فلتعيش السفاهه

[بلبل عنقريزي]

السلام عليكم

صباحكم ومساكم ورد وكادي


قصيده خفيفه لطيفه تتكلم عن اوضاع الوقت
ولحد يروح تفكيره بعيد انا اتكلم بوجه عام باسلوب مبسط



الوقت هذا وقت مظهر وديكـور
وبعض الرتوش الزوم فن الوجاهه

اكبر غلط لاقلت راضي ومستور
تافه وكلماتك تزيدك تفاهـه

مثَل وحاول ياغبي واتقن الدور
حتى الغني تقدر تثير انتباهه

اشتر وبيع وبوق واشهد على الزور
وخل الشرف ياصاحبي في نقاهه

لاتتخذ عفوا على حساب مشكور
واقبل على الدنيا بنفس وشراهه

خلك من البيبان واطمر من السور
الناس ميزتها تحب المتاهه

لاتصير طيب تملك احساس وشعور
ولاترتبط باسم الشرف والنزاهه

خلك اسد لو داخلك قلب عصفور
وردد معايه فلتعيش السفاهه