موضوع مهم (ازدحام مستشفي الاحمدي)

[الحر العنيد]

الي متي يا جماعه نلقي حل علي هل مشكله نحن انعاني من فوق ما الناس مرضانه يزود مرضهم من طول هالقعده من الساعه والساعات

اتمني من الاخوان المدراء والنقابه الالتفات بهالشئ لانه معانات كل شخص

 

[redrose]

محد يسمع عمك اصمخ
ماكو حل ......


ليش تعور راسك ونتطر بالدور واخر شي يعطي بندول

حط فلوسك بالشمس وقعد بذلال

 

[الشايب]

والله اني اجي للمستشفى الساعه 1 واقص لي كرت واروح البيت واتغدى واعين من الله خير وارجع لهم ولا الحين ما جاء دوري مرات اصلي العصر واجيهم

 

[المهندس]

يا زينه قبل لمن كان بس حق شركه النفط .

 

[nawaf52]

بزيدكم من الشعر بيت اليوم مريت المستشفى ولا سوبر المرور يخالف داخل المواقف أهو شايف الزحمة ومافي مواقف الظاهر قال فرصه أخلص دفتري بيوم واحد .




يحطون مواقف حق 200 سيارة واللي يراجعون 1000 سيارة أشلون يلقون مواقف علموني .

 

[المهندس]

علموني = قولولي

 

[HUMMER]

ياجماعة القدره الاستيعابيه للمستشفى ان كل قسم يستقبل 50 مريض يوميا
ايام ماكانت المستشفى لموظفين شركة نفط الكويت بس. والحين اغلب الشركات النفطيه تعالج بالشركه
فلازم نصبر اشويه وعلى طاري الدواء مافي احسن منه وكله مستورد مو مثل المستشفيات الحكوميه

 

[Ahmadi Ambulance]

صحيح كلامكم الضغط شديد على المستشفى والعاملين فيها

والمراجعين بازدياد

الله يعينا ويعينكم

 

[علميني الحب]

أنا أذكر أول ما تعينت بالشركه
قالوا راح يبنون مستشفى جديد لا عفوا مو راح يبنون طالع المخطط وخالص
ولا أدري شنو أخر أو ألغى هالموضوع

 

[hanfa]

أنا أذكر أول ما تعينت بالشركه
قالوا راح يبنون مستشفى جديد لا عفوا مو راح يبنون طالع المخطط وخالص
ولا أدري شنو أخر أو ألغى هالموضوع

لا تحاتون راح يبنون انشاء الله وانا متفائل بهالسنة 9999
هههه

الصراحة المستشفى حسنه وحده فيه

ان مافيها واسطات عينك عينك

مثل مستشفيات الحكومة يحطون لك موعد بعد 3 شهور حق قسطرة
وبعد شهر من يحطولك الموعد والا حايشتك جلطة
الله يكافينا الشر

 

[alqreen]

والله الفلوس اللى يخسرونها فى الترميمات اللى يسونها الحين كان بنو مستشفى
واللى قاهرنى اكثر انه بتروح للعيادات تقول رايح متاهه مافيه تنسيق كلش
لا والصيدلية تزهق وانت تنطر دور
والاجنحه مشكلتها مشكله على ماتوصلها والا منهد حيلك الله يعين بس

 

[باش دبلوم]

الحق ينقال بالنسبه للادويه والتشخيص لاحظنا الفرق الشاسع بين الشركه والحكومه

ولكن المشكله فى الازدحام والقدرة الاستيعابيه للمستشفى كانت مخصصه لموظفى نفط الكويت فقط وبعد انضمام باقى الشركات لم يتم عمل توسعات الا فى بعض الاقسام فقط.

والشركة باستطاعتها بناء مستشفى متكامل يوفر الرعايه الصحية لجميع موظفى القطاع النفطى ولكن؟؟؟؟؟ اين الضمائر؟؟؟؟

 

[أبو خالد]

الضمائر ... طال عمرك موجودة

اذكر سووا دراسة لبناء مستشفى للقطاع.. واكتشفوا انه يكلف واجد (خافوا على فلوسهم) هونوا


لو يضمون المستشفى لوزارة الصحة أبرك مليون مرة

أنا لما انقبلت بالشركة .... سيدا قالوا لي (المهنئين ) ياحظك تعالج بمستشفى الشركة !!!


اي حظ حظ ياعمي ... من حظ الاجنبي والعاملين فيه

 

[زهرة التوليب]

معاكم حق

ولا تنسون ان الشركه متروسه أجانب هنود وغيرهم
واغلبهم يتعالجون معانا في نفس المستشفى وشوف الأجنبي لما ايي يبي يراجع
تلقاه يايب زوجته وعياله ويدخلون يبسطون عند الدكتور وما يطلعون الا بطلعه الروح !!

محللين المستشفى عدل
واحنا يا خلاف ننلطع دور وننطر وفلان داش وافلان طالع واحنا ناطرين ينادون رقمنا
وبالأخير النفس خايسه جنك تطر من عندهم !!

انا صراحه هالمستشفى من زمان حاطه عليه X

ما ادري ليش الناس حاسدينا عليه ؟؟ كل من يقولي يا حظكم عندكم مستشفى خاص للبترول
ما يدرون ان هالمستشفى صار جنه سوق اليمعه متروس أجانب ومواعيد خرطي وتأخير ولوعة جبد