هل تتضايق من تأخير بديلك عليك المتكرر ؟؟؟

هل تتضايق من تأخير بديلك عليك ؟؟؟

  • نعم أتضايق ويزعجني هذا التأخير وبشدة ؟؟؟؟؟؟؟

    الأصوات: 12 50.0%
  • أحيانا أتضايق ؟؟؟؟؟؟؟؟؟؟

    الأصوات: 7 29.2%
  • لا أتضايق أبدا من التأخير المتكرر بل نحن زملاء ؟؟؟؟؟؟؟

    الأصوات: 5 20.8%

  • مجموع المصوتين
    24
  • الاستطلاع مغلق .

سالم الخالدي

رئيس اللجنة الإعلامية
فريق الإعلام
السلام عليكم ورحمة الله


الى جميع الاخوة الذين يعملون بنظام الورديات فعلا مسألة حساسة كثير وكثير مننا يتضايق منها




لكن البعض يضحك على نفسه ويقول حنا ربع لما يجيك صاحبك كل يوم متأخر خمسة أو عشر دقائق بل بعض

عديمي الاحساس ربع ساعة

وفوق هذا نضحك على نفسنا ونقول حنا ربع لو ربع صحيح يجيك بدري مو يتأخر عليك


فيا اليتنا يا شباب نتناقش في هالموضوع ونحاول قدر الامكان نصل الى حل للمشكلة وهل هي مشكلة عامة



في جميع المصافي ونظام الورديات في الشركة أم هي في مصفاة واحدة أو مختبر أو قسم واحد


أم هي على الحميع


وأشكر كل من شارك في الموضوع مقدما
 
التعديل الأخير:

الهارف

بـترولـي جـديـد
يعطيك العافيه اخوي الوسام على هالموضوع فعلاً التأخير مشكله في بعض الشفتات أو عند بعض الموظفين
وكثرة التأخير عند هؤلاء الموظفين اصبحت عاده سيئه مادري اهو عدم احترام ولا الانسان هذا موحاسبلك احساب
وبالاول والاخير احنا نتعاون معاهم بس انت حاول بيوم تتأخر
على هالشخص تلقى اول واحد يروح يشتكي عليك اهو يعني جزاء الاحسان اهو النكران بس الحل مع هذا الشخص
تعاون معاه اول شي واعمل بأصلك وبتربتك وتقيدرك بس اذا اصبحت عاده عنده ابدى سجل عليه ساعات وشوووف باجر اذا
يجيك مبجر ولا لا وشكراً










ملاحظه : شغله ترفع الضغط انت تكرف 8 ساعات واهو ابو الشباب مو حاسبلك اي احساب ولا محترمك
 
التعديل الأخير بواسطة المشرف:

عبدالله العصيمي

صــحــفــي
أعضاء الشرف
أخوي الوسام موضوع التأخير على زميلك أمر غير مستبعد ويحدث لبعض الأمور التي تعترض الشخص ، ولكن لايكون قاعدة يسير عليها هذا الزميل ، وأيضاً إذا تأخر في يوم من الأيام عليك ربع ساعة المفروض أنه يجيك في اليوم التالي مبكر ربع ساعة أو أكثر ..

وصوّت على استفتاءك بأتضايق أحياناً

تحياتي
 
التعديل الأخير بواسطة المشرف:

yaqoub banyan

بـترولـي نشيط
في حالة الوضع الطبيعي احد يتاخر ولاكن يعتذر او يكون عندة ظرف ويطلب بطريقة حلوى يمكن انشيل عنة ام اذا في بعض اكرر بعض
عبالهم يشتغلون شركت ابوهم مادري ليش ولمن تهدد تقول اني راح اطلب منك ساعة وثنتي اوفر تايم بكل استهزاء يقولك اطلب
اهني الواحد يرتفع ضغطة صج
 

سالم الخالدي

رئيس اللجنة الإعلامية
فريق الإعلام
حنا نتكلم أخوي الحبيب عن بعض الناس اللي ما عندهم احساس


والله أعرف ناس يوميا تأخير

يعني عادة عنده


هذا هو المقصود وكثيرين هم

بل البعض بعد التأخير حتى ما يعتذر وكأن الأمر طبيعي جدا
 
التعديل الأخير:

Operator

بـترولـي نشيط
التاخير صفه سيئه جدا ًً وهي تحدث في اي مكان لانه البني ادم تحدث عنده ضروف
لابد ان يتاخر في احد الايام على زميله ولكن الكلمه الطيبه تنسيك هذا التاخير
ولاكن جميعنا يعرفون الاشخاص اذا كانو من النوع الي يتاخر لو يصل بدري
ومن وجهة نطري ان جميع من يتاخر يعوض تاخيره منها حتى يضبط نفسه من التاخير
ومنها يعطي زملائه حقهم

اشكركم على هذا الوضوع
 

HUMMER

بـترولـي خـاص
اكيد يضايق انت ماتصدق يخلص دوامك عشان ترتاح ولا وبعد الله يكون بعونك عالدرب اذا كنت مثلا بالمناطق الداخليه

بس هم لازم تكون شوي وسيع صدر

ومردوده
 

shayib80

بـترولـي نشيط جدا
التأخير

العلة ان مايقول لك بتأخر
او يتأخر اكثر من اللازم ويكون في شغل اول الدوام واهوا يدري ليتهرب
 

MAB-OLD-REFINARY

بـترولـي جـديـد
الصراحه اعطيييه مهله يوووم يووميين ثلاثة ايام اربع ايام مو مشكله بس بعدها اخذ ساعه اوفر تايم منه و اللي يبي ايسويه ايسويه و كل يوم ساعه لما يتعدل و يمشي سييييييده لانه اليهال ما ينعطوون ويه عدل ؟؟ و شكرااااااااااااا
 

Waluigi

بـترولـي مميز
موضوع جيد

التاخير اسبابه و تعريفاته

ظروف خارجه عن الاراده

ظروف عائليه

تعطل المركبه

ناسي تصريحي

يهذر بالتلفون في الباركنج

قاعد بالمخيم يشيش دقايق و اجيك

مالخ خلق يجي الدوام وجنها سك

تعددت الظروف و التاخير واحد

اعرف عن منو تتاخر جرب تاخر عنه مره مرتين وشوف يردها ويجي مبكر او على التايم او متخر بعد لا سجل عليه وداوم اوفرتايم هذا مايستحي

و الي يردها وزيادة كل مرة هذا يستاهل

و من وجه نظري المتواضعة ترى الدعوه سهالات بس لاتزيد كلنا ربع و اخوان و زملاء ونشوف بعضنا اكثر من اهلنا و بنقعد 20 سنه او 30 شلون بنشتغل مع بعض اذا ما ريحنا بعض وشكرا
 
أعلى