فرق الأسعار بين الكويت وخارجها

[07_unit]

فرق السعر عنا بدبل

سعر الـ Playstation 3 في الكويت الأمريكية صناعة صينية 240 دينار وسعرها بره 150 دينار

وال DVD في الكويت 20 إلى 25 دينار و بره 6 إلى 14 دينار

وأشياء كثيرة أرخص بره واهني دبل الشي مو حرام

الواحد يطلب من بره أرخصله بوايد بس المشكلة النطرة

 

[Mr. Engineer]

اهو بس الـ Playstation،

يا بن الحلال، كل شي من بره أرخص من هني،

ما تشوف هالعالم كل ما راحوا دبي يابوا وياهم بضاعة!!!

و أصلاً الطلب من الإنترنت أرخص وايد، و الأرامكس ما يقصر،

بس المشكلة إذا الشغلات اللي بتطلبونها ثقيلة تطلع عليكم وايد غالية.

تحياتي

 

[traheeb]

الاسعار عندنا نار الله الموقدة ...
والكويت لا يجد بها ضرائب والجمارك شئ لا يذكر
الاسعار فى دول كثيره رافعتها الجمارك العاليه والضرائب والمصيبه الطامه الساحقه الماحقه انهم مع ذالك ارخص من الكويت
ونقول شيلو قانون الوكالات الاحتكاريه ..الى جابنا ورا
مثل ما تحررت الكويت ....تحرر تجارتها

 

[Element_X]

يحليلك بلاي ستيشن عاد ؟ شوف العقار فى امريكا احسن بيت فى احسن ولايه يعني نقول مساحه البيت الفين متر ما يتعدي سعر البيت 160 الف واذا بنشوف سعره بالكويت لا يقل سعره عن 400 الف

 

[redrose]

انا سمعت ان في ناس تروح حفر الباطن تشتري الماجله من هناك وترجع .

هل هذا صحيح ....
هل هذا يعقل .....

الحاله كل مالها وتصير اسوء.

ليــــــــــــــــــــــــــــــــش

 

[brilliant]

انا سمعت ان في ناس تروح حفر الباطن تشتري الماجله من هناك وترجع .

هل هذا صحيح ....
هل هذا يعقل .....

الحاله كل مالها وتصير اسوء.

ليــــــــــــــــــــــــــــــــش

اعرف ناس تروح لمجمع الراشد بالدمام تسوق حق العيد

 

[GhaReB]

لا تستغربون عادي
صار المنتج الكويتي الي المفروض يكون مدعوم وارخص من باقي المنتجات
الحين اهو الاغلى بالسوق
والغريب انه لمن تروح السعوديه تشتري منتجات كويتيه تلقاها ارخص من الكويت!!
والمنتجات السعوديه بالكويت ارخص من المنتجات الكويتيه


الكويتي انــــفع

 

[alaslamy]

فرق السعر عنا بدبل

سعر الـ Playstation 3 في الكويت الأمريكية صناعة صينية 240 دينار وسعرها بره 150 دينار

وال DVD في الكويت 20 إلى 25 دينار و بره 6 إلى 14 دينار

وأشياء كثيرة أرخص بره واهني دبل الشي مو حرام

الواحد يطلب من بره أرخصله بوايد بس المشكلة النطرة

أنا شاري من الصين Playstation 3 مع يده اضافيه اصليه وجنطه 140 دينار

 

[redrose]

حـــاله مستحاله

 

[ABDULLAH]

روحوا الخفجي و قارنوا أسعار السيارات و بمواصفات أكثر بأقل من الكويت ب 2000 دينار ( نوع ببالي ما أقدر أذكره لكنه منتشر بالكويت\)

 

[redrose]

يعني هذي حاله

كل اسبوع الواحد يروح يشتري ماجلة البيت من السعودية ويرجع ؟


الله واكبر على كل ظالم

 

[بوعبدالرحمن]

انا سمعت ان في ناس تروح حفر الباطن تشتري الماجله من هناك وترجع .

هل هذا صحيح ....
هل هذا يعقل .....

الحاله كل مالها وتصير اسوء.

ليــــــــــــــــــــــــــــــــش

نعم صحيح لكن الناس اللي اعرفهم يشترون من الدمام

 

[k.p.c]

لا حول ولاقوة الا بالله

والله العظيم انا ولد جيرانا ما يمجل البيت الا من الخفجي

وصارله تقريبا ثلاث سنين يقول قسم بالله قبل ما اوفر شي

الحين الحمدلله من طحت بالخفجي قمت اوفر من 120 الى 160 دينار

هني الاحتكار حكومتنا تبيه عشان تنفع ربعها التجار واللي فيه خير يتكلم

هذولا هم تكلموا عن ارتفاع الاسعار بشكل خيالي ولا اهتزوا بالمره جنه ماكو اي شي

حسبي الله ونعم الوكيل

الكويت خربت والله العظيم انها خلاص على وشك الانهيار

والله يستر بالايام الجايه

 

