شرعية صندوق الزمالة؟!

[Mesk W 3nbar]

السلام عليكم ورحمة الله وبركاته,,,

قبل السؤال عن فائدته؟!

هل صندوق الزمالة جائز بالشرع؟
وماذا يفعلون بالاموال الى يستقطعونها؟

ومن هم المخولون بتوزيع الاموال؟
وهل هناك لجنة رقابية عليهم؟

اذا كان كل واحد يقصون منه 16 دينار
يعني دينار واحد من 3000 مشترك بالصندوق يساوي 3000 دينار بالشهر؟!

ياخوان انا ماأطعن في احد ولكن هذي ذمة مالية لابد ان تكون واضحة مثل وضوح الشمس
ياليت لو واحد من النقابة يكون موجود ويرد على استفسارات الجميع

 

[koc_q8]

حياك الله مسك وعنبر


أقسم بالله العظيم انا اشتركت فيه وبنفس اليوم جاني اتصال من واحد اعرفه يشتغل بالنقابه وقالي تعال باجر الصبح والغ الاشتراك وأقنعني بكم نقطه قالها لي وهي :

1- الاشتراك قيمته 15 دينار تقريبا .. وعدد المشتركين مشالله .. يعني شنو يسون بالفلوس هذي
2- بعد التقاعد لازم تنطر دور من 3 سنوات الى 6 سنوات واخر شي تطلع بعشر الالف دينار تقريبا (ماتسوي شي) حق اللي بيتقاعد بعد 15 سنه تقريبا

وبس .. على فكره واحد من الربع سمع سالفتي وراح الغاء الاشتراك وطالبهم بالفلوس وقالوله تعال بعد خمس سنوات

 

[HUMMER]

شوف اخوي ماكو شي بالشركه ماله داعي واذا بتسال عندك بدالة الفتوى والتشريع
بس فكر فيها بعد ماتتقاعد تطلعلك بجم فلس حتى لو بتنطر دور
ولو الصندوق مومهم جان ماتشوف اغلبية الموظفين مشتركين فيه بعدين
يخيرونك تبي فلوسك كاش او راتب شهري بحوالي 450 او 350 والعلم عند الله

 

[Mesk W 3nbar]

koc_q8
حياك الله اخوي الكريم
بغض النظر عن متى يجيك الدور
حتى لو بعد عشر سنين
بس المهم يعطوني فلوس؟وتكون تسوى؟
حتى لو ياخذونها عيالي
والاهم انها تكون مافيها شي بالشرع
ونعرف الفلوسة الى يستقطعونها وين تروح؟
هل بس يجمدونها ولا يشغلونها؟

على كل حال بوضح لك نقطه مهمه(انتبه)
الى ينسحب من الاشتراك تروح عليه فلوسه
هذا الى قالوا يوم سالتهم

 

[Mesk W 3nbar]

HUMMER
حياك الله
تصدق كثير الى مسجلين بالصندوق سألتهم عن شرعيته مايدرون
وحتى الاستقطاعات الى يقصونها منهم مايدرون وين تروح؟
طيب
منو الى يدقق على الحسابات في النقابة؟
ومنو الى يرتب استلامها للمستحقين؟
هل هناك نشرات مالية عندهم؟
وين النقابة ليش ماتجي المنتدى وتريحنا من الاسئله؟
اتمنى لو تسوون وياهم لقاء بالمنتدى

 

[فيصل الكندري]

مساكم الله بالخير

صندوق الزمالة كانت فكرته من بداية الثمانينيات .. ويتعامل حاليا بالاستثمار بالتعاون مع بيت التمويل الكويتي (يعنى شرعي ان شاء الله)

وطريقته بمثال صغير..

