مشغل حقل؟؟! .. افيدونــا جزاكم الله خير ،،

[Federer]

السلام عليكم ..

بدون ما أطول عليكم انا طالب بالتكنولوجيــا تخصص تشغيل مصافي ..
يعني باذن الله اذا تخرجت راح اتوظف بمسمى مشغل حقل ..

ياليت تنصحوني يالغاليين و تفيدونا بخبرتكم ..

تنصحوني اكمل .. ولا اغير التخصص وانثبر بأي وزارة ؟


شنو يسوي مشغل الحقل بالضبط ؟ ..
شغله خطرر وايد ؟؟ .. متعب واايد ؟؟ ،،

وماكو لا تلفون و لا تشووف مباريات بس كـله شغل و كررف ؟ >> حـده فـاضي

يعني شي ولا مو شييي
ضبطوونــا بخبرتكم ..

انا حاليا شكلي بغير تخصصي لـ هندسة كيميائية و اذا تخرجت اشتغل بأي وزارة ..
بس حصلت هـ المنتدى و هـ الناس الطيبة قلت خــل نستفيد منهم ..

المثل يقول اسأل مجرب ولا تسأل طبيب


موفقين

 

[H.A]

السلام عليكم

اخوي العزيز اذا تقدر تكمل هندسه ابرك لك وايد من الدبلوم لان المهندس يشق ويخيط ومميزات افضل.
اما اذا منحد عالوظيفه فعلى حسب المكان اللي راح يوزعونك فيه لانها تختلف الاماكن .

وبالتوفيق

 

[Federer]

^
^

تسلم يالغالي ..

ياليت الاخوان ما يبخلون علينا برايهم و يفيدوناا بخبرتهم ..

موفقين ..

 

[Winchester]

اخي العزيز

اذا لي الحين في مجال تغير تخصص الى هندسة كيميائية واااايد أفضل من ناحية المستقبل

شلووون

اولا ما تنحكر بوضيفه معينه تقدرتشتغل بال knpc او koc او اي وزارة ولعلمك الخاص تخصص هندسة كيميائية يقدر يصير مشغل حقل بعد ..

ثانيا الوظيفه هذي جدا متعبه والدوام متعب يومين صبح ويومين عصر ويومين ليل وبعدين يومين راحه ..

ثالثا اذا فيك شده خلص التكنولوجيا وكمل دراستك لأن اذا توظفت بأحد الشركات النفطية وبعدين قدت استقالتك بتروح تدرس وعقب ما تتخرج صبعه تنقبل بنفس الشركة مرة ثانية ..

اخيرا ونصيحه مجرب لا تحكر عمرك بتخصص معين خل مجالك مفتوح وانت اللي تختار ..

وبالتوفيق ان شاء الله

 

[احمد علي محمد]

نصيحة لوجة اللة كمل

كمل دراستك اوشوفلك وضيفة باي وزارة من اخوك موظف مشغل حلي

 

[Federer]

جزاكم الله خيير ..

يعني من كلامكم دبلوم مشغل مصاافي مووو شي

ياا أكمل دراستي .. واصير مهندس

أو اغير تخصصي لـ هندسة كيميائية ..


شكــلي بغير التخصص لـ هندسة كيميائية .. وانثبر بأأي وزارة


الله يعطيكم الف عافية ..

 

[shayib80]

كلام الجماعة صحيح
شغلة متعبة واداره سيئة ومافي مردود مثل باجي الشركات
وكل شي ممنوع تلفون جريده تلفزيون رادو
اوبريتر ضد الحر
ضد البرد
ضد الغبار
ضد المطر
وقت الشغل شغل
ومافي تقدير إلا إذا شديت حيلك
روح الkoc وكل الي سمعوا كلامي توفقوا انشالله
اول واحد نصحته اخوي واهوا دبلوم
راح الkoc قبل سنتين الحين اهوا قريد 12
انا صارلي 5 سنين دبلوم ليما الحين قريد10
الحمد لله

 

[Federer]

^
^

الله يعطيكم العافية ،، ..

يا أخوان اذا تقدرون تعطونوا معلومات اكثر عن الوظيفة لا تبخلون ..
مثلا الدوام 8 ساعات ... جم ساعة "شغل" بهالـ 8 ساعات ؟.. وجم ساعة لعب و راحة ?
الشغل شتسوي بالضبط؟؟ خطــر حييل ولا النااس يبالغون ؟

واذا عندكم معلومات أكــثر ..

وجزاكم الله الف خير و ما قصرتوا ..

يالله ماعليه تحملونا

 

[بترولي عتيج]

كمل دراستك احسن لك

 

[الهاملي]

وظيفة مشغل حقل متعبه في بدايتها ولكن لها مردود مادي طيب ولها مستقبل وخاصة بعد فتره راح يبنون المصفاه الرابعه (كلام من واحد خبرة13سنه)

 

[HUMMER]

اسال مجرب ولا تسال طبيب كمل احسن

 

[Neilz]

اول شي انا اقولك ابعد عن المشغل او غنيييلو حبيبي اول شي على حسب مكانك وين يقطونكم باي وحده يعني عندك التيرمنال او الاي آر دي اوالكوووكر او او . او كل مكان في شغل او مافي شغل مو معقووووووله كل ال8 ساعات شغل في شغل او قعده وسوالف بس مثل ما قالو الشباب ماكو جرايد ماكو تلفونات ماكو شي بس احنا عندنا الحمدالله يعني بالخش والدس تلفونات او جرايد او كل شي باختصااااار حبيبي كمل الهندسه او الله يوفقك بعدين شوفلك اي شركه او توظف فيها فيها

تحيـــــــــــــــــــــــــاتي

 

[Federer]

الف شكــر لكم يا اخوان ..

ما قصرتوا والله ..

 

[Federer]

لوول .. والله يا شباب حدي محتاار ،،

هـ الوظيفة مضمونة و المعااااش طيييب ،،

بس من كلام بعض الاخوان شكلهــا متعبة حييل ،،

والله مــا ادري ارووح ديوان الخدمة وانطر لما يوظفوني بأي وزارة و لا اتوظف بالبتروول مشغل حقل ..!

ربناا يسهــل ..

 

[Euro]

نصيييحه بالخط العريض .. من مشغل ...لااا يحوشك

 

[feed gas]

انحش ولا تقط نفسك بالتهلكه...يا تجى مهندس وتدش الشركه ولا تراك تبى تنحكر فى قريدات الاوبريشن التعبانه حدك حدك 13....وانشالله الله يوفقك وين مارحت

 

[Euro]

والله احنا خلصت سوالفنا ... من كثر ما مقابلين بعض .. فقمنا نطالع بعض واحنا ساكتين ...

 

[feed gas]

نسيت اقولك بعد...شوفلك تخصص هندسخ ولا يقصون عليك بشهاده الدبلوم مالتك تراك راح تنقعها وتشرب مرقتها مثل ما يقولون...ويعاملونك مثل الى توه جاى من الثانويه العامه.........انحششششششششششش

 

[Euro]

Neilz افضحني اكثر بعد ....ششش بروحك بوحده خايسه وهم اتشرط

 

[feed gas]

لالالالالا وبعد عشرين سنه خدمه يكرمونك بساعه كورلوف من بهبهانى...قيمتها 130