الكادر و الخبير الدولي

[Q8_oil]

السلام عليكم​

كلنا شاهدنا بالآزنة الأخيرة أن معظم موظفي الدولة أخذوا مبالغ مالية تحت مسمى " كادر " بحيث إن البعض إعتقد بأن الكادر هو علاوة حالها حال العلاوة الإجتماعية أو بدل إيجار يعني لازم تنزل لكل موظف كويتي ...

و الجهات إللي حصلت على الكوادر كثيرة و منها :

التطبيقي - الجامعة - هيئة الصناعة - القوى العاملة ( إعادة الهيكلة ) - البنك المركزي - المدرسين

و في بعض الجهات زودوا فيها الرواتب كالداخلية و الدفاع و الجيش

و نقولهم تستاهلون هالكوادر و تستاهلون هالفلوس و ‘ن شاء تصرفونها بالعافية

و لكن ...

ألف جهة خذت كادر و الخبير الدولي ما قال شي عن التضخم و الزيادة ليش نطق حبيبنا لما جاء دور النفط ؟؟

و بعدين البنك الدولي ما قال شي للحكومة عن تضخم أسعار العقار فيها ؟؟

و لا عن أسعار المواد الإستهلاكية إللي بعضها زاد 100% و 150% بخلال 3 سنين فقط ؟؟

و لا عن المستوى الصحي و التعليمي و الديرة ما فيها تخطيط للإسكان و مشاريع البلدية كلها مؤجلة ؟؟

بالفعل صدفة غريبة !!

 

[فيصل العجمي]

والله وانا اخوك حنا خابرين وعارفين
لكن عاد هذي أوامر سامية
لكن نتمنى ان شاءالله ان تتم اعادة النظر في زيادتنا

 

[نفطي1]

الله يعطيكم العافيه على المواضيع الرائعه

 

[Q8_oil]

والله وانا اخوك حنا خابرين وعارفين
لكن عاد هذي أوامر سامية
لكن نتمنى ان شاءالله ان تتم اعادة النظر في زيادتنا

الله يفرجها علينا إن شاء الله

 

[Q8_oil]

الله يعطيكم العافيه على المواضيع الرائعه

حياك الله و بالعكس إحنا إهني بالمنتدى عشان نفيد و نستفيد

 

[shayib80]

السلام عليكم​

وو لكن ...

ألف جهة خذت كادر و الخبير الدولي ما قال شي عن التضخم و الزيادة ليش نطق حبيبنا لما جاء دور النفط ؟؟



!!

إضراب الطيران المدني مدته 6 ساعات والي انذكر بالجرايد حجي
كان سمو الأمير في رحلة إجتماع إلى أوبك بالرياض
في لحظة الوصل تم الإضراب والله اعلم


من الطبيعي جدا أن يغضب سمو الأمير على هذه الفوضى الي حصلت عند قدومه إلى ارض الوطن ، الخبر من مصدر يعمل بالمطار.

لكن انا ما أتوقع ان لحظة غضب ممكن انها تأثر إلى هذه الدرجة ، ان يشمل كل الكوادر والزيادات المقرره ...بالدولة خصوصا بعد كل الدراسات والمباحثات التي تمت وانا اتوقع ان يبي يشمل الكل تحت مظلة الزيادات ...إنشالله

 

[بلبل عنقريزي]

عندهم خبر بكل اللي ذكرته مهندسنا

بس وانا اخوك وصلوا مرحلة عادي ايزي مايحسون


مت ضحك قبل شوي لما قريت بالجرايد الزياده والعيديه 25 % هههههههههه

قلتها لكم بمواضيع ثانيه مايتقارنون ربعنا اللي هني واهل الامارات
يعني وضحت الزياده بحدود الخمسين
وعلى فكره اقروا هالنسبه قبل الخبير
والله ضحك على عقول البشر

 

[Q8_oil]

و الله المسألة صارت مهزلة و إللي يشوفنا يقول هذيلا قاعدين يطرون

 

[المهندس]

عندهم خبر بكل اللي ذكرته مهندسنا

بس وانا اخوك وصلوا مرحلة عادي ايزي مايحسون


مت ضحك قبل شوي لما قريت بالجرايد الزياده والعيديه 25 % هههههههههه

قلتها لكم بمواضيع ثانيه مايتقارنون ربعنا اللي هني واهل الامارات
يعني وضحت الزياده بحدود الخمسين
وعلى فكره اقروا هالنسبه قبل الخبير
والله ضحك على عقول البشر

ههههههههههههههههههه ديرتنا ذبحنا فيها الحسد - شوف منو حاطين على ديوان الخدمه وراح تعرف - يبون ناس فوق وناس تحت - وقلناها من قبل - الخبير الدولي حطين له خطوط حمرا يعني تحصيل حاصل - ويا حلاتها لو يكسر فيهم الخبير الدولي ويصير شريف ويطلع النسبه الصح - في الثمانينات قالو الخبراء الدوليين انه الكويتي المفروض ياخذ معاش 6000 دينار اذا ذاكرين
--

خل نتفائل

 

[q8security]

والله وانا اخوك حنا خابرين وعارفين
لكن عاد هذي أوامر سامية
لكن نتمنى ان شاءالله ان تتم اعادة النظر في زيادتنا

ربك يعدلها وبتنفرج باذن الله
بس نبي إخوانا يوحدون صفوفهم
ويقابلون سمو رئيس الوزراء

 

[المهندس]

ومسوين مناشده وحاطين شعار - فضحتوووووووووووووووووووونا-

 

[Q8_oil]

أخاف هذا الإعلان بسوي شي انا أقول لو بفلوس الإعلان هذا إمسوين عزيمة أبرك

 

[عامل]

الخبير ما صدق ... ولوو صدق ما نطق ...

ممكن اعرف كم يدخل في ميزانية الدوله كل يوم من قطاع النفط فقط ...

 

[Planning]

وإذا عرفت شنو راح تستفيد على العموم أنتاج النفط الكويتي مسموح له مليونين برميل يوميا والكويت قاعده تنتج مليون وثمانمئه يعني تضربهم بسعر النفط الكويتي ولي وصل ل90دولار تقريبن أكثر من 153000000 وعليك الحساب لو بتشيل منهم مصاريف التشغيل يعني أنت تتكلم فوق 150مليون دولار وبما أنا سعر الدولار نازل راح يكون السعر بالدينار 41100000 يعني معدل أكثر من واحد وأربعين مليون دينار كويتي