نفرض ان محمد راح يتقاعد من الشركة ومشترك بالصندوق من 30 سنه بالضبط ، وعدد المشتركين بالصندوق 1000 عضو .. فالحسبة كالآتي :

ياخذ على اول 6 سنوات (نص دينار عن كل سنة) من كل عضو وال24 سنة اللى عقبها يآخذ من كل عضو (ربع دينار عن كل سنة) فيكون مجموع مستحقاته :

اول 6 سنوات * 0.5 دينار * 1000 عضو = 3000 دينار

ال24 سنة * 0.25 دينار *1000 عضو = 6000 دينار

فمجموع مستحقاته = 9000 دينار

مجموع اشتراكاته = (الاستقطاع الشهري عبارة عن : دينار عضوية الصندوق + 15 دينار الاستقطاع) * مدة الخدمة بالاشهر

= 16 دينار * 12 شهر * 30 سنة = 5760 دينار

هذى الحسبه على افتراض ان عدد الاعضاء 1000 عضو

اتمنى تكون واضحه

 

[عامل نفطي غيور]

عندي سؤال وأريد الجواب؟ هل فلوس الزماله يوجد عليها أحكام قضائيه . هل هذه المبالغ ياخذها المستفيد عن طريق البنك
أوتسلمها الشركه الى النقابه يدوي خوفا من الاحكام
والمعلومات التي عندي بأنها يدوي فهذه مصيبه خوفا
يأتيك يوما فالذي يستلمها غير مؤ تمن وتكون هذه المبالغ
في خبر كان أريد الجواب وكل سؤال له جواب

 

[فيصل الكندري]

اخوي عامل نفطي غيور

اللى اعرفه ان في قضايا على الصندوق والصندوق شهريا قاعد يمشى شخصين لان الميزانية يادوب تكفى .. اذا عندك علم عن شى اتمنى تفيدنا فيه ..

اعتقد ان طريقة الحسبة من الصندوق واضحه ومعروفه وشرحتها فوق وما اظن ان في احد يقدر يتلاعب بالموضوع بالطريقة اللى انت خايف منها

واذا حاب تستفسر الاخ/ على زيد (مسئول صندوق الزمالة) معروف ومتواجد بالنقابة دايما ما راح يقصر..

انا حبيت افيدكم بآلية الصرف في الصندوق وعن شرعيته

 

[عامل نفطي غيور]

هم لم تجا وبني على سؤالي المبالغ التي تخصم من العاملين بصندوق الزماله هل يستلمو نها من الشركه باليد او عن طريق
البنك وأنت عطيتني اسم علي الزيد من يطلع هذا حسب معلوماتي ان موظفي الانتاج يعرفو نه زين ولا عنده من الصدق حاجه
تقاعد والاخوان حابين تنفيعه على ظهوركم فأريد الجواب؟

 

[فيصل الكندري]

الفلوس تتسلم بالايد مو تحويل بنكي

والاخ/ على الزيد كان موظف بالشركة من زمان وهو اللى ماسك موضوع صندوق الزماله من 1983 اذا مو قبل وتقاعد وتعين في النقابة وشغلته ادارة صندوق الزمالة والرجل نشيط في هذا الموضوع ...

اخوى انت اكبر منى ... ما اظن من الحكمة انك تتكلم عن الرجل بالطريقة هذى. على الزيد رجل يشتغل بالنقابة وكاف خيره شره ،

مو سالفة دفاع عنه .. ويعلم الله انى لو اشوفه جدامي ما اعرفه .. لكن مو شى طيب لما تطعن باخلاق الرجل او تقول كلام من وكالة (يقولون) او سمعته بالانتاج جذي

 

[Mesk W 3nbar]

اخ فيصل الكندري

شكرا على توضحيك الممتاز
وبارك الله فيك

اذا طلع واحد تقاعد يقصون من كل عضو نصف دينار اول 6 سنين من خدمتة والباقي ربع
طبعا هذا من حسابي وحساب اعضاء الصندوق؟

وبعدين راح يردون له مبلغة الى قصوه منه؟!

طيب واستثمارات الصندوق تروح حق منو؟؟!

