هل أنت مع أم ضد توحيد الجنسية الكويتية

[norema-sarto]

لجنة الوحدة الوطنية تطلق فعاليات لتوحيد الجنسية الكويتية

اعلن عويد شنان العنزي منسق لجنة الوحدة الوطنية بان اللجنة بصدد الاعداد لفعاليات وندوات تهدف الى تعزيز الوحدة الوطنية ونبذ كل اشكال التمييز بين ابناء الوطن الواحد، وقال العنزي ان اللجنة ستعقد اولى فعالياتها الاسبوع القادم وستخصص الندوة الاولى للحديث عن توحيد الجنسية الكويتية بما يتوافق مع الاطر الدستورية التي تنص على العدل والمساواة واصف قانون الجنسية الحالي بانه معيب وتسبب بايجاد طبقات متفرقة بين ابناء البلد الواحد.

منقول من جريدة الآن

إضغط على هذا الرابط لمشاهدة الموضوع و التعليقات

 

[رجل امن اول]

والله اخت فيروز الصراحه

انا مو عاجبني هل قرار مادري ليش

هم احس انه في ظلم شويه

انه يوحدون الجنسيه

انا اقول يخلونه مثل مااهو ويسكتون احسن

لانه الموضوع الصراحه ماله داعي

اهم شي الحين يشوفون حال المواطن بالكويت وبس

وشكرا

 

[Mr. Engineer]

أنا مع التوحيد،

يعني من ولد في الكويت، و أبوه مواليد الكويت، و جده مواليد الكويت، كيف لا يكون كويتي!!!

يعني يجب دراسة الحالات الفردية.

و الله حرام اللي قاعد نشوفه بالمجمعات، شباب في عمر الورود، كاشخين غترة و عقال، و تشوفه ماسك لاسلكي في إيده، يطلع أمن!!! أنا قعد مع جم واحد و كلمتهم، حالتهم كسيفة، معاشاتهم 120 إلى 150 دينار، وراه أم و أبو و أخوان يصرف عليهم.

ما يقدر يدرس، ما يقدر يسوق سيارة، ما يقدر يتوظف، و كل هذا ليش؟؟؟

لأن أبوه و لا جده يوم كان التسجيل في الستينات لم يأخذوا الموضوع بجدية، و اهتموا بلقمة عيشهم اليومية، و لم يدر في بالهم العذاب الذي سيلحق بأبنائهم و أحفادهم فيما بعد.

ترى و الله فيه عوايل، إخوان فيها واحد أخذ الجنسية و الثاني ما أخذها، صاروا عيال العم عايلة كويتيين، و الثانية بدون.

الله يعينهم و يحل قضينهم

 

[رحال]

قانون أو مقترح غير مجدي أبداً

والسبب إن كل من هب ودب قال آنا كويتي وأصولي كويتية ... يا جماعة الجنسية معناها تاريخ من تأسست الكويت .. لكن أطلع سالفة بالتجنيس ومادة 1000 ومادة ماردي شنو .. هذا مو كلام

مثل ما قولوا الأولين " كلنا عيال قريه وكل من يعرف أخيه " وهالسوالف ما طلعت إلا بعد ما انعطوا ويه فيها

 

[بلبل عنقريزي]

رحال ديرتك شاطره بتجنيس الطبقه الراقيه جدا اللي اهم الفنانين وماشابه من الحثاله
ونست من ضحوا بدمهم على شان هالديره
على فكره الشهداء اللي ضحوا بروحهم على شان الشيخ جابر الله يرحمه بمححاولة عملية اغتياله كلهم بدون
وكاهم عوايلهم طايحين بالاحمدي بملاحق اجار على حسنات اهل الخير
وكل الكلام اللي قاله بالجرايد جذب بجذب انا رحت وشفتهم بعيني

بقولك شي رحال مساااااء الخير

 

[رحال]

تحياتي بلبل

معاك حق ... بالنسبة للشهيد اللي توفى في حادث الأمير تم إعطائه جنسية ... أما بالنسبة لباقي أسرته ليس لي أدنى فكرة .. استاذي الفاضل ... اذا تم اعطاء الجنسية لكل من وهب نفسه لبلد عاش فيه وذلك بسبب نوعية عمله ... ومن الداخل نحن على يقين من يكون ومن أين أتى فأين المساواة والعدالة ؟!

