التصويت للقائمة بدلا من الاشخاص

[يورياوي]

مرحبا شباب
شرايكم لو يكون التصويت للقائمة بدلا من الاشخاص يعني مااعطي اشخاص وانما قوائم يا ابيض يا اسود
اعتقد انها تمنع القبلية والتكتلات والمجاملات
وانا بإنتظار الردود

 

[osama2222]

خوش فكره ياليت نطبقها عندنا بعد بنقابتنا

علشان نفتك من الطائفيه والعنصريه

 

[يورياوي]

مشكور علي مداخلتك عزيزي اسامة

 

[بعيد الهقاوي]

حياك الله يا يورياوي

وإقتراحك جيد بس أنا من المعارضين عليه


والسبب لأن في أشخاص مشهود لها في الكفاءة والعطاء في النقابه

بغض النظر عن الطائفيه والقبليه والحزبيه

وهم في ناس وجودها زي عدمها ( ولا أتكلم عن الشخص لشخصه )

وإنما أتكلم عن عطاءه في النقابه وكفاءته

فما تقدر إنك تجبر الناس على إختيار قائمه كامله !!!

وشاكر لموضوعك​

 

[مجرد سوأل]

كلام حلو يورياوى وأنا من المؤيدين عشان يوصلون كلهم احسن من مكـــــــــــــس وخلافات ومشاكل وعوار راس ونفتك من القبليه بالذات الى ردتنا مليون سنه قررررررررررررررررررررررى

 

[يورياوي]

رايك احترمه بعيد الهقاوي بس انا اتكلم عن القناعات
يعني انت باي قائمة مقتنع لان لو اقتنعت بأشخاص جان ماصارت قوائم ونخليها مثل مجلس الامة نعطي اشخاص
لكن القائمة من الاحسن انهم يكونون جروب واحد للمصلحة العامة وماتكون فيها انشقاقات مثل اللي انشوفها الحين
ومشكور اخوي مجرد سؤال علي مشاركتك بالموضوع

 

[نفطي كويتي]

اظنها صعبه
خلها علي حالها
وصدقني مهما اختلفنا
كلنا اخوان
وفي ناس بالقائمتين يستحقون التصويت
ولا قصور بالباقين