الترقيات الجديده

[op_qweety]

السلام عليكم

بدون مقدمات الظلم اللى صار للموظفين من جراء الترقيات الجديده التى تمت بدون حق لاخوه لنا وظلمت بالتالى اخوه

اخرين وفي اللقاء مع النقابه بهيئتها ؟؟؟؟ قالت النقابه بكل برود انه الترقيات تمت ولا يمكن عمل اى شى فى الوقت الحالى


صج اللى قال : اذا لم تستحى ............. ؟ والكلام للنقابه و لمن تدخل فى الترقيات من المسؤولين
الذين سوف يسائلون امام الله لهذا الظلم الذى وقع على الاخوه الزملاء

 

[المشاكس]

يا أوبريتر كوتي ... يعني من صجك تبي النقابة تتحرك إذا أهي متوسطه حق ناس علشان يرقونهم حبيبي نقابتنا أهل مصااااااااااااااااااااااااالح وبس

 

[فيصل العجمي]

السلام عليكم

ممكن نعرف المشكله بالتفصيل يا اخوان؟
هل هناك ترقيات تمت يعني بالاتفاق مع النقابه

 

[moh83]

هذي مو أول مره وموجديد عليهم هذي السوالف تصير وايد

 

[BG. 1]

السلام عليكم

ممكن نعرف المشكله بالتفصيل يا اخوان؟
هل هناك ترقيات تمت يعني بالاتفاق مع النقابه

المشكلة

الكلام عن دائرة الإنتاج طبعا

ماشاء الله تمت ترقية أكثر من 30 شخص من OP2 الي OP1
والظلم وقع علي عدد كبير من الزملاء OP2 التي خدمتهم تفوق العشرين سنة ولهم علي نفس الدرجة أكثر من 10 سنوات تقريبا
وتمت ترقية بعض الزملاء ممن لا تتجاوز خدمتهم بالشركة 9 سنوات وكذلك لم يترقوا الي درجة OP2 ال منذ سنتين

والترقية تمت وطبعا النقابة لم تقم بعمل أي شيء للأشخاص الذين تقدموا بالشكوة إلي الأن

 

[A/KARIM]

الله يسامح اللي كان السبب

 

[فيصل العجمي]

للأسف ان الترقيات يكون فيها محسوبيات
وكان من المفروض ان النقابة يكون لها موقف بهذا الخصوص
ولكن ارجوا ان لا يمر هذا الموضوع مرور الكرام واتمنى ان يتم تقديم شكوى رسمية بأسم جميع المتضررين ورفعها مره اخرى للنقابة واذا ماصار شي فيه لجنة العرائض والشكاوي في مجلس الأمة

 

[BG. 1]

ولكن ارجوا ان لا يمر هذا الموضوع مرور الكرام واتمنى ان يتم تقديم شكوى رسمية بأسم جميع المتضررين ورفعها مره اخرى للنقابة واذا ماصار شي فيه لجنة العرائض والشكاوي في مجلس الأمة

تقدم عدد من المتضررين الي النقابة وإلي الأن منذ عشرة أيام لم يحصل أي شيء

وقامت النقابة بدعوة الزملاء Op2 للإجتماع بهم بالنقابة ولكني لم أحضر ولا أعرف إلي أي شيء إتفقوا

وأتمني من أي شخص حضر الإجتماع ينقل لنا مادار بالنقابة

 

[البرقان]

طالما كانت معايير التقييم سرية (بحته)

فالمقولة تبقى كما هى

ليس المهم ماذا تعرف

بل من تعرف



بل هي تفصيل خاص للاشخاص

(خادعين) بهذا النظام كل من يطالب بحقه

وهذا التقييم الخبيث

متغيير النسب

فتارة تجدهم يرفعون (نسبة) تاريخ الخدمة
ومرة يرفعون نسبة (لجنة التقييم)
و مرة يرفعون نسبة (التقرير السنوى)
وهكذا

فمع كل تعديل تجد اسمك من الخمسة الاوائل تارة و تارة اخري تجد اسمك (تلش)


تحياتي فقط لاغير​

 

[op2]

صراحه موضوع الترقيات هذا مصيييييبه


يعني شنو ارقي ناس اليوم وباجر الغي ترقيتهم وعقب يومين ارد ترقيتهم ؟؟



منو المسؤول عن هالشي


ومنو مفروض يتحاسب ؟؟


اشلون ارقي شخص ما قعد 7 سنين بالدائره الى op1


وهو اساسا محول من قسم البداله ولا الصيانه ؟؟


اشلون اثق بهالشخص يعني الي خدمته 7 سنين واسلمه مسؤوليه هو مو قدها


والي له خدمه فوق 20 سنه بالقسم حتى ما اعرضو عليه الترقيه ؟؟؟


خوووووووووووووووووووووووووش نقااااااااااااااااااااااااااااابه بدها خوووووووووووووووووووش موظفيييييييييين

 

[البرقان]

