تابعوا نقابة مؤسسة البترول الكويتية في قناة الوطن في برنامج تو الليل الساعه 10:30 مساء اليوم الثلاثاء بذمتكم في نقابة سوت هالشي او تحركت ولا بس تصاريح اشكركم يا نقابة المؤسسة
كل الي باللقاء رئيس الجمعية الطبية + رئيس نقابة العاملين بالخطوط + نقابة مؤسسة البترول الكويتية يلمحون ان فيه شخص ورا الغاء الزياده منو توقعون هالشخص
كانت مقابلة ناجحة و معبرة عن ما في النفوس بس يا ريت لو كان فيه شخص يمثل لنا وجهة نظر الحكومة على الاقل عشان نعرف شنو بالضبط يدور ببالهم و نسمع رايهم.
الدكتور الفضلي كان يلمح عن جريدة الوطن لانها نشرت رواتب الاطباء قبل الزياده و نفى صحة هالكلام .. لإنه كان مثل التحريض !! و طبعا تلفزيون الوطن و جريدة الوطن واحد .. و لطشو المستشار العربي الله يعطيه الصحه !! ياهل كيف شخص واحد .. يقوم بدراسة و تمحيص القطاعات الثلاثه واستحقاقية الكوادر ..الخ !! وافتكر انه دكتور مصري اذا ماني غلطانه ! الديره مافيهاش رجاله ولا ايه يا جدعان !!
وصلنا خبر مفاده ان السيد/ براك الصبيح - رئيس مجلس ادارة مؤسسة الخطوط الجوية الكويتيه ، قدم استقالته ظهر اليوم الى مكتب وزير المواصلات وتم رفعها الى سمو رئيس الوزراء والسبب هو عدم اعتماد الزياده التي وعد بها الصبيح موظفي الخطوط الكويتيه .. الخبر من فيصل الكندري http://www.q8ow.com/vb/showthread.php?t=2357
والله نقابه المؤسسه من انجح النقابات صراحتا الله يعطيهم الف عافيه ان شاءالله والصبيح ريال يعجبني واتمنى باقي الناس تصير مثله وشكرا
مشكور على النقل يا فواح ... وهذا الرابط اللى تعهد فيه قبل فتره بالاستقاله اذا لم يتم الصرف في نوفمبر . واللى تقدم بها فعلا اليوم الظهر http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=332153
والله هذى النقابه ولا بلاش مو الى عندنا اعتصام وونطر واقوال ونقابه نايمه بالمشاكل بين عيال عم ومشكله كرسي (اللهم لا شماته) تحياتي واعجابي لنقابه المؤسسه الى يقودها رجال
واللي قاعدين على كراسيهم عندنا ليش ما يستقيلون ويسون مثله !! والا وايد هامهم الكرسي اكثر من مصلحة القطاع النفطي ؟؟
والله بصراحة خوش مقابلة وخوش كلام إنقال وأنا أشيد بكلام الأخ العزيز عبدالوهاب الكندري اللي بصراحة قال كلام طيب وخاصة لما شرح تدرج إقرار الموافقات واعتماد الزيادة من مؤسسة البترول ولغاية مجلس الخدمة المدنية ولحين وصولها لمجلس الوزراء اللي تعلقها في النهاية يعطيهم الف عافية والله
بصراحه الأخوان إلي تكلمو كلهم والنعم فيهم وأسلوب طرحهم كان وايد عملي وغير متعصب وبطريقة وصلو فيها إلي الكل بوده يقوله بصوره كبيرة مع أنه المقاطعاة كانت كثير خصوصا من الفنان محمد المنصور وعملية الطنازة إلي قام فيها عقب لما سوى لقاء مع بشار عبدالله وبدر المطوع يوم قال حقبشار ليش ما تسون أعتصام وله أضراب أتمنا أشكار الأخوان في نقابة المؤسسة على ما قامو فيه بالأمس
هذه تكملة لعبة جريدة وقناة الوطن قتل القتيل ومشى بجنازته بعد ما ثاروا الأمة على الناس اللي حاشتها الزيادات الحين مسوين روحهم دور المساندين ويبون روؤساء النقابات تتكلم حتى وقت ماعطوهم يادوب الواحد يقول له كلمة الله يعينهم ويعطيهم الف عافية
