ممكن ثواني من وقتكم :)

[Blue angel]

السلام عليكم و رحمه الله و بركاااااااااااااتهاشلونكم و شخباركم ؟؟؟ ان شالله كلكم بخير مع هالجو الحلو صج الانفلونزا ذابحتنا بس خوش جو ماشالله

المهم بما اني موظفه يديده اذا ممكن تفيدوني بمعلومات تخص نقابه العاملين ؟؟؟ شنو الفايده من التسجيل فيها ؟؟؟ و اذا سجلت فيها و طلعت من الشركه في يوم من الايام المبالغ اللي استقطعوها مني يردونها؟؟؟ يعطيكم العافيه و بالتوفيق للجميع

 

[ABDULLAH]

مبروك الوظيفة و سلامات عن الفلونزا و الله كريم للزيادة و يصير خير للآب قريد و خير إن شاء الله بالنسبة للنقابة ،
أكثر شي أظن إنه مفيد بالنقابة هو صندوق الزمالة لأن اللي يشترك فيه يطلع له بعد التقاعد إذا الله عطانا وياج عمر يطلع له كم ألف يفيدون حق تسدد دين أو عمل مشروع صغير .
في بعض الخصومات على بعض المنتجات سواء إستهلاكية أو غيرها ، يوجد كتيب في النقابة بهذا الخصوص .
في حال السفر للعلاج أو غيره في تعويض بسيط من قبل النقابة ، هذا اللي أذكره الحين
و الله يوفقج

 

[حرف]

اشتراك النقابه مايرجع

والفايده تطالب لج بحقوقج واذا انظلمتي من المسؤوولين يوقفون معاج



اللى يرجع بس اشتراك الزماله واشتراك التكميلي

هذا بالمختصر

 

[Blue angel]

الله يبارك فيك و يسلمك من كل شر ، مشكورين على الرد و يعطيكم الف عافيه ، الراتب ما بقى فيه شي خصم تامينات و صندوق و نقابه الحمد لله على كل حال و الله كريم

 

[ABDULLAH]

حياج الله خشي لج بيزتين من اليوم الأبيض حق اليوم الأسود ، نصيحة من أخوج

 

[Blue angel]

الله يحيك مشكور ما قصرت

 

[EQUATER-1]

ودي اضيف شي ومهم جدا رحلة العمره التي تنظمها النقابه هذي شغله حلوه بعد لانها تكون بسعر رمزي والله يوفقج بالوظيفه الجديده

 

[م.محمد]

هلا فيج يا بلو
سجلي فيها انتي موخسرانه شي
وفلوسج بترجعلج
وانشاالله الشباب فادوج اكثر

 

[mmkmoh]

مبروووووك على الوظيفه

 

[جونم جقرم]

السلام عليكم و رحمه الله و بركاااااااااااااتهاشلونكم و شخباركم ؟؟؟ ان شالله كلكم بخير مع هالجو الحلو صج الانفلونزا ذابحتنا بس خوش جو ماشالله

المهم بما اني موظفه يديده اذا ممكن تفيدوني بمعلومات تخص نقابه العاملين ؟؟؟ شنو الفايده من التسجيل فيها ؟؟؟ و اذا سجلت فيها و طلعت من الشركه في يوم من الايام المبالغ اللي استقطعوها مني يردونها؟؟؟ يعطيكم العافيه و بالتوفيق للجميع

نصيحة وااحد مقرووص لاا تسجليين بالنقاابة لانهاا ماارااح تفييدج باي شي يستقطعوون ديناار وها الديناار انتي اولي فييه يجييبلج ريووق الصبح صموون وعصير
وصندووق الزماالة اذا دشيتيه انسي تشوووفين بيزااتج بالمره كلش الاا اذا متي احتماال يوزعوونها ع الورثة


وتقبلي نصيحتي

 

[Blue angel]

EQUATER-1 و م.محمد مشكورين ما قصرتوا على الرد و الله يوفق الجميع يا رب

mmkmoh الله يبارك فيك مشكور و بالتوفيق ان شالله

ft-50 مشكور على الرد عاد ليش تفاول علي، اسمه الله علي الله يطول بعمري ، حلالهم الورثه ، شكلك يوعان تفكر بصمون ، و الله ما ادري ناس يمدحون النقابه و ناس يذمون فيها ، شسوي يعني أريد حلا

 

[ABDULLAH]

أولا حلو الجناح على الياهل ،
عدد الموظفين بالشركة أكثر من أول ، من كل مشترك بالزمالة ياخذون دينار أول خمس سنين يعطونها للي يتقاعون فكل ا زاد عدد الموظفين يفيدج بالتقاعد أكثر
عسى خفت الفلونزا الحين ؟
في مزايا ثانية يفيدونج فيهاالأعضاء بالمنتدى

 

[Blue angel]

هلا عبد الله مشكور ما قصرت على سؤالك عني الحمد لله احسن باقي الكحه ، ان شالله تفيدني لانه خرعوني يقولون مالها فايده ،المشكله ما تدري تصدق منو ؟؟ بخليها على الله سبحانه و الله كريم

 

[ABDULLAH]

إلمبلغ بسيط ،
تخيلي انج معبية سيارتج بنزين بكم دينار و بعدين ممكن وراها منفعة بعد سنين

 

[Blue angel]

ان شالله يفيدني التسجيل بالنقابه ، على الاقل الواحد ما يضيع فلوسه على اشياء مالها فايده