مستشفى الاحمدي الى متى؟؟

[GhaReB]

امس كالعاده كنت انتظر دوري للدخول على الدكتور
تفاجات بمرور واحد جدامي (موكويتي) وبيده 3 اكياس متروسه ادويه
الادويه الي فيها ممكن تكون لاكثر من عايلة
خلصت من الدكتور ورحت اخذ الدوا من الصيدلية
وتفاجات من احد عمال شركة الخرافي
يطق باب الصيدلية وينطر
انفتح الباب دخل الصيدلية (بالبلسوت طبعا بس شقول عن النظافه يمكن عمال التنظيف الي بالشارع انظف من البلسوت الي لابسه)
دخل الصيدلية وبعد ثواني يطلع وبيده كيس متروس ادوية!!!!
ليش وشلون الله يعلم؟
هل عمال شركة الخرافي يشملهم العلاج بالمستشفى؟
وشلون هالعامل دخل الصيدلية بهالملابس الوصخه؟
وين النظافه؟ وين العناية؟ وين المراقبه؟
وانا الكويتي طلبت من الدكتور يوصف لي دوا قالي لا ممنوع ولازم احنا نتابع حالتك مو المستشفيات الاخرى
!!!
حاولت ابطل الكاميرا بالتلفون واصور لكن للاسف والله مالحقت اصور المنظر الي جدامي صار
بس الله كريم ان شاءالله
واتمنى تتعدل الحال

 

[Phox]

شنو الغريب بالموضوع ؟؟

انا مرات امر المستشفى ابى ادويه حق العيال (دوا كحه - بنادول- تحاميل حرارة -ماي غريب ..) يترسولى كيسين

وترا موظفين المستشفى دايما يدزون عمال النظافه يجيبون الادويه لهم بمكاتبهم، وبعدين ترا في تشدد بصرف الادويه (اذا كنت تقصد ان عمال التنظيف يبوقون الادويه هذى صعبه)

 

[أبو خالد]

والله شي حلو... لو كل واحد يصور المشاهد اللي يرى انها تثبت موقفه .... أمور واجد راح تتغير للأحسن

مرة ... واحد صور دكتور (والبالطو مال الدكتور كان مفتوح) اللقطة تذكارية كانت... بس الدكتور هذا جاه كلام خلاه يحترم الزرارات المركبة بالبالطو .. (المستشفى الخاص) ما تلقى دكتور يجرؤ يداوم والبالطو مبطل .... تلقون الشي هذا في المستشفيات التعبانة- إلا ما رحم ربي

 

[بلبل عنقريزي]

مستشفى الشركه بانحطاط مستمر من ناحية الخدمات والنظام !!!

 

[Shoomy]

ياخوي غريب .. موكل الدكاتره يقولون نفس ماقالك الدكتور
انا كل ما اروح .. اقول دكتور ولا دكتوره ابي الدوا الفلاني وتكتبلي بس فيي دكاتره مايرضون .. يقولون " انا الدكتور ولا انت؟؟ "

والله ناس خربوطه

الله كريم

تقبل مروري وتحياتي

 

[بو حمود]

شنو الغريب بالموضوع ؟؟

انا مرات امر المستشفى ابى ادويه حق العيال (دوا كحه - بنادول- تحاميل حرارة -ماي غريب ..) يترسولى كيسين

وترا موظفين المستشفى دايما يدزون عمال النظافه يجيبون الادويه لهم بمكاتبهم، وبعدين ترا في تشدد بصرف الادويه (اذا كنت تقصد ان عمال التنظيف يبوقون الادويه هذى صعبه)

والله يا جماعه الخير -نقل عن دكتور فى المستشفى بانه لن تصرف الادويه الاصليه من مضادات حيويه وغيرها وسيتم الاعتماد على ادويه الصناعات الخليجيه -مثل جلفار

 

[jajs04]

والله يا جماعه الخير -نقل عن دكتور فى المستشفى بانه لن تصرف الادويه الاصليه من مضادات حيويه وغيرها وسيتم الاعتماد على ادويه الصناعات الخليجيه -مثل جلفار

يعني حالنا حال المستوصفات
شحقا أطق درب لى الأحمدي

 

[علميني الحب]

