شرطة المرور Hse

[محطات نقابية]

صراحة شي يبط الكبد

صار دور Hse بس مخالفات وتصيد بالعالم . ليش مسرع ليش مورابط حزام الامان . وليش وليش

لا وامس واحد فيهم موقفين مشغل صفارة الاخ مستانس فيها

شكل الربع عندهم عقده نفسيه يبون يصيرون ضباط بالداخلية

حولوهم للداخلية وزعوا عليهم دوريات وفكونا

 

[BG. 1]

هل لقسم Hse الحق بمخالفة الموظفين

 

[محطات نقابية]

طبعا hse مو من حقهم يعطون مخالفات
بس يدوز الى رئيس الفريق انك خالفت باليوم الفلاني . ويحق لرئيس العمل لفت نظرك ( شفهيا ) او كتابيا . واذا تكررت المخالفت تاثر على التقيم السنوي الى غيرها من الاجراءات الادارية

 

[BG. 1]

طبعا hse مو من حقهم يعطون مخالفات
بس يدوز الى رئيس الفريق انك خالفت باليوم الفلاني . ويحق لرئيس العمل لفت نظرك ( شفهيا ) او كتابيا . واذا تكررت المخالفت تاثر على التقيم السنوي الى غيرها من الاجراءات الادارية

الله يستر منهم وخاصة إذا واحد فيه عقدة نفسية

الله يعيين

 

[HUMMER]

والله اخوي هالقسم انا اشوف انه طلع بالشركه من مصلحة الموظف والله قبل الكاميرات وقسم السلامه الناس تدوس بالسياره 200

واللي يستعرض بعد بوابه برقان والحاله حاله بس جذي زين يسوون

 

[محطات نقابية]

صحيح وان المخالفات مالت الكاميرات اثقلت كاهل الموظفين المساكين . كل يوم خاشين السيارات في مكان يا جماعة شنو الهدف زيادة ميزانية الداخلية . او محاولة تغير السلبيات بالقيادة وتخفيف السرعة . بعدين شنو سرعة 80 بالوست .

 

[المشاكس]

ال Hse مو بس هذا شغلهم شغلهم كبير جداً بس المشكلة لو بيطبقون القانون الصحيح بالعمل جان وقف 3/4 الشغل في الحقول إذا مو كل الشغل لأن كل شغل الحقول مافيه سيفتي ... وطبعاً هذا الشي يضر الشركة ... والقسم هذا تم أنشاءه قصب على إداراة الشركة طبعاً حاطينه حق التأمين السنوي ........

 

[جونم جقرم]

يااا جمااعه الخير دورياات ال hse طااايحيله قز بممشي الاحمدي ومن يشووف بناات شغل الصفااره وقااام يفتر الحبيب علي ابو انه شووفوني عندي فلشر (((((((

 

[KOC_747]

على الرغم من مساوئهم وتصرفاتهم الشخصية

ترى هم كان لهم دور ولو بسيط في تقليل نسبة الحوادث لأن سائقين سيارات الكونتراكتز يخافون لما يشوفونهم

وتلقى الواحد فيهم لما يشوف سياره السيفتي يا يدح بريكككككككككككككككك


يا يحذف عليك على طول

هههههههههههههههه

والله المستعان .

 

[op2]

بالعكس قسم الhse زين بحركات المرور والحوادث الي تصير


بس يا غثهم لما يدشون السنتر ويتابعونك ليش مو لابس هلمت ليش ما عندك اتش تو اس دتيكتر


وليش وليش


مايدري شنو شغلك ولا شنو قاعد تسوي بس يتكلم ويتفلسف

ما درا انك قاعد 5 الفجر عشان تلحق على الترانسبورت

ما طلع بعز الحر والشمس تفجر راسك عشان تاخذ سامبل ولا تشغل سي ار يو

بس اداره للفلسفه الزايده


ماعندهم غير بحيره وبط من سوق الطيور وكل يوم جايبين لها زوار


وما يجونك الا اخر الدوام عشان الاوفر تايم

 

[مستكشف]

اول شئ يعطيكم العافيه على هالطرح الممتاز
يا جماعه ترا الكامرات يابت نتيجه ولا بعد نتيجه طيبه الحمد لله خفت الحوادث وخفت السرعه
اما التصرفات الفرديه هذي ادل على اسلوب الشخص نفسه مو على القانون
انا حبيت اضيف لكم او اعطيكم معلومه ان يا جماعه وابيكم تنتبهون لها
في قانون دولي بخصوص الكامرات اللي في الشارع الثابته او المتنقله اللي بالسيارات
لازم ما تنحط كامرا بالشارع الا ويكون قبلها ب500 متر لافته تنبهك ان في كامره امامك
بس للاسف ربعنا في Hse يطبقون القوانين اللي يبونها بس
يالله فيكم الخير انشالله اللي يداومون بالفيدلز تكلموا ولا تسكتون
لازم تنحط لافته قبل الكامرا ب500 متر
على فكره انا مالي شغل في الفيلدز بس هذي معلومات حبيت انبهكم عليها وقواكم الله​

 

[HUMMER]

يعكيكم العافيه على المشاركة وابداء رايكم والاقتراحات بالموضوع

 

[الولدالذهبى]

اول شئ يعطيكم العافيه على هالطرح الممتاز
يا جماعه ترا الكامرات يابت نتيجه ولا بعد نتيجه طيبه الحمد لله خفت الحوادث وخفت السرعه
اما التصرفات الفرديه هذي ادل على اسلوب الشخص نفسه مو على القانون
انا حبيت اضيف لكم او اعطيكم معلومه ان يا جماعه وابيكم تنتبهون لها
في قانون دولي بخصوص الكامرات اللي في الشارع الثابته او المتنقله اللي بالسيارات
لازم ما تنحط كامرا بالشارع الا ويكون قبلها ب500 متر لافته تنبهك ان في كامره امامك
بس للاسف ربعنا في Hse يطبقون القوانين اللي يبونها بس
يالله فيكم الخير انشالله اللي يداومون بالفيدلز تكلموا ولا تسكتون
لازم تنحط لافته قبل الكامرا ب500 متر
على فكره انا مالي شغل في الفيلدز بس هذي معلومات حبيت انبهكم عليها وقواكم الله​

انا معاك بالنقطه هاذى
من ضمن قوانين الداخليه للكاميرات
يجب وضع لافته .. قبل مكان الكاميرا بمسافه
وأذكر أنه أحد نواب السابقين فى مجلس الأمه
طالب بهالشى لكن للأسف هالنائب
طاااااااااااااااااااااااااااار






وبس

 

[ولد الفحيحيل]

عندنا وعندكم خير
مصافي البترول نفس الشي هالشباب الزكرتيه ماعندهم شغل الا تشغيل هالفلشرات والفراره معلق على اكتافه خيطين مسوي فيها ملازم أول ذاك اليوم واحد منحاش بالدوريه وقاعد يقز بشارع المطاعم بالفحيحيل والله عيب

 

[kuwaity001]

والله ما أرد عليهم إذا انا بسيارتي الخااااصه على إيش بيخاالفني فيه مرووور وشرطه شسااالفه ساايبه ولا شنوو