الزواج نهاية عزوبي شجاع ( قصة من تأليفي ) هااااام جدا للعزابية

nash

بـترولـي نشيط جدا
بسم الله الرحمن الرحيم


خالد شاب حنطاوي طويل القامة رياضي ( لاعب جري بنادي القادسية ) لحيته ديرتي يدخل احد المطاعم بعد ان انتها من موعد سريع مع احدى الفتيات فيلاقي صديقة سالم ضل يطالع بويهه يبي يتأكد هذا سالم و لا شخص ثاني ... سالم صديق ايام الثانوية لكن شكلة متغير متنان و لحيته طالعة لابس دشداشة من غير غترة و عليها جم بقعة و معفسة جنها طالعة من حلج صخلة :D

ينادي خالد صديقة سالم و اهوا مستغرب من الحالة اللي وصلها و يسأل عن احواله و وظيفته و بعد الحديث يعرف خالد انه سالم صار مدرس فقال اكيد انه سبب حالته هذي اهيا التدريس اكيد الصبيان يننوه ... ما تحمل خالد و سأل صاحبة عن سوء حالته فرد عليه بكلمة وحده فقط .. الزواج يا خالد الزواج , سلموا على بعض و كانت بالصدفة سيارة خالد يم سيارة سالم اللي اهيا كراون فيكتوريا موديل الف و تسعمية و احطبة بعد ما كانت سي ال كي قبل الزواج اما خالد يركب البي ام فئة السادة كاشخ حد الدعسة كل يومين تحديد و اللبس مسكت و عطرة يسبقة بعشر امتار .

كل واحد فيهم يحرك بصوب يروح سالم حق زوجته و عياله عشان يعطيهم السندوشات ياكلون و يستعد للموت اقصد للنوم عشان الدوام خاصة انه شكلة ميت قاعد يمشي بس ناقصة الكفن :p اما خالد فيروح لاحد المقاهي يسولف شوي و يضحك شوي و يتفق مع الربع على السفرة الياية بس يوصل القهوة يلقى ربعة قاعدين ناطرينه هناك اللي يرحب و اهوا قاعد و الثاني يوقف يسلم عليه صج نسيت اقولكم انه سالم افتر نص العالم لانه عمره 29 و مو متزوج راح هونكونك الصين و تايلند و ماليزيا الفلبين و ما نسى اندونيسيا و سنغافورة و دبي و البحرين بالنسبة له مثل السالمية و حولي و سير على مصر و تونس و المغرب و فرنسا رومانيا الجيك المانيا و امريكا و من البطرة كان يفكر يروح البرازيل ما ادري يمكن يبي اييب محترف من هناك ..

بالقهوة الشباب متحيرين مو عارفين وين يروحوون عزوز يقول هولندا و مشاري يقوله لا نروح اسبانيا و خالد يطالعهم و يفكر بكلام سالم و يتعوذ من ابليس و الزواج .... يتفقون على ديرة و كل واحد يراجع احساباته الا خالد لانه مهندس و معاشة راهي و مهما يصرف منه يضل كافي له خصوصا انه عنده رصيد ايمع شوي و يصرف شويتين و الحياة ماشية .

من موتر لي موتر و من ديرة لي ديرة يوم يعضل و يوم يقسم و مرة ديرتي و مرة قفل و اكبر همة قعدة الدوام الصبح و فجأة و بيوم كان غبار و مطر بنفس الوقت اذا تذكرون هاليوم :D قاعد خالد على الغدا و امه و ابوه مجابلينه بعد ما تزوجوا كل اخوانه و خواته و ما ضل غيرة بالبيت كانوا قاعدي يتغدون ذاك الصبور المحترق و اهم ياكلون و لا ام خالد تنقز و تقوووله امبيييييييييييييييييييييييييييييييييه انت متى تزوج هاااااااااااااا هني غص خالد و بغت تطلع روحه شافه ابوه و عطاه قلاص ماي عشان يخفف عليه المفاجأة و قاله يبى انت كبرت و لازم تتزوج و ما يصير جذي و قام يذكرة انه شلون عيالة راح يكبرون قبله و انه ما راح يقدر يربييهم رفض خالد رفض قاااااااااااااااااااااااطع و اصر على حياة العزوبية فقالة ابوه تتزوج و لا البيت يتعداك .

و فجأة من غير مقدمات شافوا له وحده قالت امه عنها انها ما تطلع مكان من البييييييييييييييييييت لي الدوام و من الدوااااااااااااااااام لي البيييييييييييييت بس حتى السوق ما تدل وين صاير منكسرة و طيبة و حبوووبة و خجووووووووووولة و صوتها ما يطلع من الحيا و بيوم كان اغبر ملج ( ملك ) و ليييته ما ملج قط اللي وراه و دووونه و رصيده الراهي راح و صار خبر كان بين المهر و العرس و شهر العسل ... ما طول عليكم عقب ما خلص العسل واجه خالد الحياة المرة مع المرة و شاف انه امه يوم قالت انه البنت من البيت لي الدوام نست وجه مهمة و هي المول فصار و شاف انه زوجته من البيت لي الدوام و من الدوام لي المول و الاهل و الصديقات و العروس و اعياد الميلاد و عرف خالد انه امه الجارمن عندها احداثيااته داجة ( ضايعة ) .

