نــصـيحه اخـويه !!

[طبعي عنيد]

السلام عليكم ورحمة الله وبركاته

تحيه طيبه وبعد ؛؛؛ انا شاب ابلغ من العمر 20 سنه واطمح اني اكون موظف بالقطاع النفطي

علماً بأنني احمل الشهاده السعوديه وابواب التوظيف مغلقه للطالب الكويتي حامل شهادة السعوديه

وانا درست بالسعوديه لأسباب شخصيه ومن ثم عدت الى الكويت ولا اعرف طبيعة العمل بالقطاع النفطي


وامامي الأن اختيارين هما (السوكيرتي) او (مشغل حقل)

اود من اخواني الكرام الذين يباشرون العمل في القطاع النفطي وخصوصاً Knpc التقدم الي بالنصيحه والافضل

ماذا افعل ؟؟؟ وما طبيعة العمل ؟؟؟ سواً كانت بالسوكيرتي او مشغل الحقل


وشاكر لكم حسن مروركم وتقبلوا تحياتي ؛؛؛؛

 

[alqreen]

مشغل حقل ابرك لك

 

[Waluigi]

انا بصراحه اشوف مثل ما قال اخوي مشغل حلوة و فيها مجال تصعد بسرعه بس شغل بس مايطول يعني عل حسب مكانك و بالتوفيق لو انا مشغل كان وضحت لك زيادة او سكيورتي بس انا اطفائي ما اقدر افيدك لكن راتب المشغل حلو و ممكن فيه مجال تشتغل اوفرتايم بالتوفيق اتمن من اخونا الي يعملون في الاماكن الي يسال عليها اخونا يشرحون له

 

[shayib80]

اذا نفس الرتبة فأكيد نفس الراتب
المشغل شغل أكثر
السكيورتي راحة وما في شغل
الزيادة راح تشمل الكل
إذا المشغل زيادة 150 السكيورتي 150 نفس الشي ما في تمييز
والسبب الأدارات التعيسة الي تدير المؤسسة والشركات التابعة​

 

[mmkmoh]

مشغل حقل وتوكل على الله

 

[HUMMER]

انصحك بالسيكورتي
وابعد عن الشر وغنيله وبعدين قسم يديد

 

[فرحان العجمي]

السلام عليكم ...

المشغل >>> شغل اكثر حرص اكثر احتمال مردود مالي اكثر (من ناحية الاوفر تايم ) تدرج وظيفي اسرع ...

مجابل الشغل اكثر مافي وسائل ترفيه بالدوام.. والرقابه عليك اكثر

السكيورتي >>>شغل اقل مسؤليه اقل نفس المعاش مع المشغل بس تدرج وظيفي ابطا شوي ...

قعده بالدوام وتلفزيون وتقدر تتعلب بلوت بسرعه ...


انا لو مكانك >>>سكيورتي من غير تردد

 

[brilliant]

اذا تبي النصيحه وانا اخوك دام الفرصه سامحه لك وانت توك صغير كمل تطبيقي سنتين ,,, وبعدها هندسه كم سنه ,,, ودش وانت مهندس خل عنك لا سكرتي ولا مشغل

 

[MAB12]

يمكن ما اضيف شي على كلام الجماعه لان اعتقد جاوبوك بما فيه الكفاية

وانا عندي سؤال وانت جاوب على نفسك

انت تبي راتب حلو ولا دوام حلو (( المشغل حقل صعب انك تجمع بين الثنتين )) و (( السكيورتي تضحي بوحده فيهم ))

بعدين هل انت شخص تقدر تتحمل الشفتات ؟ ( المشغل حقل شفتاتهم صعبه وتقطعك عن العالم ) و ( السكيورتي على حسب توزيعك يمكن تصير بالنفط او بالزيت او بالخليج وكل شركة لها شفتاتها )

انا اشور عليك تصلي الاستخارة وتوكل على الله

دعواتي لك بالتوفيق

 

[Euro]

هذي كلمه دائما اقولها .. اسأل مجرب .. رووح سكيورتي .. لا يحوشك مشغل .. ترى حياة اجتماعيه انساها اذا صرت مشغل

 

[MAB12]

هذي كلمه دائما اقولها .. اسأل مجرب .. رووح سكيورتي .. لا يحوشك مشغل .. ترى حياة اجتماعيه انساها اذا صرت مشغل

يمكن انت بقسم يسد النفس هذا مو معناته ان وظيفة المشغل حقل مو زينه بالعكس اكو اماكن يا زينها بالمصافي ... لا تخرع الرجال

 

[Euro]

يمكن انت بقسم يسد النفس هذا مو معناته ان وظيفة المشغل حقل مو زينه بالعكس اكو اماكن يا زينها بالمصافي ... لا تخرع الرجال

هاهاهاها ... الوحدات الزينه بالمصافي هي 5 وحدات فقط لا غير .. وماله امل يروحها اذا ما عنده (بشت)

 

[SOS_KW]

اذا تبي النصيحه وانا اخوك دام الفرصه سامحه لك وانت توك صغير كمل تطبيقي سنتين ,,, وبعدها هندسه كم سنه ,,, ودش وانت مهندس خل عنك لا سكرتي ولا مشغل

عيـــــــــــــــــــــن العقـــــــــــــــــــــــل