ممكن خدمة

[حنان]

السلام عليكم ورحمة الله وبركاتة
بنات شباب ابي منكم خدمة انا ابي اكتب مقالة او ثنتين حق جريدة حتن اشوف اذا انا مشروع صحفية او لا
فماني عارفة شنو اكتب عنة هالمقالات, المساعدة اللي ابيها منكم تساعدوني في مواضيع تكون بعيدة عن السياسة وتكون خفيفة يعني بس المواضيع وشكرا لكم

 

[SOS_KW]

عزيزتي حنان أحلى موضوع تكتبين فيه أثر خروج المرأة للعمل على البيت والأولاد والزوج طبعا وسنين الخدمة الطويلة .. يمكن يخففون سنوات الخدمة لمصلحة أجيال المستقبل المستنزفة وبعدين نخلي مكان حق هالشباب المساكين

 

[Shoomy]

بالضبط ياحنونه
مثل ماقالت Sos_kw
هذي المواضيع اللي تشد القراء

بالتوفيق

 

[SOS_KW]

أقول أحبائي حنان و Shoomy وين الناس .. وين الأفكار وين الوقفة عند حاجة الصديق ..

أشوف لا حياة لمن تنادي .. صارت صحرا الحين

 

[brilliant]

اخذي زاويه من الجريده وحطي كل يوم طبخه ,,, وصدقيني مراح يستغنون عنج هالجريده

 

[SOS_KW]

عزيزي brilliant الله يهداك المرة تقولك مشروع صحفية تقولها طبخة

 

[كعبول]

امممم ...


شرايج تكتبين عن سبب شراء الناس لاشياء لاكثر من مرة ....

يعني .... ليش الحين الكل عنده تلفونين ... سيارتين ... نظارتين ... وساعات الناس تزيد .... شنو الحكمة منها اذا زدت من هالاشياء ... هل هي عادة .. ام اعجاب بالشيء ... تقليد ... ام انه يبي يلفت انظار الناس حقه ....



عندج بعد ....

المسلسلات في الزمن هذا هل اصبحت مفيدة ام مضرة ...



عندج ....

كتبي عن سبب اختفاء السياحة في الكويت وكيف تصبح سياحية اكثر ....




الصراحة هالمواضيع مهمة جدا وستسلطين الضوء على امور مهمة بالحياة ...

 

[مواق]

السلام عليكم ورحمة الله وبركاتة
بنات شباب ابي منكم خدمة انا ابي اكتب مقالة او ثنتين حق جريدة حتن اشوف اذا انا مشروع صحفية او لا
فماني عارفة شنو اكتب عنة هالمقالات, المساعدة اللي ابيها منكم تساعدوني في مواضيع تكون بعيدة عن السياسة وتكون خفيفة يعني بس المواضيع وشكرا لكم

اختي حنان :
خلال تواجدي بالمنتدي الي اليوم لم اشاهد اي موضوع متكامل غير المواضيع المنقولة !... بالاول كتبي اي موضوع بالمنتدي وطلبي من الاعضاء ان يبدون رايهم في . واذا عجبهم كتبي للجريدة .

 

[Blue angel]

و عليكم السلام و رحمه الله و بركااااااته

اول شي اتمنالج التوفيق و ان شالله تتحقق امنيتج يا رب بس اهم شي شدي حيلج و اقري وايد عشان يقوى اسلوبج و تعرفين تشدين انتباه قرائج ، اشرايج تجربين تكتبين عن الظواهر الغريبه اللي قاعد تنتشر بالمدارس و تحاولين توعين الاهل حق عيالهم احس انه هالموضوع مهم ، موفقه حبيبتي

 

[احمد علي محمد]

خالف تعرف

تبين الشهرة الصحفية لازم تصيرين جريئة وايد مثلا تكتبين عن شيء تخالفين اكثر الناس يقولك خالف تعرف مثال ليش مانسمح للبنت بالخروج علي كيفها

 

[م.محمد]

والله يا اخت حنان في مواضيع وايد
بس المواضيع الناجحه إلي تكون من مشاكل
ديرتنا وإلي الكل يتحجى عنها
منها موضوع الزياده
وغيرها وغيرها
والله الموفق

 

[ابو فاطمة]

والله ياحنان انا اقول انتي بروحج اللي لازم تفكرين بدون مساعدة احد لازم الافكار برحها تطلع منج ... قعدي بمكان هادي ومافيه الاصوتج وبتسمعين من نفسج اللي يريحج وتلاقين الموضوع اللي يستاهل واتمنى لج الخير

 

[حنان]

شكرا لكم
اخوي انا مو اول ولا اخر وحدة تنقل مواضيع ولا نسبتها لعمري على العموم انت صاج المفروض يكون عندي مواضيع لي انا احترم رايك واشكرك

 

[almaie71]

سبي العالم وطلعي فضايحهم وراح توصلين بسرعة البرق ,,,,