ما طولها عليكم صحته راحت و نفسيته تعبت و باع سيارته و شرى نفس الفورد الفيكتوريا اللي كان عند سالم و خف شعرة و طلع له كرش لأول مرة بحياته و قام يطلع بدشداشة من غير غترة و بعد ما كان يشتري ملابسة من ck و D&G و ARMANI و NIKE صار حده العدساني و النصر الرياضي و بعد ما كان يشتري جماغ دينهل و البسام قام يشتري جماغ بو جيس لا و يكاسر بعد عشان بس يوفر حق ايجار الشقة و معاش الخدامة و غسيل سيارته و سيارته زوجته و بهذا غير لبسها العادي و لبس المناسبات و بعد ما كان يسافر كل ويك اند و بالصيف كل سنة بديرة صارت اقصى امنية له انه يوصل الخفجي .... و بعد ماكان رياضي و بطنه فيه ست مربعات صار عند مربع واحد بس ( كرش ) و بعد ما كان يركض من منطقة لي منطقة صار ما يقدر يركض بدوانية بيتهم و صار كل ما يذكر المغرب تخنقة العبرة و ما يمسك البجية و لما كانت زوجته تسألة عن سبب البجي يقولها ذكرت صاحبي اللي مات بالغزو ( يقصد نفسه و الغزو اهوا الزواج ) .

يذكر كل اللي البنات اللي تعرف عليهم و يتحسر على البي ام و ايامه الحلوة يوم ماكاان يغمض عيونه و يحط ايده على الخريطة و المكان اللي اصبعة يطيح عليه يسافر له يوم كان حر ( عزابي ) و لحد يقولة طلق لانه ما عنده فلوس يدفع الؤخر و اذا دفع المؤخر ما عنده يدفع نفقة و اذا عنده يدفع النفقة ما يبي طلييقته تشلخه و تاخذ نص البيت .

طلعت له ثعلبة و حاشة سكري و ما قام يتغدى ابيت ابوه عشان لا يتذكر اليوم الاغبر اللي قرروا فيه اهله انهم يزوجونه غصب و تدور الايام يشوف صاحبة سالم في احدى الوزارات سلموا على بعض و من حزنهم على الحالة اللي وصلوا لها ما سولفوا ابد و ضلوا ساكتين و من نظرة سالم تذكر كلمة صاحبة سالم يوم يقوله الزواج يا خالد الزواج .


انا خالد اللي قاعد اكتب هالقصة و يمي فرد عشان ارمي نفس و ارتاح من العذاب :D الا ليت العزوبية تعود يوما لتخبرك بما فعل الزواجو ههههههههههههه .

مقتبسة من قصة حقيقية .
 

محمد المذن

بـترولـي مميز
ايييييه الله كرييم هاذا درب كلنا ماشين فيه
الحين ينشبون لك البنات وينشفون ريجك ويقولون شفينا احنا شزينا الزين عندنا والدلال لووووووول
لو داز هالموضوع بالخاص للريايل ابرك لك
 

diners

بـترولـي نشيط جدا
انا نحشت يوم عرسي وسجلوا علي قضية تغيب

ويابوني غصب ههههههههههه
 

nash

بـترولـي نشيط جدا
ايييييه الله كرييم هاذا درب كلنا ماشين فيه
الحين ينشبون لك البنات وينشفون ريجك ويقولون شفينا احنا شزينا الزين عندنا والدلال لووووووول
لو داز هالموضوع بالخاص للريايل ابرك لك


درب اسود و حياتك : ) و مثل ما قالوا الزواج شر لابد منه و اهوا مثل الموت لازم اييك :) ( بعد عمر طويل )

انا ما اشوف اي زين عند البنات الا اذا كانواا يعتبرون حجاب بوتفخة و الخزامة زين ؟؟؟

و انا يا اخوي حبيت انشر هالمأسة اولا عشان اواسي اللي طاحوا بالزواج و احذر اخواني المقبلين على الهلاك هههههههههه .
 

nash

بـترولـي نشيط جدا
انا نحشت يوم عرسي وسجلوا علي قضية تغيب

ويابوني غصب ههههههههههه

ايييه يا اخوي هذا يومك هههههههههههههه و انا مثلك بعد ما ملجت قلت انا شسوييييييييت :D
 

nash

بـترولـي نشيط جدا
هههههههه

الحمد لله للحين عزوبي :)

