للفقر لذه في عيون الهوامير

[كلمـ ولو جبر خاطر ـه]

للفقر لذه في عيون الهوامير ............. شوفو وش لون بفقرنا شاركونا

دينارهم يستنسخونه دنانير ........... ولـو طلبناهـم تـرى ماعطونـا

حسرة قليل المال بكفوفهم غير .......... لوهو ذهب يمدي خذوه وخذونـا

الله لايجزى هاك الطالع بخيـر ....... اللـي عليـه بعافيتنـا حسدونـا

تجمعت شرابت الماءعلى البير ......... يحليـل عنـه الجماعـه حدونـا

جونا شتات أصفر تلقفهم الطير ......... بلـوا ياليـت بشرهـم مابلونـا

طاوع معاهم من لقى دهنت السير ........... ولا وش الي سكته يوم جونا

ذقنا على ايديهم هوان المشاوير ......... ضيعهم الله مثـل مـا ضيعونـا

وش صار فينا وش بعد باقي ايصير .......... يافاهمين السالفه فهمونـا

المشكله ياحبنا للمعاذيـر ......... والنـاس وصلـو للقمـر وسبقونـا

دايم نسـوي للخيانـه تباريـر ....... والظاهـر الخايـن طلـع كلبونـا



من ابداعات عبد الرحمن الشمري

 

[Shoomy]

ابدعت يا كلمه
صح لسان كاتبها
وتسلم ايد ناقلها

دينارهم يستنسخونه دنانير --> علموني شلون ؟؟

يعطيك العافيه
تحياتي

 

[كلمـ ولو جبر خاطر ـه]

انا اقولج شومي


اشتريلج سكنر وانسخيه واشتري سرير بالمركزي ترى يمدحونه

 

[Shoomy]

كااااااااااااااااااااااك بدعت يا كلمه
هذا اللي بسويه انشالله

 

[كلمـ ولو جبر خاطر ـه]

تسلمين يا شومي ودوم هالضحكه

 

[frfosha]

شومي وياج جم ربطه ترى العيد ياينا لا تنسين اخيتج ومشكور يا كلمه على هالشعر

 

[Shoomy]

افا عليكم بس
لاتوصون حريصه

راح اسوي حق كل واحد 5000 دينار

جذي زين؟؟

 

[PANADOL_NiGHT]

شاعر الشمرين

 

[زهرة التوليب]

وش صار فينا وش بعد باقي ايصير .......... يافاهمين السالفه فهمونـا
كلام في الصميم

الف شكر على النقل الرائع

يعطيك الف عافيه

 

[ABDULLAH]

يا جماعة لا تظلمون الهوامير ، تراهم يسبحون بروحهم و ما لهم شغل بالسمج الصغار هم شباعى مو محتاجين يشفطون من جيب السمج الصغار
بس إذا إحتاجوا و كان الله بعونهم لما يحتاجون يجبرون الحكومة و يضغطون عليها علشان تساعدهم
يبون مناقصات
يبون مشاريع يستفيدون منها يعطونها لغيرهم بالباطن و يريحون بالهم
ما يخلون المستثمر الأجنبي أو أحد غيرهم من السبيطية أو الشعوم يسوي مشاريع عدلة و هم ما يبون يسوون شي بالبلد إلا ما ندر علشان يخلون الكويت (منطقة محمية من المشاريع و التطوير و العمار)
أحلى أراضي لو أستغلت تحول الدولة إلى جنة دنيا على الأرض بس هم خذوها ليستمتعون فيها بروحهم مثل اللي يقطف وردة علشان يشمها و ما يدري إنه أنهى حياتها علشان أنانيته. و عجيبة لما تشوف هامور يشم وردة
لا خلى الدولة تأجر منه الأرض و لا سوى فيها مشاريع و منتزهات علشان تخف الزحمة عن السالمية و حولي و الفحيحيل و ما عند الناس مانع تدفع حق وناستها بالحلال بدال السفر بكل عطلة فتكون فلوسنا بديرتنا لهواميرنا الكرام لا للهوامير الغرب مقابل خدمات من الهامور المحترم على كل شعم و نويبية في البلد
حفظنا الله و إياكم و أدام علينا الصحة و العافية و نسأله نعمة زوال الجلحة و الملحة و السبخ و العرفج اللي طالع في غيرمكانه لنا حتى في المناطق السكنية و المدرج و أنت بالطيارة بتسافر
و أتمنى إزالة الأنانية و الطبقة البازلتية الموجودة على عقول بعض الهوامير التي تمنعهم و تحرمنا من وجود أماكن و مرافق جيدة يزورنا السايح فيها و تبيض الويه ، و تخلينا نمسك أرضنا و ما تخلي المسافر يتسلف علشان ينحاش من قلة الأماكن.

 

[ABDULLAH]

بس فيه عيب صغير الهامور ، إنه وده هو بروحه يكون هامور و علشان لا يسمن السمج الصغير يحاول يخليه يقلل أكله فبالتالي يزيد عليه سعر المواد الغذائية و المواد الإستهلاكية و الكماليات ، تلقى فرق السعر في بضاعة معينة ( سيارة مثلا) أغلى من مثيلتها بدولة مجاورة بأكثر من 1800 دينار كويتي،تنباع هناك ب 10000 و هني بمواصفات مماثلة تنباع ب 15000
أكثر شيء يمكن يستخدمه , و يستهلكه الهامور هو المصاص اوعود الشرب و يكون إستخدامه مفيد في شفــــــــــــط جيوب الصغار

 

[كلمـ ولو جبر خاطر ـه]

مشكوووووووووورين على المرور وصح بدنكم وشرف لي مروركم

 

[حنان]

صح لسانك مشكور

 

[م.محمد]

يعطيك العافيه وصح لسانك

بس شومي اذا نسختيلج لا تنسيني

 

[engineera]

الله يهني كل انسان وغني ويزيده اكثر من نعيمه يا رب ويزيدنا ويعطينا مثل ماعطاهم والحمدالله لك يا رب على النعمه اللي احنا فيها ويزدنا من نعيمه انشاءالله اللهم اميين

 

[كلمـ ولو جبر خاطر ـه]

صح بدنكم وعسى الله يقبل دعوتج يا انجنيرا ومشكورين على المرور

 

[alaslamy]

ألف شكر لك يا الغالي على المشاركه الرائعه

ويعطيك العافيه

 

[SOS_KW]

سلمت عزيزي على هذه القصيدة التحفة وفعلا لقد ألقاها في اول حلقة من مسابقة شاعر المليون

 

[كلمـ ولو جبر خاطر ـه]

تسلمون يا احبابي وما قصرتوا

 

[MR HANDSOME]

يعطيك العافيه
تحياتي