صراحه موضوع الترقيات هذا مصيييييبه


يعني شنو ارقي ناس اليوم وباجر الغي ترقيتهم وعقب يومين ارد ترقيتهم ؟؟



منو المسؤول عن هالشي


ومنو مفروض يتحاسب ؟؟


اشلون ارقي شخص ما قعد 7 سنين بالدائره الى op1


وهو اساسا محول من قسم البداله ولا الصيانه ؟؟


اشلون اثق بهالشخص يعني الي خدمته 7 سنين واسلمه مسؤوليه هو مو قدها


والي له خدمه فوق 20 سنه بالقسم حتى ما اعرضو عليه الترقيه ؟؟؟


خوووووووووووووووووووووووووش نقااااااااااااااااااااااااااااابه بدها خوووووووووووووووووووش موظفيييييييييين

عزيزي

عندما تشتكى

يقولون الشركة ........ ابخص

 

[HUMMER]

صدقوني النقابه اذا في ترقيات تكون اذونها وحده من طين والثانيه من عجين ولا عمك اصمخ

وعندنا وعندك خير يااخوي الكريم

 

[ALHAJRIE]

السلام عليكم
أشكر القائمين على هذا المنتدى والله يوفقكم بالنسبه للترقيااات من OP2 الى OP1 الف مبروووووك مع انه فيه ظلم وقع علينا يعني الثلاثه اللي طلعوا مادري شلوون طلعواا تخبط الاداره وتخاذل النقااابه لكن اللهم لاحسد الله يوفقهم وانا والله ما اشتكيت ولا راح أشتكي لأني مو ولد عراااقيه متعود على الشكاااوي وشدعوه الحين هالترقيااات وكيل وزاره ولا سكرتير اول بالسفاااره بالعكس وظيفة OP1 طااارده ولا تشجع لكن اقووول لاداره الانتاج خبزن خبزتيه يارفله إكليه وراح تشووفووون المشاااكل اللي راح تصير في السناتر ومايصح الا الصحيح

 

[op2]

شنو يعني مو ولد عراقيه ؟؟؟؟؟


اعجبتني الكلمه


بالعكس اخوي هذا حقك لو لك احقيه انك تطالب بترقيه على الاقل يعرضون الوظيفه عليك والترقيه وانت ترفض او تقبل



لكن مو قرار بيوم وليله ينحط وعقبه ينلغي عقبه تصير تدخلات خارجيه وترجع القرار من جديد


اهني مفروض يتحاسب المسؤول المعني بالامر

ولازم يتحول للتحقيق


على اي اساس رقيت هالناس وشنو الي حصل مفروض نفهم ونعرف

 

[operation]

الصراحة لو انا من الي أظلموني و رقوا ناس انا احق و اقدم منهم بظل ادعي عليهم لي يوم القيامه ,وصدقوني هذيل الله ماراح يوفقهم

 

[kuwaity001]

يااجماااعه شي يقهر لكن الشكواا لغير الله مذله وارزااق وأعضاااء مجلس الامه أو بالأحرى أعضاااء الخدمااات يفكووونا من شرهم مو كافي اللي مسوينه بالكويت والله حراااااام
متى نصير دائره وحده وبس بلا فرعي وبلا بطيخ

 

[buffon]

هذا ردا علي الزميل : op-2

السلام ,,
في موضوع الضلم في الترقيات انت اتقول انهم جايبين ناس من البداله ولا من الصيانه ؟؟

من البداله نقول معاك حق لا مجال العمل مختلف تماما

اما الصيانه : ليش اتحرش
انت تدري ان ربع الصيانه افهم منكم مليون مره وانهم هم اللي ماسكين السناتر ومضبطين الشغل فيها
وبالذات instrument اهم اللي يشغلون ويسون كل شي بالسنتر من تشغيل وصيانه ويردون علي كل الشركات اللي تي من برا ويبون شغله بالسنتر من استفسار و او تغير .

وانت يالop-2 اللي بالسنتر شعندكم من شغل عشان تطالبون
احمد ربكم 1000 مره علي اليي انتم فيه

انتم بالشهر عندكم 18 زام دوام مسأذن ولا مشفط 8 زامات ( يعني اللي يداوم صبح ما يداوم ليل )

قاعد بالسنتر ما عندك شغل اللي قرايت الجريده ولا الانترنت ولا قاعد تلعب غيمز وبالليل عندك التلفزيون او نايم


خلها علي الله
وبختمها الله يخليك لا تقارن بينك وبين ربع الصيانه لا الفرق وايد

 

[A.SHIFT]

الحل بألغاء تقييم المسؤول من الرانكينج

أعتقد الحل بأن يتم الغاء تقييم المسؤول اللي عليه 40 نقطة من الرانكنج بهذه الحالة نقدر نمنع الواسطة بالترقيات
لأن الرانكنج واضح والواسطة اللي تبي تتدخل بالرانكنج ماتقدر تتدخل الا في سالفة تقييم المسؤول فاذا تم الغاء هذا البند من الرانكنج وتم توزيع البوينتات على التقييم السنوي والأقدمية والغيابات .اعتقد هني راح كل واحد ياخذ حقه ومحد يقدر يعترض