شنو كان ودك تصير وانت صغير؟

[engineera]

السلام عليكم شلونكم شخباركم


اليوم موضوعنا اهو


شنو كان ودك تصير وانت صغير؟


طبعا انا كان ودي اصير محاميه لوول او طبيبة بيطريه بس لمه كبرت الحمدالله ماصرت ولا وحده فيهم لانه المحاماه عوار راس ومشاكل وانا مالي خلق
وطب البيطري بيكرهني بالحيوانات كلهم مكرم سامع وانا احبهم وماتحمل اشوف دم وسوالف اللي عارفينها الحمدالله والشكر لك يا رب

وسلامتكم

يالله نبي نسمع ردودكم

 

[alqreen]

كنت اتمنا طيار بس مالله كتب

 

[EQUATER-1]

انا كان ودي اصير طيار مدني بس صار الي صار ودشيت في القطاع النفطي والحمدالله على كل حال ومشكوره يامحاميتنا قصدي يامهندستنا

 

[القحطاني]

كنت اتمن اكون

(مخترع او عالم)
لوووووووووووووووووول

ادري خيالي خصب واجد

 

[ماكوشغل]

والله للاسف كنت شرطي ......................
بس لما شفت نسيبي اشلون معاناتة كل دقيفة حجز وربط قلت الحمد الله غدا الشر

 

[ابو فاطمة]

كنت اب اصير مهندس ميكانيكا وابطل كراج خاص واشتغل بايدي
يقولون رزقة الايد احلى
بس .... ماحصل نصيب والطريج تغير ولقيت نفسي موظف بالنفط والحمدلله على كل حال ارزاق

 

[ابو فاطمة]

كنت اتمن اكون

(مخترع او عالم)
لوووووووووووووووووول

ادري خيالي خصب واجد

الله يهديك مالقيت شي اقل .... عالاقل تعطي نفسك فرصه تحقق طموحك موتقتل طموحك بهالرغبة

 

[زهرة التوليب]

كنت اتمنى اصير دكتوره أسنان

بس بعدين غيرت رايي لأني خوافه لووووول

 

[alaslamy]

كنت ابي اصير مهندس

والحمد لله صرت

 

[كلمـ ولو جبر خاطر ـه]

والله والله كان بودي اكون متقاعد لاني احب النوم

 

[Shoomy]

كنت اتمنى اصير جراحه مخ وأعصاب
بس ماصار نصيب

عقبها تمنيت اصير مدرسه
وهم ماصار نصيب

تمنيت اشتغل في بنك
وهم ماصار نصيب

الحين انا هني ... مع انه ماكان حلمي نهائيا


يعطيج العافيه انجنيرا

 

[كلمـ ولو جبر خاطر ـه]

هم زين ما صرتي جراحة مخ شومي


"

 

[frfosha]

كانت امنيتي وانا صغيره وقت ما اكون بالطياره وامر على المصافي اقول حق امي ولا ابوي ابي اشتغل اهني بس ما كنت اعرف طبيعة الشغل ولما كبرت اشتغلت بهالقطاع بالصدفه لانه كنت مقدمه اصلا على كونا ومع مرور الوقت الله قطني بداخل الصفاة والحين اقول يا ليت ما تمنيت

 

[القحطاني]

الله يهديك مالقيت شي اقل .... عالاقل تعطي نفسك فرصه تحقق طموحك موتقتل طموحك بهالرغبة

ولله العضيم هاذي اميتي
ادري صعبه
هههههههههههههههههه


لعلمك كنت اخرب كل جهاز كهربائي عندي ابطله وشوف الي داخله

 

[ABDULLAH]

تمنيت أصير طيار أو هامور خايف الله

 

[The^Queen]

لما كنت صغيره كان ودي يصير عندي جنقر
والا سانشيرو بطل مغوار سانشيروووووووووووو
ودي يصير عندي بطل صغير يتسفط وينحط بالحنطه مثل سانشيرو ويحارب الاشارار
جان اكبر شوي
قلت حق امي يمه بصير طبيبه بس مابي
دم تدرين شلون ابي اصير مدرسه دين لان كل حرف اكسب اجر وابي ادش الجنه
كبرت شوي دخلت ثانوي قلت حق امي ابي اصير مهندسه
لين رابعه ثانوي الامتحانات جان اهون
قررت اصير ربه منززززززززززل مابي ادررررررررس مابي اتعبببببببب مابي اشقا واسهرررررررررررر ابي اقعد ابيتي متهنيه متستته ومرتاحه واحد شايل همي
لين طلعت النسب
قررت اني ادرس نفس تخصص ابوي وانهارت امي لان علي بالها شي مش ولابد
كنت ابي ادرس محاسبه وامي انهارت تقولي تصيرين كاشير بالجمعيه ياحسافه الجامعه اللي بتدشينها من الحين اشتغلي بالفرع (اشتغل بالفرع صغيره بعدين اكبر يعني ابتدي اجيس الاغراض تالي احاسب علي المكينه )
ودرست التخصص اللي ابيه
واشتغلت التخصص اللي مابيهه

وتوته توته خلصت الحدوته
ولاحصلت سانشيرو
ولاجنقر

 

[The^Queen]

اي نسيت اقول هونت عن الهندسه علشان مابي اي صله نهائيا مع الكيميا والفيزيا المواد اللي لي يومككم ماني عارفه شالهدف منهم
كنت اتناجر من مع الابلات شرحولي هالمعادلهه ونسب التكافؤ والتعادل اي بنك يصرفهاااااااااا لييييييييييييي
وقوانين نيوتن اي بنك يخردها؟
جان ادش محاسبه

 

[ABDULLAH]

حدوته حلوة و نتمنى لك التوفيق

 

[حرف]

الله على هالموضوع

ذكرتوني بالطفوله واحلامهاا ... احلا ايام

انا كان حلم طفولــــتي اصـــير ((( رئيس دوله )))

بس الظاهر الحلم صعب شوي

علشان جذى هونت ودخلت الشركه

 

[حنان]

مشكورة انجنيرا على هلموضوع
انا عن نفسي دايم كنت احلم اصير شي ماعرف شقول لج بس اي مكان فية يهال وخضرة بس عاد انتي شوفي لي مهنة