اي سؤال عن الرواتب والمحاسبه هنا....

[Clever Accountant]

في البداية هذا الموضوع مساعدة لاخوي K.O.C
وذلك في الاجابه على جميع الاسئله المتعلقه بالرواتب و المحاسبة

 

[kuwaiti_965]

جزاك الله خير

جزاك الله خير وما قصرت
فعلا اخوي حنا بحاجتك حاجة ماسة فكثير من الاستفسارات والاسئلة كانت حولالمحاسبة وماكان في احد يقدر يرد عليها

فاهلا بك اخ عزيز وغالي

 

[ملح المقوع]

يعطيك العافيه اخوي عندي استفسار

اللي يداوم شفت في رمضان كيف يحسب له الاوفر تايم.

يعني دوام العاملين في السناتر شفتات هل يحسب لنا كل يوم ساعتين في رمضان؟

نرجوا التوضيح طال عمرك

 

[adel]

متي ينزل الترفل تايم حق المارين وكيفه تحسب

 

[إعلامي قديم]

بالنسبة للبدل إيجار للموظفين 159 للقريد 11

لأي قريد يتعدى فوق 300

 

[norema-sarto]

أناقريدي 12 هل يحق لي بدل إيجاز ؟؟ وجم ؟؟

 

[شبابي]

السلام عليكم

الله يعطييك العافيه ..

حبيت اسأل اذا الواحد توظف بالمؤسسة الرئيسية بالشويخ او بالمبنى الرئيسي بالاحمدي ..

وشهادته مهندس يحمل خبرة سنتين بالحكومة وعلى الدرجة الثالثة .. شلون راح يكون وضعه المالي ؟!

يعني راتبه وامتيازاته .. وشنو الي يفرق عن الحقول والشركات الثانيه .!!

يعني جم تفرق قيمة بدل طبيعة عمل + بدل طريق ؟

وهل مهندسين المؤسسة بالشويخ او بالاحمدي لهم مميزات معينه ؟


وبارك الله فيك

 

[skipper]

يعطيك العافيه بالنسبه حق الترافيل تايم للمارين متى

 

[جونم جقرم]

اللـه يعطيـك العافيـة عزيزي الفـاضل

ويــُــثبـت الموضوع لتعـم الفائـدة علي الجميــع

 

[Clever Accountant]

بسم الله الرحمن الرحيم

ومشكورين على الكلام الحلو

بالنسبه الى ملح المقوع : كم ساعه شفتك ؟؟
واي نظام من الشفتات ؟؟ وسؤوافيك بالاجابه انشاء الله


adel: لم يتم تحديده الى الان

اعلامي قديم : راح يزيد بعد قريد 13 وعندها تستحق منحه وتعادل قيمتها 150 دك زياده على 159 ولكن مسماها غير housing grant


FINDI: كل الشركه تستحق بدل الايجار لكن منحه السكن هذي تاخذها عند قريد 13 وتعادل 150
وقبالك ال 13


شبابي : بالنسبه الى شهادك وخبرتك انا ما اعرف عن التوظيف للاسف ولكن الحين بعد ما تدخلت ال KPC بجميع الشركات كل الموظفين نفس المعاشات بمى معنى ان في مهندس KOC واذا فيه مهندس بال KNPC او PIC هنا الرواتب متساويه
والفرق بالمكان الي تنحط فيه شركة ال KOC
طبعا عندها اماكن عديده فيها وهذا ما يميزها
لكن المهم عند المحاسب على اي قريد بالتوظف واي مكان بالتوظف عشان اعرف بدل طبيعه عمل وبدل طريق


SKIPPER : لم يتم الاعلام عنه

وسامحوني اذا فيه بدليات


لنتواصل.....

 

[الشطي]

يعطيك العافيه اخوي على هالمجهود وما تقصر

بالنسبه حق سؤال اخوي ملح المقوع .. مثلا احنا انداوم شفتات بالسناتر وانداوم نظام ال 12 ساعه وداومنا في شهر رمضان جم تنحسب لنا في كل زام ساعتين ولا بس في النهار ...؟؟؟ وتقريبا جم تنحسب على قريد 9 للفورمن .؟؟؟

 

[Clever Accountant]

اهلا بالشطي : طال عمرك تنحسب في كل يوم تداومه ينحب لك ساعتين اوفر تايم
يعني 12 ساعه باليوم 10 ساعات عاديه والساعتين الباقيه اوفر تايم



تعليق (( كل الي يداوم شفتات ما يطلع اجازه برمضان ليش؟؟
اكيد يبون الاجر و الثواب )) غشمره

 

[امرؤ القيس]

السلام عليكم

بغيت اسأل

جم اهي مقدار الزيادة السنوية للراتب الاساسي

يعني قريد 12 جم اهي الزيادة على الاساسي كل سنة على فرض انها ما راح قريد 13

 

[روعه]

السلام عليكم

بغيت أسأل عن منحة السكن ،شروطها و مستحقينها خاصة للموظفات؟

مع الشكر الجزيل

 

[Clever Accountant]

اهلا يا امرؤ القيس : الزياده السنويه تعتمد على sop يعني انها مو ثابته
مثال( اذا واحد خذا جيد جدا يعطونه 40 دك والسنه الي وراها خذا جيد يعطونه 30 )
الارقام مجرد مثال لانهم بالاساس يعطون نسب 30% او 60%



مرحبا يا روعه : بالنسبه لشروط منحه السكن هذي تلقينها بشعبه السكن بالشركه واذا تبين مكانهم اقولج وين
بس الي اعرفه انه لازم قريد 13 وما فوق وقيمتها 150


وشكرا...

 

[s.s.123]

الســـــــــلام عليكم

انا معاي شهادة دبلوم ادارة
كم يصير راتبي التقريبي ؟؟؟


وشكـــــرا

 

[s.s.123]

وعفوا.....
اتعين على اي قريـــد ؟؟؟؟؟؟؟؟

 

[Clever Accountant]

يا مرحبا يا s.s.123 : تتعين على قريد 8 ومعاشك تقريبا 760 تقريبا وليس الاكيد

 

[سالم الخالدي]

باسمي وباسم ادارة منتدى القطاع النفطي نتقدم بجزيل الشكر للأخ


clever Accountant


مع تمنياتنا له بالتوفيق في الجابة على زملائنا في نفط الكويت

 

[Clever Accountant]

تسلم يا سالم الخالدي

ومشكور على الدعم المعنوي والنفسي

تعليق (( بزيد راتبك يا سالم الخالدي هذا الشهر )) غشمره

وشكرا...