محتار .,,!

[عزوز]

شهر 12 باب التسجيل للتطبيقي اسجل بالتطبيقي او انطر دوره مشغل حقل للعلم عندي واسطه وكل شيء بس مادزوا لي للحين شيء

واذا دزولي وانا سجلت بالتطبيقي شسوي

 

[MindFreak]

اخوي اذا تبي راحه بال كمل دراستك واذا تبي مستقبل مضمون خلك بالنفط..
الناس نوعين ناس تحب تدرس وناس تكره الدراسه وتحب الشغل شوف نفسك من اي نوع واختار.. والله يوفقك

 

[بنت الريحانة]

نصيحة أخت أخوي، سجل بالتطبيقي وكمل دراستك أحسن لك
لاحق عالوظيفة أخوي

الإنسان بشهادته أخوي ..
منها معاشك بيزيد
منها تحصل وظيفة زينة


القرار بالنهاية راجع لك أخوي
بالتوفيق

 

[سايق الخير]

سجل بالتطبيقي و داوم ..وانطر متى تبدي دورة المشغل حقل واذا بدت الدورة وقف قيدك من التطبيقي او اسحب اوراقك وداوم بالدورة... ترا السالفه مو معقده لهدرجه
هذا اذا كنت ما تبي الدراسه

 

[SalimQ8]

داوم بل التطبيقي نفس ماقال اخوي سايق الخير وظبط امورك وذا قبلوك انشاءالله اطلع من التطبيقي وروح لدوره مشغل حقل وبس سلامتك الدعوه سهالات ماهي معقده عشان تفكر وتحتار
وصل صلاه الاستخاره واستخير ربك وربك بيفرجها انشاءالله

 

[Sc0rpio]

كمّل دراستك

الوظيفة موجودة بأي وقت

الدراسة إهي اللي بتريحك بعدين مع شهادة عالية وضعك بالنفط إن شاء الله يكون تمام *​