بالعربي الصندوق له ناس خاصيين يستفيدون منه واتمنى اني على خطأ؟

 

[Mesk W 3nbar]

فيصل الكندري

الحين فهمت ان الاموال الى يقصونها من العاملين ماعليها رقابه
والى بالنقابة اذا كانت ذمتها وسيعه ولاتخاف الله او الى له صلة قوية بالنقابة
له حظ الاسد من الكيكه

عامل نفطي غيور

انا ماعرف هذا الشخص الى تكلمت عليه
لكن الحيطه والحذر واجب
ومافي دخان من دون نار


اتمنى لو كانت هناك نشرات مالية
وتفاصيل عن مجال استثماراتهم؟
وجداول تبين ارباحهم؟

سؤال يطرح نفسه؟
من ياخذ عوائد استثمارات الصندوق

 

[فيصل الكندري]

الصندوق يصرف منه للي تقاعد او استقال او توفى او رايح يعالج برا على حسابه الخاص(بحد اقصى 600 دينار) او يبى يتزوج (هذا اللى اعرفه)

والحسبه اللى عطيتك اياها على افتراض ان عدد الاعضاء 1000 ... والصحيح انهم اكثر من هالرقم

السالفه مو استثمار نفس ما انت فاهمها .. الموضوع انها مثل قطيه لكل واحد حسبه معينه بس على افتراض الحد الاقصى انك راح تدفع بالصندوق اذا خدمت 30 سنه 5760 دينار وراح يطلعلك دبل هالرقم اذا مو اكثر عقب ما تتقاعد.

مو صحيح اللى يقولك مافى رقابة على الاموال .. الاموال تستقطع من حسابات الموظفين وتندز لحساب النقابة وفي تقرير مالي آخر السنه

مافى كيكه بهالموضوع

 

[عامل نفطي غيور]

كلامك الان صحيح ان مبالغ صندوق الزماله تستلمه النقابه من الشركه يدوي
اذا فقدت الرقابه؟ وتناقض نفسك وتقول في حساب النقابه عيل وشلون يستلمونها يدوي
خوفا من الاحكام على الصندوق.و ياخي انت تهاجمني وتدافع عن علي الز يد وأنا لم
أقول خطا استشهدت بموظفي الانتاج الذي يعرفون مصداقيته وان الاخوه نفعوه عندما تقاعد
سنه 1998 تقريبا وليس مثل ما ذكرت سنة1983 أخاف انه مستشار محاسبي ونحنوا لانعلم
أوخبير عمالي؟

 

[Mesk W 3nbar]

اخ فيصل يعطيك العافية وماقصرت

يعني لو على افتراض انهم 1000 عضو وطبعا هم اكثر
يعني بالسنة يطلع مبلغ 15*1000*12شهر=180000 الف دينا؟

هل تعتقد هذا المبلغ مايوفي عدد الى يتقاعدون كل سنة؟ على اعتبار كل سنة يتقاعد من اصحاب الصندوق 10 كأعلى حد؟؟
ومااعتقد انه يوصل الى هذا الحد
ويمكن اني غلطان؟!

طبعا حالات الوفاة عسى الله يطول اعمارنا بالخير يقصون من كل واحد 5 دنانير
اما العلاج والزواج انا ماعندي علم عنه
الحكومه تعطي الى بتزوج اربع آلاف
وقليل الى يسافر علاج على حسابه الخاص
مع انه مايستاهل المبلغ

وهذي ثغرات مخيفة في هذا الصندوق

 

[Mesk W 3nbar]

عامل نفطي غيور

يحب ان تكون هذه الاموال واضحه مثل وضوح الشمس
ولك الحق انك تسأل عن الى متكفل فيها دامك مشترك بالصندوق

وحتى الى يطلع عليه كلام في مصداقيته يجب ان تثبت ذلك
البينة على من ادعى
لاتقل قالوا عنه
قل قال فلان وفلان عنه
يمكن فلان وعلان ليس لهم مصداقية؟!
او بينهم خلاف؟

 

[عامل نفطي غيور]

أنا أقول مادام المبالغ تستلم من الشركه نقدا يدوي فعلينا السلام
وذلك بان العامل كيف يكون مطمئن على اشتراكه والقضيا بين المحاكم
يعني كلام الاخوه صحيح ان المبالغ لا تودع في البنك لكي لا يقبض عليها
ليتنا ما اشتركنا والظاهر انني سوف أوقف اشتراكي يأخذون منا وبعدين
نغامر فيها لا والله

 

[فيصل الكندري]

