دام انه تم تأجيل الزياده ليش ما تفكر النقابات صح ويلغون بدل السكن الى اهو تقريبا 120 دينار كويتي ويدمجونه مع اي بدل ثاني وبعدين الحكومه تعطينا 150 دينار بدل اجار وتزيد معاشاتنا 150 دينار وانشالله الزياده تكون قريبه الزياده مع بدل الاجار يطلع لك مبلغ حلووووووووو هذا الاقتراح لو يفكرون فيه يا انهم يقرونه بعد الكادر علشان زيادة الخير خيرين او قبل الكادر اذا وقفت الحكومه بوقف الكوادر نهائيا وان لم تكن ذئبا اكلتك الذئاب:d
صحيح هالكلام وبدل لا يكون هالتاخير مصيبه نستغله ليكون خيره ومطالبه بالبدلات الثانيه لكن اعتقد ان هالامور بيد المؤسسة من غير الرجوع للديوان
الله يبيض ويهك والله خوش اقتراح ويبيله دراسة ويتقدم على اساس تغيير مسماه من بدل سكن الى اي مسمى يعيد لنا بدل الايجار وهذا شي طيب وعلى قولتك لو اقرة الزيادة راح يكون زيادة الخير خيرين الله يعطيك العافية
مهم... للعلم - معومة مهمة الي يستلم علاوة السكن أقل من 150 دينار يقدر يقدر ياخذ الفرق من بدل الإيجار الي تعطيه الحكومة للمواطنين يعني لو واحد يستلم 120 علاوة السكن من القطاع النفطي - يقدر يروح يطلب الفرق و هو 30 دينار من بدل الإيجار ياجماعة الحاضر يبلغ الغاااايب وايد ناس ما تدري عن الموضووووع و الموضوع صار أمانة عندكم توصلونه للي تعرفونهم
بس اخوي انت الظاهر مافهمت الموضوع تقريبا الكل يعرف الموضوع بس الي يقصده صاحب الموضوع انه نستفيد من ال150 بدل اجار من الحكومه مع ال120 مالت الشركه يعني فرق 150 مو 30 واذا مانفعت نروح نقدم على ال30 الفرق هم نعمه
صحيح هالكلام ... بس على منو؟ الشركة معطيتك هالبدل علشان تفتك من جزء زيادة السنوية الي تعطيك اياه على الأساسي ...علشان جذي ماحطته على االأساسي... خلته بدل بروحه وبنفس الوقت مصيدة للموظفين الجدد ... كل واحد فيهم يقول زييييييين يعطونا بدل إيجار على منو ... هذولا اهم الذياب يبه
من ناحية الفلوس الكل مفتح 100% ، وأي ثغرة يقدرون يدخلون منها عشان يخصمون عليك ما يقصرون .. فما بالك في الاقتراح اللي اقترحته عبالك يمشي عليهم لأ طبعا وأنا اللي أستغربله انهم يقصون نص الراتب في اجازة الأمومة .. وهذا بصراحة أعتبره أخذ فلوس من غير وجه حق لأنه الشركة تدفع للموظف بس الراتب الأساسي وبدل الطريق وبدل طبيعة عمل والباقي الحكومة اللي تدفعه للمواطن .. فما أدري على أي أساس يقصون من الراتب نصه يا ريت أحد يوضحلي .. وشكرا
