سؤال محرج للجميع هل أنت راض عن مسؤولك ؟؟؟ ولماذا ؟؟

هل أنت راض عن مسؤؤلك ؟؟؟ هل أنتي راضية عن مسؤؤلك؟؟؟

  • راضي أو ( راضية ) نعم وأتمنى أن يبقى مسؤولي دائما

    الأصوات: 8 36.4%
  • غير راضي عنه وأتمنى أن يتغير

    الأصوات: 14 63.6%

  • مجموع المصوتين
    22
  • الاستطلاع مغلق .

سالم الخالدي

رئيس اللجنة الإعلامية
فريق الإعلام
السلام عليكم ورحمة الله


أدري ان الموضوع حساس شوي لكن لابد من المواجهة بكل أدب واحترام وهذا ما نطمحه في هذا المنتدى

كثيرا ما سمعنا عيوب الموظفين

هذا ينام - هذا يتأخر- هذه غير متعاونة - هذا يأخذ مرضيات -هذه ما تشتغل-

ودائما الهجوم على الموظفين المساكين


ايش رايكم تكون هذه المرةالأقلام موجهة على المسؤؤلين

والسؤال هنا هل أنت راض عن مسؤؤلك ؟؟؟؟؟؟ هل أنتي راضية عن المسؤؤل ؟؟؟


واذا كان الجواب بنعم أو لا يرجى ذكر السبب


فتعالوا بنا
نقيم المسوؤلين تقييم عدل بس ياليت يكون التقييم بكل حيادية

وكل أمانة مع ذكر السبب حتى يكون مرجع لكل مسؤؤل ويعرف ماهي السلبيات التي يكرهها الموظفين فيه

فيحاول تعديلها
 

الغالية

بـترولـي خـاص
انا احترم مسؤولي .. لأنه رجل كبير بالسن وأقدم مني بالشغل

لكنني غير راضيه عنه أبداً .. للأسباب التالية :

1- لا يعرف ماهية شغلي .. يعني لو يصير اي خلل مايعرف يتصرف مع العلم انه صار له بنفس الإدراة اكثر من 30 سنه .

2- الحمدلله حاشمه نفسي عن الناس عشان جذيه ماعندي استئذنات وايد .. ولا عندي مرضيات إلا بالشديد القوي ... بمجرد ما صار لي حادث وعطوني مرضيه 3 اسابيع .. تغيرت النفسيه علي ..!!!

3- اذا اضطريت للاستئذان .. يحسسني كأني طالبة مدرسة !!

4- اذا بطلع إجازة .. ويكون توقيعه على ورقة الإجازة وعنده خبر من قبل التيم ليدر .. ما يطلب مني اسلم شغلي لأحد بالمره.. بس قبل لا أداوم بكم يوم .. يسلمون الشغل لناس تخربه وتعفسه علي ... يالله المستعان !!

5- يعامل الأجانب معاملة أحسن من معاملتي (مع العلم انه اجنبي) .. !!!

شكرا لإثارة الموضوع .. مع العلم اني ما اتحامل على الأجانب لكن .. للاسف يحبون انه الواحد يعطيهم برستيج المسئولين!!
 

PIC

بـترولـي نشيط جدا
والله مو عاجبني

مسئولي مسكين وضعيف وماعنده شخصية ولا له كلمة وللأسف كذاب وما يواجه

والله متوهقين فيه
 

سالم الخالدي

رئيس اللجنة الإعلامية
فريق الإعلام
أحسنتي أختنا ( الغالية ) على هذه الصراحة

اذن نستفيد أن بعض المسؤولين لا يعرف شغل الموظفين اللي تحته .

ياليت أختنا توضحين معنى طالبة مدرسة ؟؟؟

في 3- اذا اضطريت للاستئذان .. يحسسني كأني طالبة مدرسة !!


ايضا أن بعض المسؤولين الأجانب يميز الأجانب ويبخس حق الكويتيين


منتظرين المشاركة من باقي الأخوة والأخوات
 

سالم الخالدي

رئيس اللجنة الإعلامية
فريق الإعلام
والله مو عاجبني

مسئولي مسكين وضعيف وماعنده شخصية ولا له كلمة وللأسف كذاب وما يواجه

والله متوهقين فيه



فائدة أخرى أن بعض المسوؤؤلين ضعيف الشخصية ولا يملك قرار ويحاول التملص من الموظفين


ما قصرت أخونا PIC
 

الغالية

بـترولـي خـاص
الواحد لما يستأذن يعطي خبر لمسؤوله انه بيطلع لسبب من الأسباب
ولما قلت طالبة مدرسة ... لانه يحسسني إني اطلب منه الإذن .. مو مجرد تبليغ !!
يعني يتنرفز .. وينافخ .. ويكلمني من طرف خشمه !!
عشان جذيه .. صرت اتعامل معاه بالإيميل ... وازيدك .. الحبيب صار يحذفه من غير ما يقراه !!!

مثل ما قلت .. المسألة مجرد برستيج وبس !!
 

سالم الخالدي

رئيس اللجنة الإعلامية
فريق الإعلام
ياليت اخواننا المسؤولين يتذكرون حديث النبي عليه السلام


انه قال: «اللهم من ولي من أمر أمتي شيئاً فشق عليهم فشقق عليه، ومن ولي من أمر أمتي شيئاً فرفق بهم فأرفق به» رواه مسلم



وين الرفق بالناس
 

KOC_747

بـترولـي نشيط
الوسام صبحك الله بالخير
والجميع

المسؤول باعتقادي الكل وده انه يكون متفهم و مراعي الموظفين اللي تحته

بس يأخي بعضهم على باله إنه دايم بهالمكان وما راح ينشال بيوم من الأيام ، وتلقاه مثل ما قالت الإخت المحترمة يبي يسوي حق نفسه برستيج وبس ، والمشكله لا جاك واحد وليش ما سويت جذيه وليش ما سويت ذاك ومنو معاك ومداوم ولا لا ويروح يسألك عن شغله على أبو إنه عارفها واللي يسأل عنه ماله علاقة باللي كان يأشر عليه

خلها على الله
وبالنسبة حقي صرت مع المسائيل على قولتهم رسمي
والجواب على قد السؤال على ما قيل


وشكراُ على تميزك بالمواضيع أخوي الخالدي.
 
