نظام تجزئة الإجازات (معلومة تهمك)

رحال

بـترولـي مميز
صباح الخير ،،،

جميعكم يعلم بأن في الآونة الأخيرة تم إقرار قانون تجزئة الإجازات أو ما يعرف بأرصدة العاملين / العاملات في القطاع النفطي من قبل مؤسسة البترول الكويتية في مايو لعام 2007 .

وهو عدم تجزئة العامل / العاملة رصيد إجازته لأكثر من 4 مرات خلال السنة ، بمعنى يمكن للعامل أخذ نصف رصيد إجازته وهو ما يسمى (إجازة تعاقدية) وهي مفروضة لا محالة ، ومن ثم يمكنه أخذ إجازة من نوع آخر وهي ما تعرف بـ (إجازة جزئية) .

طريقة احتساب تجزئة الإجازات بما لا يتعدى 4 مرات :-

إذا تم أخذ إجازة تعاقدية وهي نصف رصيد إجازتك السنوية فتلك تحتسب عليك ( نقطة واحدة ) من أصل 4 نقاط أو تجزئات.

إذا تم أخذ إجازة جزئية لمدة 3 أيام وما فوق فهي تعتبر عليك (نقطة أخرى) .

إذا تم أخذ إجازة جزئية لمدة يوم واحد أو يومان فإنه لا يحتسب عليك أي نقطة.

ملحوظة ضرورية : إذا تم أخذ رصيد متبقي من العام الماضي أي رصيد (2006) وتم أخذه في سنة (2007) فإنه أيضا يعتبر نقطة أيضاً إن كان أكثر من 3 أيام .

في حالة طلب الاستثناء لا يتم الموافقة إلا بموافقة رئيس الفريق المعني ومع ملاحظة أنه سيتم إدخال كافة الرصيد لإنهائه كلياً وليس جزئياً .

ولكم مني وافر الشكر والاحترام ،،،
 

علميني الحب

بـترولـي نشيط جدا
بصراحه أمرهم غريب
إذا تبي إجازه قالك رئيس الفريق لا الحين عندنا ضغط وشغل أجلها شوي
وإذا ما تبي تطلع قالوا لك أطلع أجازه غصبن عنك
ولا تبين ولا ترحل والصيف أداوم وربعك مسافرين
والسبب حاجة العمل
والله دنيا
 

brilliant

المـراقب الـعـام
اذا كان الفريق الواحد منسق اجازاته مع ربعه والاولويه للاقدم ومافي بينهم اي مشاكل ليش هالاشكاليه بعد
 

Waluigi

بـترولـي مميز
و يقولن العسكريه اصعب شي في الاجازات ما داومو في القطاع يومين بس يطلعون 60 يوم و 15 اداريه و غيرة لا و مانيخصم منهم ولا دينار و احنا يذلونا عليها لا واذا عندك رصيد لازم تطلع و انت ما تبي غصب و يجلدونا بالخصم الله كريم
 

nuclear

بـترولـي نشيط
نظام الاجازات عندنا ولا اغبى منه كل ماييت تبي اجازه قالك لا ما نقدر و بعدين اييك اخر السنه يطلعك 42 يوم فتح الباب على مزاجه و اهم انتو عارفين في ناس اجازتهم تنزل شهر 3 10-7-200؟ يعني محجوزه واذا قرى المقاله راح يعرف نفسه لانهم كذا واحد
 

hassankoc

بـترولـي خـاص
بالشركات المتقدمه والمتطوره ترسلها عبر عبر بالبريد الأكتروتي حتى لو يوم متى اردت ولا شأن لأحد بها
 

ahmed

بـترولـي نشيط جدا
ياجماعه ترى احنا مو عارفين ما شي اسمه تطلع الاجازه اجباري ولا في احد يجبرك يطلعك اجازه بس في شي ممكن مايطلعك اجازه بالوقت اللي تبيه لكن ما يقدر يجبرك انك تطلع ولا تقدر بعد تاجل اجازتك الى السنه اللي بعدها مثل ما يسوون المسؤولين اللي يداومون صباحي
 

BAYE3HA

بـترولـي جـديـد
اذا كان المسؤوول نحييس ومايبي يعطيك اليوميين شنسويييييييييييييييييييييييييييييييييييييي
 

KOCQ8ya

بـترولـي جـديـد
بصراحه نظام ولا اغبى منه يعني الواحد شيسوي اذا صار عنده ظرف ولازم ياخذ اجازه اكثر من يومين يعني يتوهق اخر السنه باجازه اكثر من 23 يوم واذا مسؤولك نحيس غصبك تطلعها بوقت مايناسبك
لا وشرطهم لازم تخلص رصيد السنه اللي فاتت قبل مارس واللي يقهر في ناس ما يخلصون رصيدهم الا اغسطس او سبتمبر
وبعد لا يصير في واحد نحيس معاك بالقسم يناجرك على الاجازات تتوهق عدل ويخرب المخطط


يعني هم بالاجازات في واسطه
 

mubarak989

بـترولـي نشيط جدا
انا عندى صاحب صديق يشتغل بالبترول الوطنية يقول اجازاتهم الموظفين يحددونها على كيفهم يعنى اسبوع قبل اهنية واسبوعين الشهر ذاك على طول السنة بس مايكون عندهم نقص فى الموظفين وامورهم ماشية لو يخلون الموظف يرتب اجازتة على كيفك جان احسن بس لازم ينكدون علينا بالاجازات هذا اذا طلعوك اصلا خاصة اذا كنت فى الانتاج
 

mubarak989

بـترولـي نشيط جدا
الله يبعد عنج اللهم وعوار القلب وتنحل امور الاجازة وتشوفين اللى يسرج
 
أعلى