بس في محاولات أني أخليها

ويعطيك العافيه على القصه


اي و انا اخوك تحمد الله على العافية و لا خالد اللي بالقصة راح وطي :D

شوف اذا تزوجت شي اكيد راح تخسر الدنيا و في احتمال انك تخسر الأخرة بعد :D
 

كويتيه ماركه

بـترولـي خـاص
أعضاء الشرف
يعطيك العافيه ع القصه

بس احب اقولك ترى موكل البنات جذي
اعرف شكثر تنااازلو عن شغلات وايد عشان يعيشون حياتهم
وانا اولهم :)

وبنسبه لشباب اذا موقد المسوليه لايتزوج لان مسوليه بيت وعيال
عسى الله يوفق الجميع يارب
 

العجمـي

بـترولـي خـاص
قال تعالى :
(الخبيثات للخبيثين والخبيثون للخبيثات والطيبات للطيبون والطيبون للطيبات أولئك مبرءون مما يقولون لهم مغفرة ورزق كريم ) الايه 26 سورة النور .


 

q8i-2008

بـترولـي نشيط جدا
قالوها قديما خبز(ن) خبزتيه يالرفله اكليه ههههههههههههههههههههههههه.

تستاهل اللهم لا شماته خخخخخخخخخخخخخخخخخخخخخخخخخخخخخخخ.

يعني جت عليك انت بس؟ العالم اغلبهم نفس حالتك يعينك الله.
 

سبشلست كويتي

بـترولـي جـديـد
ايييه يا اخوي هذا يومك هههههههههههههه و انا مثلك بعد ما ملجت قلت انا شسوييييييييت :D

وايد من الشباب العزيزين علي قالولي انهم قالو نفس كلمتك بالظبط و بعظهم زاد عليها :)

الله يكفيني شر الماركات ان تزوجت .... و انشالله ما تكونون شايلين علي لأني أييب ماركات مو موجوده بالكويت و أبيع على العالم :)
 

B6Petroleum

بـترولـي جـديـد
(كل ما يذكر المغرب تخنقة العبرة و ما يمسك البجية )... يوم قريتها انا الي خنقتني العبره صراحه xD
عطييييك الف عافيه على هلقصه الجميله..... بس وين ال يعتبر ؛)
 

nash

بـترولـي نشيط جدا
ههههه خوش قصة اي احسن انشالله كل الشباب يضربون عن الزواج عقب هالقصة


اي ما عليه الواحد من يقرب على الثلاثين يبدون يشخلوونه تزوج تزوج تزوج و اللي يقولة عيالك متى يكبرون ( و انت شكو بعيالي ) و اللي يقولك متى يطلع لك بيت ( عنه ما طلع ) :D و اللي يقول الزواج نص الدين ( ما يدري انه الزواج يمكن يؤدي الى ضياع الدين كله ) ... من الحنه قمنا نسمع كلمة تزوج من ناس ما نعرفهم :D
 

nash

بـترولـي نشيط جدا
يعطيك العافيه ع القصه

بس احب اقولك ترى موكل البنات جذي
اعرف شكثر تنااازلو عن شغلات وايد عشان يعيشون حياتهم
وانا اولهم :)

وبنسبه لشباب اذا موقد المسوليه لايتزوج لان مسوليه بيت وعيال
عسى الله يوفق الجميع يارب

اخر وحده تنازلت كانت يدتي يوم كانت تغسل الملابس على البحر و تطبخ على حطب مو الحين البنت تتكسر و تقول انا عمري ما دخلت المبطخ :D
 

nash

بـترولـي نشيط جدا
قالوها قديما خبز(ن) خبزتيه يالرفله اكليه ههههههههههههههههههههههههه.

تستاهل اللهم لا شماته خخخخخخخخخخخخخخخخخخخخخخخخخخخخخخخ.

يعني جت عليك انت بس؟ العالم اغلبهم نفس حالتك يعينك الله.

ههههههههه يا اخوي لا تندمج هذي قصة قصة :p

ما عليه لا تشمت بيييك يوم تقط الامية دينار جنك قاط امية فلس ( بعد الزواج ) .

حاليا الشباب قاموا يتجهون للخليج للزواج شكلهم يبون يجربون شي يديد ؟!!
 

nash

بـترولـي نشيط جدا
وايد من الشباب العزيزين علي قالولي انهم قالو نفس كلمتك بالظبط و بعظهم زاد عليها :)

الله يكفيني شر الماركات ان تزوجت .... و انشالله ما تكونون شايلين علي لأني أييب ماركات مو موجوده بالكويت و أبيع على العالم :)

حلو يعني مو كافي المجمعات انت تبي تكمل علينا :D
 

nash

بـترولـي نشيط جدا
(كل ما يذكر المغرب تخنقة العبرة و ما يمسك البجية )... يوم قريتها انا الي خنقتني العبره صراحه xD
عطييييك الف عافيه على هلقصه الجميله..... بس وين ال يعتبر ؛)


( يعتبر ) الله وكيلك اي واحد يفكر بالزواج بعد ما يقعد معاي يهون ... بس عشان ما نبالغ انه الزواج له فايدة اهيا انك تموت شهيد من غير حرب لانك من تتزوج تموت و انت حي :D
 
أعلى