فتيات يتغيبن عن منازلهن

[حنان]

السلام عليكم


حبيت اكتب هالموضوع بعد ما قريت عنه في كذا جريدة وكذا مجلة وأنها ظاهرة منتشرة بكل مكان وخاصة بين البنات

تقرون مرات بالجرايد فتاة تخرج من بيت ذويها ولم تعد
فتاة تغيب عن بيت ذويها لمدة يومان
فتاة اختطفت من منزل ذويها

وايد تسمعون أو تقرون عن هالمشكلة الي قام تتكاثر يوم عن يووم

باعتقادتكم شنو السبب اللي البنت تطلع من بيت اهلها بدون علمهم؟

هل تعتقدون انه هالمشكلة لها أسباب ام انها مو مهتمين فيها ولا يسألون عنها


ألحين بمجتمعنا البنت ماخذه حريتها وايد وبالذات بالصيف يكون عندها وقت فراغ طويل فتستقل هالاشياء بشي مو زين لها وبدون مراقبة الأهل
يكون الابو مشغول والام مشغوله بالمناسبات والاخوان مسافرين او ما يدرون عنها فتبحث عن وسيلة ثانية اتسليها فتطلع من البيت واي شخص اتشوفه جدامها يقص عليها وعيال الحرام وايد ..
البنت ألحين تطلع لي نص الليل وما ترد البيت ترد مع شروق الشمس ومرات ثاني يوم والاهل نايمين على اساس والله بنتهم نايمه مايدرون انها مو بالبيت أساسا ثاني يوم ما يحصلونها ينصدمون يدقون محد يرد رجعت البنت البيت والله كنت عند رفيجتي وراحت علي نومه لا والله واهلج ما يدرون
والمشكلة الأهل يصدقوون والله ثقة
واذا البنت ابوها وامها مفصولين اعتقد ما ترد البيت تقول محد يسأل فيني ليش أرد البيت انا ما أعمم على الكل طبعا اقول البعض لان البنات صنفين الشين والزين..

موضوع طويل أدري لو ودي اكتب لي باجر بس ببحط كذا سؤال وأبيكم تردون عليهم واحترم كل وجهات النظر


كيف انتشرت هذه الظاهرة بمجتمعنا؟


وما الأسباب التي تدفع الفتاة الخروج من منزل ذويها؟

كيف لها أن توفر المادة للعيش؟

 

[كلمـ ولو جبر خاطر ـه]

مشوره على الموضوع وانا اتوقع سبب هالشي هو القنوات الفضائيه والاهمال من الاسره


والله يعلم

 

[frfosha]

والله برايي أنه مو التربيه ولا الاهل اللي يلعبون دور بحيات هالبنت لا بالعكس ياما انشوف اهل ملتزمين وتربيتهم لللابناء او للبنات احسن التربيه بس بصراحه اللي يخرب بهالوقت الرفجه السيئه وكل وحده تتعلم شي من الثانيه والمشكله الحين قامت تتبطل عيونهم حتى بالمدارس وكل وحده اتشجع الثانيه على العمل السيء سواء ان كان التدخين او التمرد او عصيان طاعة الوالدين والاخوان وهذا كلله من بعض اصحاب السو وعسى الله يحفظ بناتنا ويحميهم من كل مكروه اللهم امين

 

[حنان]

مشوره على الموضوع وانا اتوقع سبب هالشي هو القنوات الفضائيه والاهمال من الاسره


والله يعلم

اهلين اخوي , مشكور على المرور والله اهمال الاهل اهو السبب ليشنة هالبنات لازم في واحد يراقبهم ويسألهم عن كل شي

 

[حنان]

والله برايي أنه مو التربيه ولا الاهل اللي يلعبون دور بحيات هالبنت لا بالعكس ياما انشوف اهل ملتزمين وتربيتهم لللابناء او للبنات احسن التربيه بس بصراحه اللي يخرب بهالوقت الرفجه السيئه وكل وحده تتعلم شي من الثانيه والمشكله الحين قامت تتبطل عيونهم حتى بالمدارس وكل وحده اتشجع الثانيه على العمل السيء سواء ان كان التدخين او التمرد او عصيان طاعة الوالدين والاخوان وهذا كلله من بعض اصحاب السو وعسى الله يحفظ بناتنا ويحميهم من كل مكروه اللهم امين

