الزيادة العامة ،، و زيادة الأسعار ..

[Instrument]

عندي موضوع شاغل بالي صارلة فتره ..


و هو اذا أقروا الزيادة العامة لجميع موظفين الحكومه ( هذا الشي اتمناه طبعا ً)


هل تعتقدون إن الأسعار راح تزيد بالديره ؟؟؟؟


هل الوفره المالية راح تقلب المقاييس بالديره ؟؟؟


و انا سمعت حجي قوي بإسقاط فوائد القروض ،، و انا اعقد ان راح يوافقون عليه بنسبة 80 %


هل سوف يفقد الدينار قيمته الشرائيه ؟؟؟


هل يمكن الحكومه التحكم بثبوت الأسعار ؟؟؟


هل هذا سوف يضر بالأسر المتعففه ؟؟؟ و ما ذنبهم ؟؟؟


هذي الإسئلة تدور في بالي ... وايد ...


مثال :

نفرض ان يت زياده حق موظف 150 دينار ،، و اهوا دايما ً يدش الجمعية شهريا ً اب 100 دينار ،،

و بعد غلاء الأسعار ،،، قام يقط 150 دينار ؟؟؟؟؟

هذا بس جمعية ،،،،


شالفايده من الزياده عيل ...




خل نيي حق موضوع العقار


شرايكم بالعقار ،،، راح يثبت ولا راح يشلل ؟؟؟





ملخص مفيد : الزيادة العامة للرواتب لن يستفيد منها الشعب الكويتي إلا بتدخل الحكومه بوضع لجان دائمة لمراقبة أسعار المنتجات ( بشكل عام )


مشكلة العقار ماراح تنحل إلا اذا الحكومة تسارع بإنشاء و اقرار بيوت و أراضي للمواطنين و ب عجاله .



ياريت تشاركوني بالفكر ..

 

[Q8_oil]

كلامك صحيح و لكن للأسف الأسعار بتشب ناااااااااااااار عشان ماكو رقابة

 

[Q8_oil]

إذا وزير التجارة مرة صرح يقول إحنا ما نقدر نقذب الأسعار و لا نتحكم فيها !!

إذا وزير حكومة يقول جذي

 

[Q8_oil]

الملك عبدالله أول ما حكم المملكة زود المعاشات و قال أبي أشوق تاجر رجال واحد يزيد الأسعار

ليش وزير التجارة السعودي قدر يضبط السوق و بضبط الأسعار بالرغم من أن السوق السعودي أكبر من السوق الكويتي من حيث عدد السلع و عدد المستهلكين !!

 

[Instrument]

إذا وزير التجارة مرة صرح يقول إحنا ما نقدر نقذب الأسعار و لا نتحكم فيها !!

إذا وزير حكومة يقول جذي

لوووووو:dوووووول



شوووف دبي اصار فيها ،،،


شبت ناااار ..

 

[Q8_oil]

شبت نار علينا إحنا عشان معاشاتنا بالنسبة لهم قليلة عشان جذي نشوفها نار

 

[Instrument]

الملك عبدالله أول ما حكم المملكة زود المعاشات و قال أبي أشوق تاجر رجال واحد يزيد الأسعار

ليش وزير التجارة السعودي قدر يضبط السوق و بضبط الأسعار بالرغم من أن السوق السعودي أكبر من السوق الكويتي من حيث عدد السلع و عدد المستهلكين !!

حبيبي اهناك الوزير عنده خطة يمشي عليها ..

يعطونه وقت حق الإنجاز ..


و يخلون يشتغل على راحته ..


و هناك يحطون الرجل المناسب بالمكان المناسب ...




مو عندنا ،، من رئيس قسم إلى وزير

 

[Q8_oil]

نفس أوروبا و اليابان لو نروح هناك نقول الله و اكبر بطل ماي صحة بنص دينار و تلاقي الناس معاشاتها أقل شي 2500 و 3000 كويتي

كل شي نسبة و تناسب و كل شي إذا بزيد لازم يكزن هناك خطة معينة

 

[Green Tea]

راح يزيدون الاسعار
والحل بالترشيد

 

[The^Queen]

اييييييييييي منذ مبطي بتزيد الاسعار
اصلا زادت من الحين
روحو السوق وشوفو لو هو ستاربكس زادو سعرهم حسبي الله عليهم
مو بس زادو سعرهم الا فسقو اول كان بدينار و200 صار و 300 الحين و 600 ويوم قلتهم ابي شوكليت سباركل خذو ربع زياده ليش كفرت يوم طلبت شوكليت سباركل!ازيده بعد ربع وخرده اشتريلي علبه نسكويك كامله اتمشي فيها براحتيييي
والملابس لاتعلبيييييييييييييييييق كفايه انا حتا الباجاما اللي كانت ب 3 صارت ب 7 ليييييييييييييش
هذي الزياده بس حجي
منو المستفيد؟ بعد شرايكم !!!!!!!

الاسر المتعفعفه وايد وايد وايد وايد وااااااااااااااااااااااااااايد تاثرت مو شويه الله يستر عليهم ويرزقهم اول نتبرع حق الناس بره الحين قمنا نتبرع للناس داخل وبكثره !!!!!

التضخم وصل اعلاه
لا لجان بتحله ولا اجتماعات بتحله

 

[Q8_oil]

إحنا حكومتنا إهني على كف عفريت عشان يسوون مشروع واحد بس يمر على 3 وزراء

 

[Q8_oil]

لا أستبعد إن التجار أهم إللي قاعدين يقولون للحكومة زودوا الرواتب و عطوهم زيادات و كوادر عشان إحنا نصلخهم بالسعر و الفلوس تجينا

 

[q8security]

يا خوان الاسعار زادت

وكل شي ارتفع

حتى الخبز

وسلملي على حماية المستهلك

 

[Q8_oil]

حماية المستهلك = حماية التجار و الحكومة من طمع الناس

 

[Instrument]

حماية المستهلك = حماية التجار و الحكومة من طمع الناس

اي و الله :d

 

[The^Queen]

الخبز زاد؟ جم صار؟؟ من صجكم؟
عاد ثورات قامت ببعض الشعوب بسبه زياده سعر الخبز

 

[أمني]

في قاعده شرعية تقول لاح!!!!!!!!!!!!!!! مع تجارة واذا طبقت هذه القاعدة لا يوجد ارتفاع اسعار لا بالعقار ولا بغيره وتعيشون احلي عيشه لا وهنية جدا

 

[feed gas]

ياااااااااامعود...تونى متعشى مع العيال فى مطعم فرح...تدرى الفانتا والاسبرايت المتين بجم احسبووه؟؟الواحد ب 150 فلس!! ليش ما ادرى؟؟ من اول وللحين كان نفس الحجم الكبير بس شمعنا هالحين صار ب 150 فلس؟؟؟؟؟؟ عجييييييب والله عجيب

 

[زهرة التوليب]

شي أكيد

احنا من غير ما يزيدون رواتبنا والديره شابه نار
هالدور فيها زيادة !!!

طبعا كل شي بيصير الدبل
وحتى الأجارات راح ترتفع والعقارات بتزيد
والمواد الغذائيه والأسواق وماخفي كان أعظم

 

[Instrument]

الحكومة لا زم تشوف لها صرفه مع هالإرتفاع بالإسعار


لأن الصراحة ،، خلاص ماعاد فينا كلش



الواحد الحين همه و كل تفكيره اب لقمة عيشه



بالله قولي ،، شلون تبي الإبداع في العمل



إذا الموظف كل تفكيره مشغول بالأمور المادية