تكفوووووون يا أعضاء المنتدى المحترمين أبي فزعتكم

[بوناصر7]

أولا أحب أرحب بجميع الأعضاء في هذا المنتدى الطيب ، هذي أول مشاركة لي وأبي فزعتكم
الموضوع باختصار :

مقدم من شهر 7 اللي طاف في شركة الصناعات الكيماوية pic من ضمن المهندسين أصحاب الخبرة وعندي باكر اختبار التوظيف التخصصية في المكتب الرئيسي للشركة .

بس المشكلة اللي آنا فيها ان ما ادري شنو طبيعة الاسئلة ،تكفوووووووووون ابيكم تفيدوني

وجزاكم الله الف خير

 

[بوناصر7]

أتمنى ان احصل رد على الموضوع اللي كتبته لكم

ولكم جزيل الشكر والعرفان

 

[بوناصر7]

افا بس افا كل هالمشاهدات ولا حتى الله يرفقك

 

[Workers]

الله يوفقك اخوي بوناصر
يمكن لأنك كاتب الموضوع مو بمكانه الصحيح انا نقلته للتوظيف
وإن شاء الله يفيدونك الاخوان اللي سبق وقدمو إختبار تخصصات ..

 

[المحارب الجديد]

شنو تخصصك؟........بس بعطيك بعض الأسئله العامه اللي قد يسئلونك ايا ها

1- تكلم عن نفسك.....لا تكثر...اذكر الشياء المهمه..والزينه....وشنو طبيعة عملك.....لا تجذب

2-ليش مقدم عندنا؟.......لأني ابحث عن فرصه افضل...وخبره جديده....وشفت أنه وظيفتكم ملائمه لي..ومنطبقه....وعندي الرغبه الكبيره في المساهمه وخدمة الشركه...وأكتساب الخبره...لأرضاء طموحي

3-الراتب.....الراتب مهم...بس مو أهم شيء....هناك اولويات...وأنا راح استلم الراتب من عندكم...بناء على الجهد اللي راح ابذله...والراتب راح يتحسن مع مرور الوقت...بناء على جهدي المبذول...وتقييم المسؤلين لي....

شلون تقدر تفيد شركتنا....وشنو الشياء اللي ممكن تقدمها.......الخبره موجوده عندي...كل ما احتاجه....هو التعرف على الموقع..وعلى الناس اللي وياي.....وراح أنطلق في الوظيفه....لأني ارى انها مناسبه لي...وارى في نفسي أني مؤهل بدرجه كبيره لها.........أنا أنسان طموع...وعندي اهداف....وعندي مهارات وخبره طيبه....راح تنعكس ايجابيا على أداي في شركتكم.........

أخوي انا عطيتك...اسئله عامه...عادتا يسؤلونها في المقابلات....لتقييم شخصية المتقدم....المشكله ما اعرف تخصصك.....بس ركز على..أنك متابع للتكنولجيا الجديده....ودايما تبحث..عن معلومات في تخصصك.......واذكر لهم بعض النشرات..أو المجلات الهندسيه اللي أطلعت عليها..........يمكن يسئلونك...هل شاركت في مشاريع..أو فرق عمل......مره ثانيه...لا تجذب.......اذكر المشاريع...وورش العمل اللي شاركت فيها.............هذي خلاصه............والله يوفقك.....والموضوع سهالات....كلهم ناس نفسك.......خلك هادي.....واقعد عدل على الكرسي....حط موبايلك صامت...لا تتبسم كثير...الا اذا أبتسموا.........مادري شقلوك بعد...........قبل لا تروح لهم...مر اقرب مطعم هندي......وارقعلك جباتي وجاي حليب....وأكثر من الدعاء....والله يوفقك يا الغالي..