يا جماعه خبر جديد ومهمممممممم

الخبر صحيح

 

والله ما عندنا فكره عن هالخبر وبعدين أتوقع مثل هذا القرار يكون بتعميم رسمي المفروض

 

مايحتاج تعميم ولا شي لانه شي رسمي وهو الالتزام بساعات العمل وكان المفروض من زمان يطبق بس كانو يتساهلون بهالشي من باب العرف وان الشغله ماتسوى مادامك تقوم بشغلك فعيب يحاسبونك على كل دقيقه تأخير او استأذان

بس الحين لانه ماعندهم شغل قالوا نطبق

وانا عن نفسي كلمني مسؤولي وقالي ادير بالي على الحضور والانصراف ولازم الاستأذان يكون رسمي لانهم (على كلامه) راح يطبقون نظام الخصم


وسلامتكم

 

نعم صحيح


ومباركه النقابه الله يطول في عمرها


بعدين يقولون متى ومنو قالك

الكل يدري يا نقابتنا يله خلنا نشوف ليش ظبق هالقانون


انا عندي الجواب بس ما ابي اقوله


ولكم ودي

 

العزيز fq8i سوف يتم التاكد من هذا الخبر وسيتم بأذن الله معالجته

متى الخصخصة يالغالي خل عنك الامور الانتخابية وشيل عباءة الاختباء خلف الاسماء المستعارة وانا وياك في المنتدى ولتكن مناظره ليعلم القراء الكرام واعضاء الجمعية العمومية باننا ليس لدينا ما نخفيه عنهم اما انت اخي الكريم فاعتقد لديك الكثير الكثير لتخفيه صار ولا ما صار اتمنى تتخذ القرار

تقبل تحياتي وتقديري ولا تخفي شي

 

الهدف تفعيل نظام الحضور والإنصراف والعمل الإضافي والإستئذان
لأن أحيانا لا تعكس عدد الساعات الإجمالية التزام أو عدم التزام الموظف لاسباب عديدة
لكن من حق الإدارة تفعيل هذا النظام ومراقبة تنفيذه
أنقول في الآخر إذا محد نفذ من الممكن أن يتم الخصم علطول بتجميع عدد الساعات

 

شخبااااااااااااااااااااااااااااااااااري
من زمااااااااااااااااااان يخصمووووووووووووووووووون مو توووووووووووهم !!!!!

 

نعم صحيح الخصم جاري ومطبق بالشركة
لكن اللي قاعدين يتكلمون عنه انه يتم علطول دون الرجوع إلى أحد

 

يامعودين بروحه نفسياتنا تعبانه والله موناقصين

 

انا من شركه ثانيه
والخصم عندنا تلقائي
وعندنا ناس تحولت تحقيق علي 3 دقايق

 

الموضوع بسيط للغايه ...
أحضر للعمل في وقت أبتداء العمل وغادر في وقت أنتهاء العمل ...
وبالنسبه للخصم المتعلق بالدقائق وتجميعها ... تتم من قبل المسؤول المباشر لك ... اذا تم أرسال له تنبيه بغيابك او تأخيرك عن العمل والتعقيب عليه من الذي أعلى منه مرتبه .... يعني بالكويتي اذا حطو العين عليك بيخصمون الدقايق والا فلا .

وأغلب الظن في الأمر كله هو السيطره على سير العمل ... فمتى حدث التسيب شُد على الحبل ومتى ضُبط العمل تم التساهل .

هذا تصوري عن الموضوع وأتمنى أني جانبت الصواب .

 

يا جماعة انتو كلكم عبالكم انه هذا نظام جديد .. نعم جديد علينا كلنا ما عدا الدائرة التي كانت تابعة لمها ملا حسين عندما كانت عضو منتدب
قبل أن تصبح الرئيس.. فقد كان همها الوحيد هو مراقبة دخول وخروج الموظفين أكثر من ا لانتاجية ..

وأول ما حصلت الأخت مها على الرئاسة قامت بالطلب من العلاقات الصناعية بأن تزودها بجميع أوقات دخول وخروج الموظفين حتى لو كان الموظف مستأذن رسميا من مديره .. ومديره موافق .. لماذا ؟؟ لا أدري

المشكلة أن كل رئيس يصل للمنصب يعتقد أنها شركته الخاصة ويبدأ حياته العملية بها بتعسف وقهر الموظف المسكين بدل من كلمات التشجيع كبادرة للمنصب الجديد

والله المستعان

 

للأسف أن شركتنا شاطرين علينا بس بالخصومات وتاركين موظفين المقاول والشركات الثانية الي يداومون عندنا يلعبون ومايداومون

 

ليش ماتحبون تعيشون الواقع أنتم في شركة مقبله علا خصخصه

توقعوا تكون طردتكم ببببببببببيزه

أحتراماتي

 

حبيت اشارك برايي بالنسبة لموضوع الخصم

انا صار لي بالشركة 10 سنين ودائرة تقنية المعلومات من زمان ومديرها يجمع الدقايق (حضور متأخر وانصراف اثناء ساعات العمل دون الرجوع وكذلك انصراف مبكر ) ويقعد يجابل الالة الحاسبة ويجمع ويطرح وينزل خصم .. الشهور اللي طافت فاحت ريحة الخبر إللي عجب الادارة العليا والوسطي واتفقوا على تطبيقة دون مبالاه بالتزامات وظروف اي موظف

واحب افيدكم ان التفنيش شغال هلايام والخبر عند العلاقات الصناعية

 

انا أ أيدك الراي صج عمال المقاول قاعدين يلعبون بايدهم وريلهم وآخر الشهر مافي خصم وفوقه يعطيك العافية

 

ياريت يكون تلقائي
عشان الواحد مايحس انه مظلوم دائرته غير عادلة وهالشي ينعكس على التزامه بالعمل وانجازة ... عشان بعدها يودونه لجنة متدنيي الانتاجية اللي غيروا اسمها الحين سموها لجنة رفع الاداء مادري شنو..... وبالاخير اللوم دايما طايح على راس الموظف المسكين

 

Sos_kw الكلام صحيح 100%

والدليل المستندات المطلوبة بايدي وجاري مراجعتها بحكم ان نهاية الشهر قربت ولازم يتسكر كل شي يخص شهر 11 قبل 1/12/2007 وارساله للمعني ...

 

يالطيف .... يامنجي من المهالك يارب