[حكومة]

قولوا الحمدالله والشكر
روحو اليابان واذا تقدرون تشترون قوطي بيبسي بديناااااااااار؟
ولا كوبنهاجن( الدنمارك) سعر الشورما في محل عربي خمس دنانير
حمدو ربكم النعمة زواله
انا كنت بالغزو بالكويت وكانو بايقيناه بووووووووق
والله حتي الككاو كنا ناكلة ما انقط عنا (بالغزو)

لا يدخلون الدخلاء عليكم ويخيرون نفسيتكم هذي الكويت ام الخير
شوفو الجالية العربية الى عندنا
معاشاتهم 200 دينار او 300 وساكن بشقة اجار واكل وشارب ويخش فلوس ويطرش حق اهل بعد
بس احنا وين الغالي اندوره
انا اقول الواحد يقول الحمدالله والشكر انا بديرة مثل الكويييييييييييييت والله احبها بغبارها ومطرها برخصها بغلاها
لا يغيرون انفوسكم العواذل وبس عاد الى موعاجبته ديرته بزينها وبشينها لا يقعد فيها

 

[Mr. Engineer]

قولوا الحمدالله والشكر
روحو اليابان واذا تقدرون تشترون قوطي بيبسي بديناااااااااار؟
ولا كوبنهاجن( الدنمارك) سعر الشورما في محل عربي خمس دنانير
حمدو ربكم النعمة زواله
انا كنت بالغزو بالكويت وكانو بايقيناه بووووووووق
والله حتي الككاو كنا ناكلة ما انقط عنا (بالغزو)

لا يدخلون الدخلاء عليكم ويخيرون نفسيتكم هذي الكويت ام الخير
شوفو الجالية العربية الى عندنا
معاشاتهم 200 دينار او 300 وساكن بشقة اجار واكل وشارب ويخش فلوس ويطرش حق اهل بعد
بس احنا وين الغالي اندوره
انا اقول الواحد يقول الحمدالله والشكر انا بديرة مثل الكويييييييييييييت والله احبها بغبارها ومطرها برخصها بغلاها
لا يغيرون انفوسكم العواذل وبس عاد الى موعاجبته ديرته بزينها وبشينها لا يقعد فيها

منو قال مو عاجبتنا ديرتنا؟؟؟ على كيفج تقولينا الكلام؟؟؟

الحين اللي مو عاجبه الرفع الجائر للأسعار يصير مو وطني يعني؟؟؟

الحمد لله و الشكر لله على كل نعمه، و لكن الساكت عن الحق شيطان أخرس.

اليابان و الدنمارك على قولتج، المعيشة فيها أغلى بسبب الضرائب الكبيرة و الجمارك المفروضة على السلع،

أما بديرتنا و لله الحمد ما فيه هالكلام، يعني السلع ياخذونها بدون تكلفة إضافية، و سعرها بالكويت أغلى من سعرها برا مع الضرايب بعدّ!!!

الله ما يرضى بهالشي.

احتكار التجار للسلع و للعلامات التجارية، رفع من سعرها أضعاف، و الدليل الناس اللي تروح دبي و السعودية، و تشتري الالكترونيات، على الأقل بفرق 10% من هني، ليش؟؟؟

هذا غير التسوق عن طريق الانترنت، مواقع كثيرة للملابس، تحصلين فيها أحلى و أرقى و أحدث التشكيلات بسعر أقل من سعر تشكيلة السنة اللي طافت، ليش؟؟؟

هالناس اللي تسافر أوروبا في الصيف و تيي محملة بالأغراض اللي أسعارها أقل من هني، على الرغم من الضرائب المرتفعة في أوروبا، ليش يعني؟؟؟

يعني الوطنية و حب الوطن شي، لكن أن نرى الغلط و نسميه صح باسم الوطنية شي ثاني.

و نرد و نقول الحمد لله و الشكر على كل ما أعطانا من نعم.

 

[PetroleumENG]

قولوا الحمدالله والشكر
روحو اليابان واذا تقدرون تشترون قوطي بيبسي بديناااااااااار؟

Please don't Exaggerate

A Bottle of Pepsi= 500 fils (almost) in japan
___________________________________


Mr. Engineer.. You are absolutely right

 

[حكومة]

قدرُ العظماء أن يتحملوا وقاحة الجهلاء .. رغم أنهم يعلمونهم !

 

[حكومة]

Please don't Exaggerate

A Bottle of Pepsi= 500 fils (almost) in japan
___________________________________


Mr. Engineer.. You are absolutely right

قولي من اي سوبر ماركت واي سنه؟بليز

 

[PetroleumENG]

قولي من اي سوبر ماركت واي سنه؟بليز

Country: Japan
City: Yokohama
From Pepsi machine that placed in our training center
Year: 2005

 

[Mr. Engineer]

قدرُ العظماء أن يتحملوا وقاحة الجهلاء .. رغم أنهم يعلمونهم !

صدقت بهذه و الله،

لا أقول سوى سلاما!!!!