ماهو السيناريو بعد رفض الزيادة ؟؟؟

بوسلمان

بـترولـي نشيط جدا
ممكن نعرف شنو التوقعات اللى راح تقوم فيها الحكومة بعد هذا الرفض الشامل للكوادر ؟؟؟



هل راح يعطون 100 أو 50 دينار وينسون الكوادر؟


ممكن تشاركون بالتوقعات؟؟​
 

نفطي متحمس

بـترولـي نشيط


بو ناصر طال عمره ما يقصر بناشده و بيوافق ان شاء الله و الامل موجود بالله ثم بالامير اطال الله عمره و رئيس الوزراء و انا متفاءل بانها مجرد مناورة سياسية مؤقتة :)

 

Element_X

بـترولـي نشيط جدا
يا جماعه احنا يرفضون زيادتنا والداخليه بيوم وليله تم زيادتهم 120 دينار ؟؟؟
 

المهندس

بـترولـي خـاص
يا جماعه اذا ذاكرين في الثيمانينات لمن يا الخبير مادري الالماني مادري ياباني وقال شعب الكويت المفروض يستلم معاش لا يقل عن 6000 دينار وقالووله انت ما تفهم وخشو الدراسه !!!! اذا مو ذاكرين سألوا فيها شيبانكم :) - الدراسه الحاليه مافيها شي بالنص - يا انه يزيدون معاشاتنا ثلاث اضعاف او انه ولا شي يعطونا :) اذا صار ثلاث اضعاف الحكومه ما راح توافق واذا نسبه قليله راح تستانس الحكومه وتقطها على الخبير الدولي (اللي من زمان متفقين معاه - مو محايد ترا) - المهم اذا كانت الزياده قليله شنو راح يصير على زيادتنا!!!؟ وهل بعد الزياده راح تلغى الكوادر اللي في نفس التخصص!!!؟

توقعاتي ما راح تكون فيالمستوى المطلوب ! وما راح تنتهي شهر اثنين!! ولو فرضنا جدلا انتهت شهر اثنين سوف تقر شهر 7 او 9 ....

الله يعينكم :)
 

Jassem-76

بـترولـي نشيط
ابي اشتغل بالامارات- اببببببببببببببببببببيييييييييييييييييييييييييييي​
 

بوسلمان

بـترولـي نشيط جدا
بصراحة ماتصور انة بيقرون نفس جدول الزيادات اللى كان مع انه شبعوه دراسة وتمحيص وفوق تحت ليما رسوا علية

اذا فية دراسة جديدة شكله بينقصون منة من قلب
 

ALSERHAN

بـترولـي نشيط جدا
بصراحة ماتصور انة بيقرون نفس جدول الزيادات اللى كان مع انه شبعوه دراسة وتمحيص وفوق تحت ليما رسوا علية

اذا فية دراسة جديدة شكله بينقصون منة من قلب


إي والله أتوقع بس يمسحون السطر إلي تحت الجدول إللي مكتوب فيه علاوة الأطفال زادوها ل7 ومن 50 دينار صارت 75

يوفرون يمكن محّد يدري
 

jajs04

بـترولـي نشيط جدا
أعتقد إن البنك الدولي لو يقدم دراسة فعلية النتيجة ما راح تعجب الحكومة
لأن الرواتب الحالية شحيحة بالنسبة حق مدخول الدولة وسعر البترول الحالي مع تعداد المواطنين
المفروض انطوف رواتب قطر والإمارات الي مدخولها واقف على الغاز والرسوم المفروضة على القطاع الخاص
هذي وجهة نظري الخاصة ولا شرايكم؟
 

Q8_oil

بـترولـي خـاص
إللي يشوفونه لصالحهم يقولون هذا من البنك الدولي و لازم نلتزم فيه و إللي يشوفونه ضدهم يخشونه أو كلش يقولون هذه سياسة داخلية و محد يتدخل فيها !!
 
أعلى