قصه وقصيده لي انا

كلمـ ولو جبر خاطر ـه

بـترولـي نشيط جدا
هذي القصه صارت معاي

بس القصديه مقتبسه مع التغير


تعرفون حلا الجو الحين وانا من عشاق البر والقنص

ولكن ضروفنا في الدوامات ماتساعدنا على المقناص


دق تليفوني قبل اسبوع

واللا واحد من ربع المقناص

وقالي ها يالخوي تخاوينا للقنص شوف الجو شحلاته نبي نقص للسعوديه ونرجع بعد اسبوع واحتمال

نكمل القنص بالاردن وسوريا


قلتلهم ماعندي اجازات انتوا من وين جيتوني ياليتكم رحتوا من دون لا تقولولي

هيضتوني

وقلت هالاببيات

طبعا اكرر الابيات مقتبس وانا غيرت الابيات على وظيفتي

يا موظف البترول خوذ التعابير
من واحدن واصل حول الجنوني
خذ بدلتي و الهلمت والبساطير
وسلم عليهم وقلهم يفصلوني
ماقصدي أتركهم دشاره وتقصير
لاكن نسيم الليل هيض شجوني
حب القنص والبر وملاعب الطير
وجلسة نشاما بالوفا يعرفوني
وبلغ السينير تحيه وتقدير
وعلى دوام الصبح لايحتروني
 

Shoomy

بـترولـي خـاص
خذ بدلتي و الهلمت والبساطير --> وين يوديهم؟؟ :rolleyes:

وبلغ السينير تحيه وتقدير --> والله زين تسلم عليه بعد :D


يعطيك العافيه ... حلو تحريفك وتغييرك ... ضبطت معاك ;)

تقبل مروري

تحياتي
 

brilliant

المـراقب الـعـام
يا كلمة خذني معك صوب المناعير
صوب القنص والصيد بريح عيوني
بيريحها من الاوراق والشاشه والتقارير
ومن وجه المدير لا قال خلصوني

e15b9da1c3.jpg
 
أعلى