونصكر حلوجنا وين الزياده الي نولدت قبل لا تطلع زيادة الخمسين دينار بعدة اشهر نبيهاااااااااااااااااااااااااا ابيهاااااااااااااااااااااااااااااااااااااااا والله حاشنا القحط شوف الموظفين من ينزل المعاش ثاني يوم محلق وكاشخ والوي منور والبنات اخر كشخه بس خل يصير تاريخ 10 من الشهر كل واحد لحيته جنه بوجهل لي ركبه والبنات ما يطلعون وايد من الدوام لانه ماعندهم فلوس وكل يوم نفس اللبس ولا عبايه

 

[موظف]

لا تفرح باجر تنلغي

 

[LaRambla]

عيل شنو بيصير بفبراير

ولا هذي هي الزياده ؟؟؟

 

[EQUATER-1]

باجر تزيد كل الاسعار وبالذات الجمعيات

 

[مواطن]

50 ؟ ما نبيها نبي زيادتنا ....

 

[ahmed]

استفسار

اذا الخبر هذا صج راح ينحسب على اي راتب الكامل ولا اللي بالشهاده الراتب ولا شلون شباب لانه مو عارفين التامينات مثل المنشار مشلخه هالراتب حتى الاضافي ياخذون منه وبالتقاعد مايحسبون البدلات المهم السؤال اللي بالشهادة الراتب ولا الاجمالي وبدل الانتقال اللي هي 45 دينار من ضمن الشهاده ومشكورين والله يعطيكم العافيه وشكلها راح الكادر انشوفه بالدربيل اذا بين

 

[اقبض من دبش]

بي امي ابي ابوي ابي اروح بيتنا وااااااااااااااااااااااااااااااااااااااااااااااااااااااااااااء

 

[Federer]

50 !!

كفوهم !!

الامارات و قطـر زادوهم دبــل المعاااش
و ربعناا يقعدون يتهاوشون و يذلوناا ولا بالاخير يقروون لنااا "معاااش صبي"

بفبراير اذا ما زادوا المعاااشاات "عدل" .. أتوقع الكويتيين مارااح يسكتوون مثل كل مرره !

اضراااب .. مظااهراات ..

بتنعفس الديرة ..

 

[LaRambla]

ياجماعة سمعت ان الموافقه ليست نهائية وانما من المجلس فقط والحكومة ماوافقت عليها


يعني ننطر لى فبراير

 

[الشايب]

يا حبكم للفلوس حباااه


احمدو ربكم

 

[07_unit]

خير انشالله حجي جرايد ما نبي نبي اتسجل في الشهادة الراتب يالله نرتاح

 

[سالم الخالدي]

بي امي ابي ابوي ابي اروح بيتنا وااااااااااااااااااااااااااااااااااااااااااااااااااااااااااااء

قد تقرر اعطائك مخالفة على الاستهزاء في المواضيع الجدية

راجين من الاخوة الباقين التعاون معنا

 

[ALSERHAN]

مبروووك عليكم وخاصة القطاع النفطي
زيادتنا + 50 دينار خير إن شاء الله

بسنا فلوس ياحسين​

 

[WaRiO]

حلويين يعطووون 50 ويسكروون حلوووجنا بـ 200 منحه

وكان الله غفووور رحييم

تيتي رحتي مثل ما جيتي

موفقيين

 

[Future man]

والله عيب يامجلس الأمة تطالبون بخمسين دينار بس

الإمارات وقطر زياداتهم خيالية وإنتوا لكم وجه تطالبون بالخمسين لا ومستانسين عليها وراح تحطونها من إنجازاتكم

إنجازات الفلس

 

[فيصل العجمي]

لا اعلم حقيقه لماذا هذا التخبط
فهناك امر من سمو الأمير بعمل دراسة لزيادة الرواتب
وكنا نتوقع ان تكون الزيادة مجزيه وكبيره للجميع
وفي المقابل مجلس الأمة يقر زيادة خمسين دينار فقط


ارجوا ان لا تتوقف المطالبات كما ارجوا ان يكون هناك حزم من الحكومه بخصوص زيادة الاسعار وتلاعب التجار