والله صاجة فرفوشة بس تدرين الاهل لهم دور كبير ليشنة لو في من يراقب ويسأل ويشدد على هذيلا البنات جان ما صار هالشي كله , بيكون خوفها من اهلها يمنعها انها تسوي اي شي وبتخاف تطلع وجذية

مشكورة فرفوشة على الرد والمشاركة

 

[م.محمد]

والله كل شي يعتمد على تربيه الاهل

 

[النزغة]

مشكورة حنان و انا بعد اقول وين اهلهم عنهم ا...هما الاساس في كل شي

 

[ABDULLAH]

الأهل ، الرفقة السيئة ، و موضوع مترابط و مهم : الحاجة المادية
عندما تكون الأسرة ميسورة الحال و تربيتها لأبنائها سليمة و متابعة لهم و لهن ، ينشأ جيل صالح ، و إذا كانت الأسرة محتاجة و طلبات العيال بالحسرة فهنا قد فنحت الأبواب التالية : المخدرات ، الإدمان ، الشذوذ ، الإنحراف ، الإجرام و النصب و الإحتيال و هلم جرا

" لو كان الفقر رجلا لقتلته "

 

[حنان]

والله كل شي يعتمد على تربيه الاهل

والله يااخوي محمد اهو تربية الاهل عامل مهم وايد واساسي بس في اشياء ثانية تأثر على هالبنات خصوصا احنا الحين بزمن غير عن قبل يوم كانت البنت ما تطلع الا بحزات معينة وللضرورة , وحتن رفيجاتها يأثرون, التلفزيون والانفتاح الفضائي وكل شي , كل هلاشياء اثرت على البنات والشباب وغيرت مفاهيم وايد
مشكور على المشاركة

 

[حنان]

الأهل ، الرفقة السيئة ، و موضوع مترابط و مهم : الحاجة المادية
عندما تكون الأسرة ميسورة الحال و تربيتها لأبنائها سليمة و متابعة لهم و لهن ، ينشأ جيل صالح ، و إذا كانت الأسرة محتاجة و طلبات العيال بالحسرة فهنا قد فنحت الأبواب التالية : المخدرات ، الإدمان ، الشذوذ ، الإنحراف ، الإجرام و النصب و الإحتيال و هلم جرا

" لو كان الفقر رجلا لقتلته "

كلامك صحيح , ورايك سديد والله حياك الله اخوي عبدالله ومشكور على المشاركة

 

[حنان]

مشكورة حنان و انا بعد اقول وين اهلهم عنهم ا...هما الاساس في كل شي

حياك الله اخوي

 

[المنصور]

موضوع التغيب عن المنزل.. موضوع متشعب ويرجع لعدة عوامل ومنها الوازع الديني اذا كان ضعيف عند الانسان فـ يصير سهل الانقياد للأمور والأفعال الخاطئة واللي ما يرضاها لا الشرع ولا العادات والتقاليد ، خصوصًا بالنسبة لنا كمجتمع محافظ​

 

[07_unit]

وينهم ما اشوفهم وين القاهم علشان انصحم ماينحاشون من بيتهم هيهيهيهيهيهيهيهيهيهيهيهيه

 

[engineera]

المدرسه الاولى في الحياة الاهل والرقابه ..اذا مافي تربيه ومافي رقابه اكيد هالظاهرة بنتشر ..الام لاهيه مع رفيجات ولا بالسوق ولا بالدوام ولا نايمه ..والاب مايدري عن شي ..والاخوان لاهيين وان احد كلم البنت زفها او عاقبها مافي توجيه..ولو كل مرة تمسك بنتها وترفجها قبل لا تحاسبها ولو كل اخو يجابل اخته ويقعد يسولف معاها ويضحك معاها ويطلع خواته ويجابلهم ويفهمهم الصح من الغلط لو في شويه رقابه وسؤال وين رايحه وين يايه ومنو رفيجاتج ومنو فلان ومنو علان..جان ماوصل الوضع الى هالحال البنت لمه تكون تحت رقابه وتوجيه مستمر وفي اهل يسألون لا رفقه السوء بتأثر ولا احد بيأثر فيها ليش لان الاهل في علم باستمرار على اخر التطورات في حياة بنتهم..الرقابه مع لين والحزم وبالتفاهم هذا اللي يبقى وهذا اللي ينفع بس وين اللي يسمع وين اللي يتعض !!مافي تطبيق مع الاسف ..في هالزمن الكل يركض ورى الفلوس والمظاهر

 

[حنان]

مشكورين على المشاركة