حياكم الله في مخيمنا

EQ8ER

بـترولـي جـديـد
تم بحمد الله افتتاح مخيم البولي اثلين قسم التعبئه على شرف نائب رئيس نقابة ايكويت / محمد حسن العجمي
وامين السر المساعد / فواز البليس.
في الجليعه طريق 245 شارع النقطه الامنيه

وحياكم الله في اي وقت
:)
 

Contractor1

بـترولـي نشيط
الله يحيكم او ماقصرتوا ياشباب البولي اثلين قسم التعبئه,
ليش اتوقع بعد فترة 12 الي طافت الكل محتاج ان يكسر روتين الدوام (دخانيه>>>>>>اليونيت... دخانيه القسم والي مايدخن الله يعينه ان كان ان سايد ولا اوت ساايد :) ولله او شي جميل انك تجتمع مع ربع الدوام في مكان او جو بعيد عن اجواء الدوام ,يعطيكم العافيه على هل مشروع او عساكم على القوه.
 

اكسفوردي

بـترولـي جـديـد
مبروكين ياالبولي ايثلين ونتمى من جميع الوحدات انهم يحطون مخيم وشكر للنقابه لحضورهم الافتتاح.
 

ايكويتي

بـترولـي جـديـد
هذى فكرة جميلة من الأخ العزيز محمد حسن العجمي وماهي غريبة على ربعنا وزين فكيتونا من مخيم إيكويت الممل اللي لما تروحله لازم تاخذ معاك البروسيجر مال السيفتي مال المخيم (أبي أي شي) لا تلمس حشرة غريبة هههههه مع أني أمانة من أول مخيم لإيكويت إلى هالسنة عمري مارحت لأني أحس أنه فاشل بكل المقاييس والأوزان ومليييق حده وبالنسبةللأخ اكسفوردي اقتراحك حلو بس لو كل الكويتيين يتقاططون ويحطون مخيم إيكويت أعتقد أنه راح يكون أحسن خصوصا للتعارف مع الدفعة السادسة وبجذي نفتك من مخيم إيكويت الماصخ واللي أنا ذكرته بالسيرفي مالهم أكثر من مرة وتحياتي لبو حسن وفواز البليس.
 

العنيد

بـترولـي نشيط
مبروكين الاخوان في قسم التعبئه في البولي إيثلين وفكره ممتازه وموغريبه عليكم لان اللي يعرفكم ,,يعرف عنكم الأخوه والصداقه في العمل وخارج العمل (عيني عليكم بارده)..(اللهم لاحسد),,وبصراحه تستاهلون كل خير,,وبالتوفيق ..
 

EQ8ER

بـترولـي جـديـد
حياهم الله في اي وقت اخوانه الي في القطاع النفطي
بس المخيم للشباب فقط ونرجو المعذره
 
أعلى