التعديل الأخير بواسطة المشرف:

BG. 1

موقوف
حسب ما أشوف المسئول من تيم ليدر وفوق بالنسبة لقسمي ودي يتغير وينقفونه لانهم ما يدرون وين الله قاطهم

اما اللي تحتهم أشوه شوي منهم
 

المشاكس

بـترولـي خـاص
أعضاء الشرف
ياليت يتم تحديد المسؤول .... في بعض الوظائف مسؤولينهم المباشرين متغيرين دائما .... مثل ألي بالحقول .... ويكون مسؤوله المباشر الثابت من تيم ليدر وفوق .... فهل يتم التقييم من التيم ليدر ....؟
 

MAB12

بـترولـي مميز
اكثر شي اكره بالمسؤولين المزاجيه .... مرات يكون متضايق برى العمل ولما يداوم على طول يفرغ في الناس اللي حواليه بالعمل ومرات يحسسك بمعاملته ايام الدراسه تسئتذن بكل شي كأنك مراقب واذا كلفك بشغل تلقاه يحوم على راسك يحسسك بتوتر وكانك مو قد الشي اللي كلفك فيه

وبعض المسؤولين والله من يطلع اجازه نتضايق يكون محبوب من الجميع
 

سالم الخالدي

رئيس اللجنة الإعلامية
فريق الإعلام
ياليت يتم تحديد المسؤول .... في بعض الوظائف مسؤولينهم المباشرين متغيرين دائما .... مثل ألي بالحقول .... ويكون مسؤوله المباشر الثابت من تيم ليدر وفوق .... فهل يتم التقييم من التيم ليدر ....؟

تحديد المسؤول يرجع لك ... أنت اكتب أعلم بحال مسؤولك وعلى هذا فسر



سواء كان تيم ليدر أو


suctionhead

أو أعلى
 

dehen_3ood

بـترولـي خـاص
أعضاء الشرف
الحمدالله انا راضية كل الرضا عن مسئولي
قبل ان يكون مسئول فهو إنسان محترم خلوق متدين ويعرف شلون يتعامل مع الموظفة
يقدر الظروف ويحرجك بتعامله وأسلوبه
وهالشي ينعكس عليك فيخليك تنتج أكثر وتحب الشغل أكثر
وأتمنى الصراحة إن الله لا يغير عليه ولا يتغير علي ويظل رئيسي على طول
يعطي كل ذي حقٍ حقه وعلى قد شغلك يعطيك وما يقصر معاك
الكل يبيه ويحبون ينتقلون عنده !!
جان زين في منه وايد بالشركة جان احنا بخير !!
 

المشاكس

بـترولـي خـاص
أعضاء الشرف
اولاً قبل لاتكلم عن مسؤولي أبي أبين شي معهم

الإدارة فن ودراسة يعني مو كل واحد صار مسؤول يقدر يدير ألي تحته ..... لهذا السبب نشوف أكثر المسؤولين مايعرفون يديرون الموظفين ألي تحتهم ....

بالنسبة لي أعتبر مسؤولي المباشر المشرف .... وللأسف كنا من أحسن مايكون بس صار علينا هالمشرف قلب كيان الشغل فوق تحت وصار مزاج الموظفين بالحضيض .... وأفهم يا فهيم
 

سالم الخالدي

رئيس اللجنة الإعلامية
فريق الإعلام
اولاً قبل لاتكلم عن مسؤولي أبي أبين شي معهم

الإدارة فن ودراسة يعني مو كل واحد صار مسؤول يقدر يدير ألي تحته ..... لهذا السبب نشوف أكثر المسؤولين مايعرفون يديرون الموظفين ألي تحتهم ....

بالنسبة لي أعتبر مسؤولي المباشر المشرف .... وللأسف كنا من أحسن مايكون بس صار علينا هالمشرف قلب كيان الشغل فوق تحت وصار مزاج الموظفين بالحضيض .... وأفهم يا فهيم

ممكن توضح أكثر أخوي المشاكس ودنا نبتعد عن الألغاز

ودنا نكون صريحين حتى يتفهم اخواننا المسؤولين نظرتنا عنهم وعيوبهم


والهدف من الموضوع علاج نقاط الضعف عند المسؤول
 

Future man

بـترولـي نشيط جدا
الحمد لله أنا مسؤولي ونعم كفو مو محسسنا إنه مسؤول من كثر ماهو متواضع حسينا إنه أخ كبير لنا الله لا يغير علينا إنشاء الله

أختي الغالية الحين مسؤولج إذا قرأ هذا الموضوع راح يعرفج :) لأنج ذكرتي إنه صار له 30 سنه في نفس الإدارة وإنج طلعتي إجازة مرضية 3 أسابيع
ههههههههه لا تخافين أتغشمر

;)
 

المشاكس

بـترولـي خـاص
أعضاء الشرف
الأخ الخالدي .... كلامي واضح
المفروض أي موظف يستلم مسؤولية على موظفين يدخلونه كورس عن كيفيفة التعامل مع الموظفين أي مايسمى بفن الإداراة حتى يستطيع إداراة من هم تحته
 
أعلى