يعني بمعنى آخر .... فلان بن فلان أتى من شرق أم من غرب أم من شمال أو ... أو .... ولم يعلن عن جنسيته وأتت لحظة الحسم وراح شهيداً لعمل بطولي ؟! لماذا قبل أن يقوم بالإعلان عن جنسيته الأصلية ؟! أم هناك حاجة أخرى في باله ؟!!

أسئلة كثيرة وأمور معلقة كثيرة !! ولكن هل أصبحت مسألة البدون الشغل الشاغل للكويت ؟! أم إنها مسألة كسب أصوات وقاعدة جماهيرية للتصويت ؟!!!

استاذي بلبل ... مساك الله بالنور

 

[بلبل عنقريزي]

تحياتي بلبل

معاك حق ... بالنسبة للشهيد اللي توفى في حادث الأمير تم إعطائه جنسية ... أما بالنسبة لباقي أسرته ليس لي أدنى فكرة .. استاذي الفاضل ... اذا تم اعطاء الجنسية لكل من وهب نفسه لبلد عاش فيه وذلك بسبب نوعية عمله ... ومن الداخل نحن على يقين من يكون ومن أين أتى فأين المساواة والعدالة ؟!

يعني بمعنى آخر .... فلان بن فلان أتى من شرق أم من غرب أم من شمال أو ... أو .... ولم يعلن عن جنسيته وأتت لحظة الحسم وراح شهيداً لعمل بطولي ؟! لماذا قبل أن يقوم بالإعلان عن جنسيته الأصلية ؟! أم هناك حاجة أخرى في باله ؟!!

أسئلة كثيرة وأمور معلقة كثيرة !! ولكن هل أصبحت مسألة البدون الشغل الشاغل للكويت ؟! أم إنها مسألة كسب أصوات وقاعدة جماهيرية للتصويت ؟!!!

استاذي بلبل ... مساك الله بالنور

يابعد راسي
والله كانت مداخلتي واضحه وماشفتك تطرقت للفنانين ولا قربت صوبهم واحد باكستاني والثانيه كانت مدمنة حشيش وسهرات وعلى فكره لا الشهداء ولا اطفالهم ولا اهلهم خذوا الجنسيه
وجاوبت لك فوق لما قلت كل اللي كتبوه بالجرايد جذب بجذب !!!!
واتمنى تمر الاحمدي من صوب السناتر وتسأل وراح يدلونك هالملاحق وتقدر تاخذ الاخبار والعلوم من راسهم
بس حبيت اقولك ان الوضع مزري جدا
وناس وايد يستحقونها وماخذوها وناس خذوها واهم مايستحقونها
وتعال فجج بينهم

 

[كي او سي]

يابعد راسي
والله كانت مداخلتي واضحه وماشفتك تطرقت للفنانين ولا قربت صوبهم واحد باكستاني والثانيه كانت مدمنة حشيش وسهرات وعلى فكره لا الشهداء ولا اطفالهم ولا اهلهم خذوا الجنسيه
وجاوبت لك فوق لما قلت كل اللي كتبوه بالجرايد جذب بجذب !!!!
واتمنى تمر الاحمدي من صوب السناتر وتسأل وراح يدلونك هالملاحق وتقدر تاخذ الاخبار والعلوم من راسهم
بس حبيت اقولك ان الوضع مزري جدا
وناس وايد يستحقونها وماخذوها وناس خذوها واهم مايستحقونها
وتعال فجج بينهم

صدقت بلبل

ذكرتها من قبل في ناس تستحق الجنسية بلا منازع بس ماني عارف وش يبون

الدول كلها تدور المميزين علشان يجنسونهم من امريكا لي قطر واهني مثل ما تفضلتو لاحقين الفنانين والمطربين

