اكتب بيت شعر يعبر عن حالتك النفســـــية

م.محمد

بـترولـي خـاص


السلام عليكم ورحمة الله وبركاته


اعجبتني فكرة تقول عبر عن حالتك النفسيه ببيت من الشعر سواء بالفصحى أو النبطي
واذا كان الموضوع مكرر اعذروني
و راح ابد انا

مالك نصيب بدنيتي ومالي نصيب بدنيتك
...
خلني اعيش بحسرتي وانت تهنى بدنيتك



ويعطيكم العافيه
يلا الي وراي بليز :)

منقوووول
 

brilliant

المـراقب الـعـام
على كف القدر نمشي ولا ندري عن المكتوب
عبارة كنت أرددها صدق من صاغ معناها
 

النزغة

بـترولـي خـاص
اللي يبينا عيت النفس تبغية و اللي نبية عيا البخت لا يجيبة:) و مشكور حلو الموضوع
 

غيوره جدا

بـترولـي نشيط جدا
الضيقة اللي دايمٍ تالي عصير ..
.. وش حيلتي وأردها لا تجيني


لا طال ظل العود حزة عشى الطير ..
.. كنها على سجن الحديد تحديني


والعبره اللي تاصل الحلق وتحير ..
.. يا قربها لو قيل لي يا عويني


أمل شوف الناس ورد ومصادير ..
.. واللي يقول اشفيك كنه يهجيني


يعني على ما قيل من باب تصوير ..
.. (لاحدٍ أبي قربه ولا أحدٍ يبيني)
 

كلمـ ولو جبر خاطر ـه

بـترولـي نشيط جدا
ودي اخاشر فالبصر من يبصرون=واشوف دربي لا سرحت ولا ضويت

والى قنصت اثبت مع اللي يثبتون=واشوف طيري كل ما اوميت ودعيت

ياااكثر ما يضرب خويي (الطابلون)= من كثر ما اكلّته مطباات وكليت

وودي اشوف اللي علي يعرضون=وبعض الليالي ودي اسري دون ليت

وااشوف ناس ٍ فالقفا ما يرحمون=اما وقفت لصاحبي والا مشيت

من دون نظاره ولا هم يحزنون=يااا كثر ما كسّرت كشمات وشريت





مع العلم اني ساودعكم بعد اسبوعين انشالله بسبب عملية لعيوني

والله يشفي كل مريض
 

م.محمد

بـترولـي خـاص
ودي اخاشر فالبصر من يبصرون=واشوف دربي لا سرحت ولا ضويت

والى قنصت اثبت مع اللي يثبتون=واشوف طيري كل ما اوميت ودعيت

ياااكثر ما يضرب خويي (الطابلون)= من كثر ما اكلّته مطباات وكليت

وودي اشوف اللي علي يعرضون=وبعض الليالي ودي اسري دون ليت

وااشوف ناس ٍ فالقفا ما يرحمون=اما وقفت لصاحبي والا مشيت

من دون نظاره ولا هم يحزنون=يااا كثر ما كسّرت كشمات وشريت

مع العلم اني ساودعكم بعد اسبوعين انشالله بسبب عملية لعيوني

والله يشفي كل مريض


مشكووووووور ياكلمه
وماتشوف شر
والله يشافيك انشاالله
 

engineera

بـترولـي مميز
احم احم
مادري ماعندي شي اقوله همممممم

:) بس قاعده اتطمش اذا صار عندي شي بقولكم
وثانكس
 

KOCiya

بـترولـي خـاص
تدري بطبعي ويا كثر ما أكابر
أقول ما أثر غيابك على شي
ولا الحقيقه والله ماني بقادر
صاير بدونك كني الميت الحي
 

مواق

بـترولـي مميز

عباس بن الاحنف لم تفضح هواه غير الدموع فأنشد :


لاجزى الله دمع عيني خيرآ .. وجزى الله كل خير لساني

نم دمعي فليس يكتم شيئآ .. ورأيت اللسان ذا كتمان

كنت مثل الكتاب أخفاه طي ، فاستدلوا عليه بالعنوان


وكان يعزي قلبة بأنه سيموت مكتوم السر الا عمن يحب فيقول :


ابكي الذين اذاقوني مودتهم حتى اذا ايقظوني في الهوى رقدوا.. لأخرجن من الدنيا وحبكم بين الجوانح لم يشعر به احد.!!‏ ..


لهذا اجد ان كلمات الشاعر تعبر عن حالتي النفسية .

تحياتي لك . :)
 

ABDULLAH

قــلــم بــتــرولــي
أعضاء الشرف
إيييييييييييييه ، شاعر قضى عمره في سراب يبحث عن قلب يستضيفه فقال عندما شاهد الحالات التالية :

يا حلوة يا أم العجايف
ليش ما تبدلين السفايف
السفايف عندج يوصوصون
و الشعب حواليج يبصبصون
 

الشايب

بـترولـي خـاص
الحـال مـامـن حـال والــنـفـس شـيـنـه ...سـهـر وزقـاير والعـرب مسـتريـحيـن
 

الساحوت

بـترولـي نشيط
هذا البيت يطري علي دايم وانا بالدوام مدري ليه :)
انا اشهد انك عايشه في ظليمه
يالحيت ن منتى بعلى وجه رجال
 

الشايب

بـترولـي خـاص
زرق ترى التزريق فيه الغنيمه .. وخل اللحى في مركزن ماله أرسال


:)


أما عن النفسيه


النفس هي النفس شينه وعوره ...الله يزينها علي خير تدبير
 

الغالية

بـترولـي خـاص

المرجلـه ماهي بكلمـة وتنقـال ...... وتروح ماراحـت هبـوب النسايـم

ولا خشونة صوت أو رفع الأثقـال ...... أو رزة صـدور وفعـل الـزلايـم

ولاهي بعد مفتـاح موتـر وجـوال ...... ولا ردى لسانـن حديثـه شتـايـم

المرجله شيمه عـن القيـل والقـال ...... رفيع نفـس و حـر بالجـو حايـم

المرجله عقـل وزنه وزن جبـال ...... ودون العقـل وش فرقنـا عن البهايـم

 
أعلى