إقتراح توزيع أسهم شركة إيكويت

[إضغطني أكثر]

قوة
إشلونكم؟
عندي إقتراح
و ودي نقابة إيكويت تتابع معاي


إقتراحي هو توزيع نسبة من أسهم شركة إيكويت على جميع الموظفين في الشركة مثل ما جميع الشركات البترولية الخاصة العالمية قاعده تسوي بين فتره و فتره (بدون ذكر اسامي)

ليش الشركة توزع اسهم على الموظفين؟

لزيادة ولاء الموظفين للشركة فغير معقول شركة

-صارلها 10 سنين (العمر كله إنشاءالله)
-و احسن مصنع في الكويت (مبروك إيكويت)
-و شركة عالمية (تشرف الكويت في المؤتمرات و المحافل الدولية)
-و مقبلة على توسع راح يضاعف الارباح بشكل خيالي و يدخل الشركة في اسواق عالمية كانت مجرد حلم للشركة

ما توزع أسهم على الموظفين بعد كل هذا النجاح الباهر

 

[ايكويتي]

أخوي اضغطني أكثر آنا معاك مع هالفكرة الحلوة خصوصا أن فيه كثير من الناس ومن الموضفين ممكن طافهم الإكتتاب بشركة بوبيان والقرين للبتروكيماويات وأحب أظيف لمعلوماتك أن الشركة تمثل أحسن شركة بالخليج إذا مو بالشرق الأوسط بتتبع قواعد ولوائح السلامة الصناعية وهذا شئ مشرف للغاية وياليتهم يوزعون بشكل سوي للأسهم على الموضفين

 

[EQUATER-1]

والله ياجماعه خوش اقتراح وراح نطرحه لكم عن طريق النقابه وان شاءالله يوافقون عليه ولك جزيل الشكر على الموضوع الجميل.

 

[Contractor1]

السلام عليكم,,

تحياتي اضغطني الفكره عجيبه ولله او تستاهل المحاوله,ولله يستاهلون ربعنه والشركه ما وصلت لي هالنجاح اله بجهود موظفينها
جووود يا اضغطني ايسويها البخت... لحد ينسانه لو كل واحد على سهم

 

[EQUATER-1]

قوة
إشلونكم؟
عندي إقتراح
و ودي نقابة إيكويت تتابع معاي


إقتراحي هو توزيع نسبة من أسهم شركة إيكويت على جميع الموظفين في الشركة مثل ما جميع الشركات البترولية الخاصة العالمية قاعده تسوي بين فتره و فتره (بدون ذكر اسامي)

ليش الشركة توزع اسهم على الموظفين؟

لزيادة ولاء الموظفين للشركة فغير معقول شركة

-صارلها 10 سنين (العمر كله إنشاءالله)
-و احسن مصنع في الكويت (مبروك إيكويت)
-و شركة عالمية (تشرف الكويت في المؤتمرات و المحافل الدولية)
-و مقبلة على توسع راح يضاعف الارباح بشكل خيالي و يدخل الشركة في اسواق عالمية كانت مجرد حلم للشركة

ما توزع أسهم على الموظفين بعد كل هذا النجاح الباهر

بالاشاره لموضوعك هذا الاخوان في المجلس السابق وعلى عهد الرئيس الزميل حمد الدلماني قامو مشكورين بمخاطبة الشركه ومخاطبة السيده مها ملا حسين الرئيس التنفيذي لPIC وكان الرد كالاتي: لايمكن اعطاء الموظفين اسهم لانها مملوكه لأشخاص وعن طريق الاكتتاب العام منذ بداية الشركه عن طريق شركة بوبيان للبتروكيماويات وللعلم ان فقط 10% من الشركه هو المتداول بالبورصه. و45% شركة الPIC و45% لشركة DOW ولك ياطويل العمر كل الشكر. مجلس ادارة نقابة ايكويت للبتروكيماويات

 

[ايكويتي]

مشكور إيكويتر1 بس ضايقتنا بهالرد لكن ليش لا ليش مانحاول مرة ثانية.

 

[EQUATER-1]

مشكور إيكويتر1 بس ضايقتنا بهالرد لكن ليش لا ليش مانحاول مرة ثانية.[/QU

افا عليك نحاول مره وثنتين وثلاث وعشرين بعد ولا تزعل ياطويل العمر وانا اوعدك انا راح نطرح الموضوع مره ثانيه.

 

[العنيد]

مشكور إيكويتر1 بس ضايقتنا بهالرد لكن ليش لا ليش مانحاول مرة ثانية.[/QU

افا عليك نحاول مره وثنتين وثلاث وعشرين بعد ولا تزعل ياطويل العمر وانا اوعدك انا راح نطرح الموضوع مره ثانيه.

والله فكره جدا ممتازه من اخونا اضغطني اكثر,,وبصراحه هالافكار تحتاج اللي يتبناهاااااااااااا..

 

[مطرقة]

السلام عليكم

ما مصير هذا الاقتراح الجميل؟