اعطيكم مثال بسيط ، كويتية الجنسية عندها خمس 5 عيال 4 شباب وبنت (الشباب منهم 2 اطباء واحد طبيب اسنان والثاني طبيب عام، واحد مهندس كمبيوتر والرابع يدرس وباقيله سنه ويتخرج انشاء الله مهندس)
(البنت سنه رابعة بعد جم شهر تتخرج من ادارة اعمال) والام ناظرة مدرسة والاب يشتغل في الداخلية بس مشكلته بدون) انزين شيبون بعد اكثر من جذي، والله واحد من الاطباء كان يشتغل في المعلمومات المدنية بنظام المكافأة ويشتغل صبح وليل ومعاشه 150 دينار. وموجودين بالكويت من دهر

انشاء الله تحوشهم الجنسية بالدفعة الجاية ، اللهم آمين، والله يستاهلونها كافي علشان عيالهم

بس على قولت المعارضين الحكومة ابخص باللي تشوفه

 

[بلبل عنقريزي]

صدقت بلبل

ذكرتها من قبل في ناس تستحق الجنسية بلا منازع بس ماني عارف وش يبون

الدول كلها تدور المميزين علشان يجنسونهم من امريكا لي قطر واهني مثل ما تفضلتو لاحقين الفنانين والمطربين

اعطيكم مثال بسيط ، كويتية الجنسية عندها خمس 5 عيال 4 شباب وبنت (الشباب منهم 2 اطباء واحد طبيب اسنان والثاني طبيب عام، واحد مهندس كمبيوتر والرابع يدرس وباقيله سنه ويتخرج انشاء الله مهندس)
(البنت سنه رابعة بعد جم شهر تتخرج من ادارة اعمال) والام ناظرة مدرسة والاب يشتغل في الداخلية بس مشكلته بدون) انزين شيبون بعد اكثر من جذي، والله واحد من الاطباء كان يشتغل في المعلمومات المدنية بنظام المكافأة ويشتغل صبح وليل ومعاشه 150 دينار. وموجودين بالكويت من دهر

انشاء الله تحوشهم الجنسية بالدفعة الجاية ، اللهم آمين، والله يستاهلونها كافي علشان عيالهم

بس على قولت المعارضين الحكومة ابخص باللي تشوفه

صادق ياخوي
بس مع الاسف اللي نشوفه اصحاب القرار يريدون ان يقلبونها انحطاط وسفاهه
مايبون التطور ولايخافون ربهم بهالمساكين

واول شخص ينقاله .... .. واليهودي يتراوالي فيه رحمه اكثر منه اهو احمد باقر
لما عارض التجنيس واللي يبي الدليل
عندي يكلمني واعطيه الدليل صوت وصوره
او ليش يكلمني
روحو لليوتوب وحطوا اسم احمد باقر وتطلع لكم روابط
دشوا رابط القاضي الذي فضح احمد باقر
واستمتعوا بالعجب العجاب وعالهوا مباشره

 

[بوعبدالرحمن]

والله اخت فيروز الصراحه

انا مو عاجبني هل قرار مادري ليش

هم احس انه في ظلم شويه

انه يوحدون الجنسيه

انا اقول يخلونه مثل مااهو ويسكتون احسن

لانه الموضوع الصراحه ماله داعي

اهم شي الحين يشوفون حال المواطن بالكويت وبس

وشكرا

( اسقاط القروض فيه ظلم اسقاط الديون فيه ظلم شراء المديونيات واعادت جدولتها فيه ظلم توحيد الجنسيه الكويتيه فيه ظلم ؟؟؟؟؟؟؟؟؟؟؟؟؟؟؟؟؟؟؟ شنو العدل ؟

 

[LaRambla]

ضد طبعا


الله خلق وفرق

 

[كعبول]

والله شوف ....

انه مع وضد بنفس الوقت ....