والله يا جماعه الخير -نقل عن دكتور فى المستشفى بانه لن تصرف الادويه الاصليه من مضادات حيويه وغيرها وسيتم الاعتماد على ادويه الصناعات الخليجيه -مثل جلفار

بالعكس بو حمود جلفار والداوئيه شغلهم زين يا أخي على الأقل تكون نسبة تركيز الدواء مرتفعه شوي
وبعدين مستشفى الشركه بصراحه بصراحه
ما أول إلا الله يخلف علينا فيهم
برستيج وديكورات وخرابيط مالها أول ولا تالي
ودكاتر ينعدون على أصبع الأيد الوحده الممتازين وإلا الباقين كمالة عدد

 

[norema-sarto]

يارب تكفينا شر العواقب

 

[ahmed]

والله يا شباب لو يخلون الناس تتعالج بالمستشفيات الخاصه ويلغون المستشفى احسن حالنا حال البنوك والشركات الخاصه اوفر للشركه واحسن للناس والله من البلاوي اللي نسمعها ومحد مستفيد الا فئه معينه من الناس في هالمستشفى

 

[HUMMER]

صدقوني ياجماعه ادارة المستشفى ماتدري باللي قاعد يصير وان شاء الله نتامل
بادارة المستشفى خير

 

[أبو خالد]

ان شالله

بس شلون راح يدرون...

من مهامهم تقصي المعلومات من المراجعين.. عمل استبيانات أو غيره من الوسائل للاطلاع على درجة رضى المراجع ؟؟؟


شلون تبيهم يدرون (إذا عمك أصمخ)

 

[BO_SHROOQ]

وما خفي كان اعظم

 

[special]

صباح الخير على الجميع

الشي اللى يزهقك من المستشفى(( الدور ))
يعني اذا فيك نشله وبتروح للمستشفى احسب حسابك ساعتين وانت تضحك والسبب
ان هالهنود وغيرهم والصيدليه كذلك
والله يعين

 

[Ahmadi Ambulance]

امس كالعاده كنت انتظر دوري للدخول على الدكتور
تفاجات بمرور واحد جدامي (موكويتي) وبيده 3 اكياس متروسه ادويه
الادويه الي فيها ممكن تكون لاكثر من عايلة
خلصت من الدكتور ورحت اخذ الدوا من الصيدلية
وتفاجات من احد عمال شركة الخرافي
يطق باب الصيدلية وينطر
انفتح الباب دخل الصيدلية (بالبلسوت طبعا بس شقول عن النظافه يمكن عمال التنظيف الي بالشارع انظف من البلسوت الي لابسه)
دخل الصيدلية وبعد ثواني يطلع وبيده كيس متروس ادوية!!!!
ليش وشلون الله يعلم؟
هل عمال شركة الخرافي يشملهم العلاج بالمستشفى؟
وشلون هالعامل دخل الصيدلية بهالملابس الوصخه؟
وين النظافه؟ وين العناية؟ وين المراقبه؟
وانا الكويتي طلبت من الدكتور يوصف لي دوا قالي لا ممنوع ولازم احنا نتابع حالتك مو المستشفيات الاخرى
!!!
حاولت ابطل الكاميرا بالتلفون واصور لكن للاسف والله مالحقت اصور المنظر الي جدامي صار
بس الله كريم ان شاءالله
واتمنى تتعدل الحال

اخوي الحالة اللي شفتها حالة شاذة جدا

وممنوع منعا باتا الدخول للصيدلية لغير الصيادلة ... حتى موظفين المستشفى يمنع دخولهم للصيدلية

أرجوا ان توصل هذه المعلومة لكبير الصيادلة حتى يتم عمل اللازم مستقبلا"

 

[Ahmadi Ambulance]

شنو الغريب بالموضوع ؟؟

انا مرات امر المستشفى ابى ادويه حق العيال (دوا كحه - بنادول- تحاميل حرارة -ماي غريب ..) يترسولى كيسين

وترا موظفين المستشفى دايما يدزون عمال النظافه يجيبون الادويه لهم بمكاتبهم، وبعدين ترا في تشدد بصرف الادويه (اذا كنت تقصد ان عمال التنظيف يبوقون الادويه هذى صعبه)

أحب أوضح لك معلومة:
العمال اللي اتشوفهم شايلين ادوية هذه الادوية لمرضى بالأجنحة ويجيبونها بناء على وصفة من الطبيب