حفل التكريم(الخدمه الطويله) وما ادراك ماحفل التكريم

[عابر سبيل]

بصراحه تم دعوتي من ضمن المدعوين لحفل تكريم الموظفين ذوي الخدمه الطويله ومن خلال ما سمعناه من الزملاء المكرمين السابقين عن نوعية الهدايا صراحه ماكان عندي ذاك الحماس (مقارنة مع هدايا بعض الشركات الزميله) لذلك اقترح على الزملاء المنظمين الاكتفاء بالحفل والكلام الطيب ومن ضمنه القول للموظفين بان ماقمتم به من جهود طويله لن توفيه أي هديه حقه صدقوني راح يكون لهذا الكلام اكبر وقع في نفوسنا من هذه النوعيه من الهدايا لان الهديه تمثل المهدا إليه وماقام به من جهود ......وجهدنا وما قضيناه من عمرنا في الشركه (من غير منه الوطن يستاهل اكثر) لن تكون تلك الهدايا ثمنا له .....فمشكورين ودمتم.........آآآآسف على الإطاله

 

[فيصل العجمي]

السلام عليكم ورحمة الله وبركاته

وصلني الايميل بالفعل والحفل تاريخ 2 / 12 / 2007 في بيت الوطنيه

ولكن لا اعلم حقيقة ماهي الهدايا ولكن نتمنى ان تكون بالمستوى المطلوب أسوة بالشركات الزميله

 

[بترولي عتيج]

انا معاك اخوى عابر سبيل 100 %

لان الهدايا الكل يتكلم على مستواها الردئ

 

[Oil Engr]

انا معاك اخوى عابر سبيل 100 %

لان الهدايا الكل يتكلم على مستواها الردئ

انزين بس شنهي الهداية علشان توضح الصورة لنا
الي اعرفة انهم يوزعون خوش ساعات

 

[Waluigi]

ساعه ب 150 دك ويمكن اقل قلم معاها بلوشي طبعا لانه طايح بجبدهم لا وكاتبين عليه Knpc مذله عشان ما تكشخ فيه درع اسف اقصد ورقه تكريم A4 بيضا بدون اطار و ابيض و اسود و بوفيه وكلام فاضي بس احلى شي فيه انه يجتمعون الزملاء لاخر مرة بدعوة من الشركه التى عملو بها كل حياتهم لتكرمهم ب 200 الى 250 دك للاسف الدعوة مو فلوس لكن تكريم على مستوى اذكر حفل تكريم الوالد سنة 97 عطوة مدالية ذهبية عليها شعار الشركة القديم وساعه و شيك و الله بعد ما اكر شنو عطوة لكن الحفله كانت وناسه لان ربع الوالد و الى متقاعدين معاه كانو موجودين يمكن لمدة 4 ساعات و الله ما همهم التكريم لكن جمعتهم لاخر مرة كموظفين للشركة

شر البلية مايضحك

 

[feed gas]

السلام عليكم..التكريم اليوم فى فندق المنشر روتانا.الغحيحيل..للخدمه 25 \30 سنه بس والله فشله الهدايا مو من مستوى الحدث..انا العام كرمونى علا الخدمه الطويله..بساعه كورلوغ من بهبهانى..مرت علا اللى قبلى واللى قبل قبل قبل قبلى.مسوين لها رسايكلنك الله يغربلهم.بس اشلوووون؟؟انا اقولكم.انا والى قبلى والىبعدى ما عجبتنا الساعات ف قمنا وثمناها عند عبالمجيد الى فى مجمع الاوقاف..واهو من يشوف القوطى مال الساعه يعرف القصه ويقولك هاك 90 ولا اقضب الباب ..ويرد ايبيع الساعات علا البهبهانى والبهبهل\انى يرده علا حفل تكريم الشركه...مو قلت لكم رسايكلنك...بس مو خوش رسايكلنك طاح حضهم من شركه عيب والله اعمارنا وجهودنا انها تتقيم باهرخص والله عيب عليهم

 

[feed gas]

السلام عليكم..التكريم اليوم فى فندق المنشر روتانا.الغحيحيل..للخدمه 25 \30 سنه بس والله فشله الهدايا مو من مستوى الحدث..انا العام كرمونى علا الخدمه الطويله..بساعه كورلوف من بهبهانى..مرت علا اللى قبلى واللى قبل قبل قبل قبلى.مسوين لها رسايكلنك الله يغربلهم.بس اشلوووون؟؟انا اقولكم.انا والى قبلى والىبعدى ما عجبتنا الساعات ف قمنا وثمناها عند عبالمجيد الى فى مجمع الاوقاف..واهو من يشوف القوطى مال الساعه يعرف القصه ويقولك هاك 90 ولا اقضب الباب ..ويرد ايبيع الساعات علا البهبهانى والبهبهل\انى يرده علا حفل تكريم الشركه...مو قلت لكم رسايكلنك...بس مو خوش رسايكلنك طاح حضهم من شركه عيب والله اعمارنا وجهودنا انها تتقيم باهرخص والله عيب عليهم

 

[زهرة التوليب]

الهديه ساعه
ويقولك حتى شكلها مو ذاك الزود وعليها شعار الشركه !!!

ليش ما يعطونهم مبلغ سنع معاه هديه ثانيه تكريميه


تصدقون ان الموظفين اليديد اول ما توظفوا اجتمع فيهم الرئيس وعطا كل واحد فيهم شهادة و200 دينار مشتريات على ما اظن من يوريكا !!!

يعني الموظفين اللي توهم ما صار لهم جم شهر هداياهم افضل من موظفين الخدمه الطويله !!!

صج شي يحز بالنفس

 

[feed gas]

المشكله مو فى قيمه الشى المشكله فى رمزيه الشى بالنسبه للمكرمين...الفلوس مو كل شى بس الهديه اتعبر عن شنو احنا بالنسبه لهم والدليل هديتهم ساعه كورلوف ب 100 دينار علا خدمه طويله وشفتات الى اليوم الواحد جنه يومين من الكرف والتعب