مع ::

مع لمن احب الكويت واحب ترابها ... مع لمن لا يرضى ان تهان الكويت ... مع لمن فضل مصلحة الكويت على مصلحته ... مع لمن يتصرف بذكاء ويرد على الاخرين بذكاء من غير جرح او سب .... مع لمن يحافظ على عادات وتقاليد الكويت القديمة ولا ينساها


ضد ::

وضد لمن يطمع للمال فقط .... ضد لمن يسئ للاخرين على حساب سمعة الكويت ... ضد لمن هرب من الكويت معتقدا انها انتهت ايام الغزو الله لا يرده ان شاء الله ... ضد لمن يفضل مصلحته على مصلحة الكويت ..... ضد لمن ينسى افضال الاخرين ....




وفليكن بمعلوم الجميع ان اي شخص يولد بالكويت ليس بالضرورة ان يحبها فهناك اشخاص مولودين بالكويت ولكنهم باعوها من اجل .....

 

[touareg777]

كل واحد يدري منو عيال الديره ومنو عيال شرق والمرقاب وعيال الفنطاس انا مع توحيد الجنسيه تدرون ليش لانه الجنسيه الاولى مو صعبه تدرون شلون كلنوا ياخذونها اتييب لك 3 شهود وتاخذها يبا على ايام قبل كانت الجنسيه ببلاش بس الحين لا مو كل من خش جنسيته وقال انا بدون وابي جنسيه في ناس يستحقون الجنسيه بجداره وفي ناس لا يبي الجنسيه علشان المعيشه الكويتيه

 

[كي او سي]

صادق ياخوي
بس مع الاسف اللي نشوفه اصحاب القرار يريدون ان يقلبونها انحطاط وسفاهه
مايبون التطور ولايخافون ربهم بهالمساكين

واول شخص ينقاله .... .. واليهودي يتراوالي فيه رحمه اكثر منه اهو احمد باقر
لما عارض التجنيس واللي يبي الدليل
عندي يكلمني واعطيه الدليل صوت وصوره
او ليش يكلمني
روحو لليوتوب وحطوا اسم احمد باقر وتطلع لكم روابط
دشوا رابط القاضي الذي فضح احمد باقر
واستمتعوا بالعجب العجاب وعالهوا مباشره

وهذا هو الرابط

 

[زهرة التوليب]

مع توحيد الجنسيه

ليش التفرقه يعني ؟؟
شنو يعني درجه اولى وخامسه وسابعه وما ادري شنو ؟
صارت عماره مو جنسيه ؟

طبعا أنا مو قاعده اتكلم عن اللي متجنسين على أزواجهم لأن هذولي بالاساس المفروض ما يعطونهم جنسيه دامهم عندهم جنسيه وعيالهم كويتين ليش بالله المره تجنس بعد ؟

بس قاعده اتلكم على اللي انولدوا على ارض الكويت وابهاتهم انولدوا بالكويت وجناسيهم سابعه وخامسه ؟؟
مافي منطق حق سياسة تعدد الجنسيه
واتمنى توحيدها

والله في ناس عندهم جنسيه اولى وما انولدوا بالكويت ؟
وفي ناس عندهم اولى والحجي مكسر ؟؟

وتلقون اللي ابهاتهم وعيالهم واحفادهم مواليد الكويت ماخذين خامسه وسابعه !!!

 

[jajs04]

الكويت ما انوجدت إلا قبل 300 سنة والكويتيين من جميع الأقطار من قبائل شبه الجزيرة العربية و بلاد الشام والعراق وبلاد فارس
وهذه البلدان كان لها حضارات شامخة من آلاف السنين

وحتى لو كان في ناس أنسابهم بعيدة لكن الحكومة جنستهم لمصلحة البلد ، لأن بعضهم كان يحمل شهادات عليا قد يرفع من قدر الشعب و في أمثلة كثيرة حاليا

و كرامة الإنسان ما هي بالأصل والفصل بل كما قال سبحانه وتعالى في كتابه الكريم :

يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ {49/13}

 

[تايتنك]

انة مع الزيادة وبس اماتوحيد الجنسية فيها اشوية ظلم واحد كويتي اب عن جد وواحد هندي تومعطينة جنسية مايصير هيج واللة المسئول الكبير عندنا مايعرف ان يتكلم اكويتي وجنسيتة كويتي ولاتحويلاتة كل حق عمان بصرش هيك يازلمة