كلامك الان صحيح ان مبالغ صندوق الزماله تستلمه النقابه من الشركه يدوي
اذا فقدت الرقابه؟ وتناقض نفسك وتقول في حساب النقابه عيل وشلون يستلمونها يدوي
خوفا من الاحكام على الصندوق.و ياخي انت تهاجمني وتدافع عن علي الز يد وأنا لم
أقول خطا استشهدت بموظفي الانتاج الذي يعرفون مصداقيته وان الاخوه نفعوه عندما تقاعد
سنه 1998 تقريبا وليس مثل ما ذكرت سنة1983 أخاف انه مستشار محاسبي ونحنوا لانعلم
أوخبير عمالي؟

اولا .. الفلوس تتحول من الشركة الى حساب صندوق الزمالة في بيت التمويل

ثانيا .. انا قلت تتسلم ادارة الصندوق الفلوس من حساب بيت التمويل وتسلم الى الشخص اللى يبى يتقاعد باليد

اظن الحين مافي تناقض ..

ثالثا .. انا ما هاجمتك اساسا .. انا قتلك ان الكلام عن شخص بالطريقة اللى ذكرتها ماتجوز ما تنبغي .. عندك ممسك عليه قدمه والا كف ذمتك عن وكالة "يقولون" او "الناس تعرفه".. الله مغنيك عن ذنوب الناس ..

رابعا.. على زيد كان ماسك موضوع صندوق الزماله من 83 ايام ما كان موظف وكان يسوى دعاية له وهذا كلام الناس .. وتقاعد -نفس ما تفضلت- بال98 وتعين بالنقابة على ادارة الصندوق ... وما اظن الشغله تحتاج محاسب لان الاخ/ على زيد دوره وسيط بين بيت التمويل وصندوق الزماله .. والجماعة مسكوه الصندوق بحكم كفائته ومجهوده القديم مع الصندوق.

 

[فيصل الكندري]

عامل نفطي غيور

يحب ان تكون هذه الاموال واضحه مثل وضوح الشمس
ولك الحق انك تسأل عن الى متكفل فيها دامك مشترك بالصندوق

وحتى الى يطلع عليه كلام في مصداقيته يجب ان تثبت ذلك
البينة على من ادعى
لاتقل قالوا عنه
قل قال فلان وفلان عنه
يمكن فلان وعلان ليس لهم مصداقية؟!
او بينهم خلاف؟

هذا اللى اقصده ... جزاك الله خير

 

[فيصل الكندري]

أنا أقول مادام المبالغ تستلم من الشركه نقدا يدوي فعلينا السلام
وذلك بان العامل كيف يكون مطمئن على اشتراكه والقضيا بين المحاكم
يعني كلام الاخوه صحيح ان المبالغ لا تودع في البنك لكي لا يقبض عليها
ليتنا ما اشتركنا والظاهر انني سوف أوقف اشتراكي يأخذون منا وبعدين
نغامر فيها لا والله

الصندوق عليه قضايا من اعضاءه الاجانب اللى كانوا يشتغلون بشركة نفط الكويت قبل الغزو ( هنود - فلسطينيين- عراقيين - ... غيرهم)

وبعد الغزو طالبوا بمستحقاتهم الماليه عن طريق المحاكم ... وراح يآخذونها لكن بالتدريج (هذى سالفة المحاكم اللى على الصندوق)

- عندك 400 شخص انتقل من نفط الكويت الى نفط الخليج وهذوله لهم مستحقات

- عندك ناس تقاعدت قبل فتره (ايام ال50 دينار) وعددهم يقارب ال60 شخص

- عندك تقريبا 9 شهور (ايام الغزو) ما اشتغل فيها الصندوق ...

كل اللى ذكرته سبب عجز بالصندوق والجماعه يادوب يسكرون فلوس 2 بالمحكمه و2 من المتقاعدين الكويتيين بالشهر ..

اما سالفة انهم يستلمون باليد خوفا من احكام قضائيه بالصوره اللى ذكرتها .. ما درى عنها بس هذا باختصار الصورة العامه للصندوق .. بعد ما سألت الجماعة بالصندوق​