ممكن تفيدوني بخبرتكم و نصايحكم لموظفة يديده

Blue angel

بـترولـي خـاص
السلام عليكم و رحمه الله و بركااااااااااااته

اشلونكم و شخباركم ؟؟؟ ان شالله كلكم بخير ، اتمنى تعطوني اشوي من وقتكم و تفيدوني بنصايحكم و خبراتكم في شركة نفط الكويت ، عاد شجعووووووووووووووني مابي احباط :p



يعطيكم العافيه و بالتوفيق للجميع ياااااااااااااااااااااااااااااااااااااااااااااااااااااااااااارب
 

م.محمد

بـترولـي خـاص
ترى شغل الشركه يشق شق ديري بالج
8 ساعات دوام رسمي وماكو راحه كلش
اللهم بس وقت الغدا والصلاه بس
والله يعينج :)

هذا الي اقدر افيدج فيه
بس عسى ماخترعتي ؟
 

الناهض

بـترولـي خـاص
مبروك انشالله وعساها فال حلو عليج انشالله
انصحج بالالتزام بالدوام والمثابره بالعمل
(((من جد وجد ومن زرع حصد ومن سار علي الدرب وصل)))
حاولي اتميزين بشغلج وتخلين لج طابع خاص بشغلج
كثر ماتقدرين لا تاخذين طبيات لانها تأثر علي ترقياتج وتقريرج السنوي((الشركه تعتمد علي نظام اسمه الرينج او المفاضله))
واتمني لج التوفيق والنجاح بحياتج العمليه والمهنيه
 

alaslamy

بـترولـي نشيط جدا
ألف مبروك والله يوفقج إن شاء الله

وإذا في اي سؤال احنا حاضرين وبالخدمه
 

الفيصل

بـترولـي خـاص
أعضاء الشرف
ألف مبرووك ان شاء الله


وماكو الا كل خير الدوام ان شاء الله سهاله


ولكن الالتزم مطلوب ما عليج الا داومين الـ 8 ساعات


تمنياتي لج بالتوفيق
 

Reem

بـترولـي جـديـد
الف مبروووووك :) مثل ما قالو الاخوان .. اهم شي الالتزام ولا تكثرين طبيات .. وانشالله نشوفج تيم ليدر P:
 

القعقاع

بـترولـي نشيط جدا
لا يبااااااا الدعوة سهاااالات سوي اللي تسوينه

كل شي واسطه

قريد ,تنقلااااات,كل شييييييييييييييي واسطه


والحق ينقال
 

dehen_3ood

بـترولـي خـاص
أعضاء الشرف
بالمبارك الوظيفة وعسى الله يعطيج من خيرها ويكفيج شرها إن شاء الله
موفقة إن شاء الله ..

..

أسعدنا حضورج وتواجدج الكريم معانا
وحياج الله معانا اختي الكريمة ..
 

الولدالذهبى

بـترولـي نشيط جدا
والله يا اختى اذا جامعيه
رووحى دوريلج وزاره والا هيئه
أبرك لج من الشركه
ع الأقل الراحه النفسيه
ومثل اليوووم الجو غيم وحلووو
احنا بس فراره بالبر
والوزارات قز ع البحر
:) :)




وبس
 

Blue angel

بـترولـي خـاص
THanks

بالبدايه الله يبارك فيكم و يوفقكم يا رب ، يعطيكم الف عافيه على اهتمامكم بالرد علي و مشكورين ما قصرتوا

اهم شي انا اشتغل بضميري و الباقي على الله ، الله سبحانه يعطي الانسان على قد نيته ، الوزاراااااااات لووووووعه على الاقل الواحد يحلل راتبه ، انا يشرفني انضمامي لكم و ان شالله اكون عضوه متميزه


بالتوفيييييييق للكل
 

op2

بـترولـي نشيط
ال شي مبروك الوظيفه وبالتوفيق


ومثل ماقالو الي قبلي الدوام واسطه ونصيحه لا تشدين حيلج بالشغل لانج بتنصدمين لما بتلقين المهمل بعمله بالواسطه يترقا

وبالتقيم افضل من الي يشتغل


قزريها حب شمسي وجاي وقهوه وسوالف واشتغلي عن الحلال والحرام مو اكثر


لا تبذلين مجهود بالشغل ابذليه بالواسطه

وقتها بتوصلين للاعلى
 

Blue angel

بـترولـي خـاص
الله يبارك فيك تسلم ما قصرت ، كل مكان فيه واسطه بس مافي واسطه اقوى من الله سبحانه و تعالى ، عندي امل اني على قد شغلي بحصد ان شالله و الله كريم ، الله يوفق الجميع يا رب
 

HUMMER

بـترولـي خـاص
مبروك اختي الوظيفه وشدي حيلج ومالج شغل باحد وكثر ماتعطين كثر ماتاخذين
وكافي مميزات الشركه اللي محد يحصلها بالوزارات
وبالتوفيق ان شاء الله
 

علميني الحب

بـترولـي نشيط جدا
مبروك
ولا يسعنى إلا نرحب فيج بينا ومعانا
ولكن ما راح أزيد على ما قالوا الأخوان
كل شي بالواسطه
أشتغلتي أو قعدتي
إذا حبتج عيني ما ضامج الدهر وأنا أخوج
هذا أنا 9 سنوات كرف ما حصلت على شي يفتح النفس وغيري تعينوا بعدي وعليهم بالعافيه
 

Blue angel

بـترولـي خـاص
الله يبارك فيكم و يوفقكم يا رب ، مشكورين على الرد و الله كريم ،بسوي اللي علي و الحمد لله على كل حال ، موفقين يا رب
 

skipper

بـترولـي مميز
اول شي مبروك
وثاني شي زين سويتي ويتي الشركه احسن من الحكوممه بمليون مره
ومالج شغل باللي يقولج الشركه موزينه
الشركه احسن من غيرها وفيها مميزات احسن من الحكومه
ونصيحتي لج
انطباعج الاول بالشركه يعني بالعربي شدي حيلج بأول سنتين راح ترتاحين العمر كله انشالله
لانه الانطباع الاول شي مهم بالشركه ومتعارف عليه عند المسؤلين

وثاني شي حاولي ماتاخذين طبيات لانها تأثر
وسلامتج وتعيشين
ووين العزيمه نبي حلاوه التعين :)
 
أعلى