ماذا بعد لقاء العليم وزير النفط

[ali]

تم الاجتماع اليوم مع وزير النفط السيد محمد العليم مع رؤساء النقابات وبعدها تم الاجتماع مع الاتحاد البترول للاسف وخرجوا الاخوان من الاجتماع حيث ابدى الوزير تفائله للزياده وقال لهم مافيه شى الابعد شهر2 والسؤال ليش النقابات ما طلبت دخول الاتحاد معها وتشتيت الصف وضعف المطالبه علما ان الاتحاد تم ابلاغه مع رؤساءالنقابات امس ويلزم يكون فيه تنسيق بين الطرفين مهما كانت الخلافات بينهم وهذا للعلم

 

[ابو فاطمة]

تم الاجتماع اليوم مع وزير النفط السيد محمد العليم مع رؤساء النقابات وبعدها تم الاجتماع مع الاتحاد البترول للاسف وخرجوا الاخوان من الاجتماع حيث ابدى الوزير تفائله للزياده وقال لهم مافيه شى الابعد شهر2 والسؤال ليش النقابات ما طلبت دخول الاتحاد معها وتشتيت الصف وضعف المطالبه علما ان الاتحاد تم ابلاغه مع رؤساءالنقابات امس ويلزم يكون فيه تنسيق بين الطرفين مهما كانت الخلافات بينهم وهذا للعلم

للاسف الخلاف بينهم ماحلوه حتى بهالموضوع .. بس نعتمد على وقفة النقابات مع بعض وعزم الاتحاد ونشوف

 

[redrose]

مضبطين الأمور بينهم

 

[زهرة التوليب]

بعد اللقاء

راح نرد على سوالف الطراره ونشوف المناشدات تارسه الجرايد

 

[أميرة الرقه والذوق]

مانقدر نقول أي شي الا بعد كلام الناس المصرح بها

لين الحين الكلام اللي قاعد ينذكر مجرد آراء أشخاص وكل شخص سامع مادري من وين ويقول مع احترامي للجميع

حسب علمي الاتحاد بعدهم مع الوزير

لكن ننتظر شنو صار معاهم بالأول ويصير خير

 

[Export_Doc's]

مو قايلكم حليب و بقصم و سوالف و الضحك ليه بره

 

[ali]

الاتحاد طلع قبل ربع ساعه واخذ العلم

 

[Kuwaite]

كان متوقع هالرد من الوزير ............ والشرها على هالنقابات اللي فشلتنا وخربت سمعت نقاباتنا اللي طافت

 

[جابر]

بالمنطق ..الوزير مايقدر يعطيك شى ... منعه عنك سمو الأمير....
النقاش كان مفروض يكون مع سمو الأمير .....
الواضح إنهم سيعودون بخفى حنين .

إلا إذا كان الوزير ..بلغ معلومه مؤكده للنقابات بالحفاظ على سرية اللى دار بينهم .
لأن أى وعد رسمى بتنفيذ مطالبنا أو تلميح على إنها راح تنفذ ، راح يزيد من وتيرة التهديد بالإضراب من جميع قطاعات الدوله ...

يعنى .. نصبر لشهر فبراير .. الله كريييييييييييييييييييييييييييم

 

[حرف]

انا ماادرى الناس ليش تذم النقابه


يبه هذا مابيدينهم شى لو المشكله مع الوزير والا رئيس مجلس الوزاراء راح يكون موقف النقابه قوي وتحذيري

بس السالفه اكبر من الوزير ورئيس مجلس الوزراء الموضوع عند سمو الامير

 

[ابومحمد]

والله اذا تمينا جذي اجل لا طبنا ولا غدا الشر

يا جماعة ترا اذا ما توحدنا وصار صفنا واحد وكلمتنا وحدة......ولا ترا في النهاية كلنا خسرانين (اتحاد ونقابات وعمال).
اللهم وحد صفوفنا واجمع كلمتنا......آآمين

 

[LaRambla]

مو قايلكم حليب و بقصم و سوالف و الضحك ليه بره

وسنيكرز وبربيكان ولما تفك ما حتسك

 

[shayib80]

بعد اللقاء

راح نرد على سوالف الطراره ونشوف المناشدات تارسه الجرايد

إي والله بنرد على الطراره

 

[LaRambla]

قتلكم ماكو شي قبل شهر 2 وهالاجتماعات كلها كلام فاضي