قصيده لفراق وحده خوانه ومغروره راح تعجبكم ان شاء الله

كلمـ ولو جبر خاطر ـه

بـترولـي نشيط جدا
حلفتي لي تصونينـي إذا صـار الزمــــــن خــــــوان
وأول مــــــا عثـر حظـــــي علـى دربـــــك خذلتينـي

كسر رمح الزمـــــن صدري وجيتك اشتكي حيـران
نزعتي الرمـــــح من صدري وفي ظهري طعنتينـي

خســــــــااااره كييـف حبيـتك؟؟! نعـم والله ندمـــان
غـــبــــــــي أدري نعـم ادري مـا دام انـك سكنتينـي

سنـــــــه مـن عمـــــــري وانـا فـي لعبتـك غرقـان
أشيل الـــــشــوك من دربك وجرحـي كـان يدمينـي

وكنت أبكي إذا تبكي وأكـون لبسمتـك فرحـــــــان
وكنت اقرب من رموشك لعينـك يــــــــوم تبغينـي

عرفتك للآسف صحـــــــراء وحولتـك إلـى بستـان
وشلتيني غصن أخضـــــر وفي صخرك زرعتينـي

حفرتك داخلي وظني تصوني عشرتـــــــي أزمـان
وكنت أحفر قبر موتيــــــــ علـى ساحـل شرايينـي

على كف الشقا نامت جروحي والألـم سهـــــران
يحطمني .. يبعثرني .. وفي صحـراك يرمينـــــــــي

ولكن عــــزتـــــي تفـرض أكـون بدنيتـي سلطـــان
وإن ظنك أجي أركع لرجلــك... مـا عرفتينـــــــــي

انا ما عادتي اشحذ من أمثالك رضــــــا وإحسـان
امـــــــــــوت بـــعــــزتـي ارحـم ولا ذلــك يغطيـنـي

وما دام الوفــــــــــا عنـدك يـدور لـه علـى عنـوان
بدور لي على قلـب يصـــــــــــون الحـب وسنينـي

ولو قلبـي رجـع حَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي

ولو دار الزمــــــن ضدك وجيتـي تطلبـي الغفـران
وجبتي الشمــــــــس فـي كفـك لعندي..مـا بتلقينـي

تقول الناس في وصفك:جميله مثل عـود البــــان
وإنك أجمل وأحلى بشـــــــــر مخلـوق مـن طينـي

وإنك غاليـــــة وأثمـن مـن الياقـوت والمرجـان
تقوم أكوان مـن أجلـك وتقعـد لـك بلادينـــــــــي


حــــــسافه غرهم شكلك ويـا مـا تخـدع الألــــوان
عموماً .. بقت كلمة أخيرة لك على قلبي وسمعيني

إذا كنتي بنظر غيري مـــــلاك على هيئـة إنسـان
قسم بالله ما تسوين شعـــــــره مـن رمـش عينـي
 

الفيصل

بـترولـي خـاص
أعضاء الشرف
ولكن عــــزتـــــي تفـرض أكـون بدنيتـي سلطـــان
وإن ظنك أجي أركع لرجلــك... مـا عرفتينـــــــــي






صح لسانك وعلا شانك


الله يعطيك العافية


على هذه القصيده الجزله



تحياتي
 

Mr. Engineer

بـترولـي مميز
ما شاء الله،

قصيدة رائعة و حزينة،

بس صراحة الشاعر طلع كفو خلاها تولي هالخاينة.

ولو قلبـي رجـع حَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي

ولو دار الزمــــــن ضدك وجيتـي تطلبـي الغفـران
وجبتي الشمــــــــس فـي كفـك لعندي..مـا بتلقينـي


صراحة روعة

تحياتي
 

كلمـ ولو جبر خاطر ـه

بـترولـي نشيط جدا
انتوا احلى من القصيد ولولا حلاكم ما نقلتها لكم


وصح بدنك يابو فاطمه

والعفو ياحنان وما قصرتي على مرورج



وياانجنيرا تستاهلين القصيده وشاكرلج حيل مرورج
 

Mr. Engineer

بـترولـي مميز
انتوا احلى من القصيد ولولا حلاكم ما نقلتها لكم


وصح بدنك يابو فاطمه

والعفو ياحنان وما قصرتي على مرورج



وياانجنيرا تستاهلين القصيده وشاكرلج حيل مرورج

احم احم،

كل هالـ .Mr و تسميني انجنيرا، :D (مع احترامي لها)
 

كلمـ ولو جبر خاطر ـه

بـترولـي نشيط جدا
هههههههههههههههههههههههههههههههههههههه

اي لايقه الكشره

انتي دوم مبتسمه يعني لو اتشرين الحين محد يقتنع


اضحك معاج وانتي شرف لمواضيعي
 
أعلى