اول "الشغل الصح".. بين نقابة المؤسسة ومجلس الامه

[فيصل الكندري]

وصلنى هذا المسج في الساعه 10:31 صباحا ... طازه من نقابة المؤسسة :

كما وعدناكم ... نقابتكم تستهل اولى خطوات حشد التأييد .


مجلس الامة يوافق على تخصيص ساعتين لمناقشة زيادة القطاع النفطي تحت باب "ما يستجد من الاعمال" والحكومه تستخدم حقها الدستوري لتأجيل المناقشه اسبوعين.


مع تحيات نقابة العاملين بمؤسسة البترول الكويتيه

 

[old days]

تحياتي نقابة المؤسسه .... و تحياتي فيصل الكندري مهندس الشمال

 

[نفطي كويتي]

تحياتي فيصل الكندري

 

[KOCiya]

قواك الله يا فيصل ..
وان شاء الله أملنا بالله ثم بنقابة المؤسسة كبير ..
الله يرد لنا حقنا ان شاء الله ..
واذا لنا رزق بناخذه غصبن على الكل ..

 

[أميرة الرقه والذوق]

(((والحكومه تستخدم حقها الدستوري لتأجيل المناقشه اسبوعين)))
الحكومه شتبي بالضبط والله مو فاهمه شي

 

[alaslamy]

الله يوفقهم إن شاء الله

 

[The^Queen]

سمحولي
ابي شرح بليز
الحين النقابه طلبت ساعتين من مجلس الامه يناقشون فيها القرار صح؟
هذي فهمناها خلصنا


نيي للي عقبها
اجلو الحكومه اسبووعين
مجلس الامه علشان ينعقد عندنا عدد معين من الاعضاء انكلودنغ الوزرا
معناتها كل ماييصير وقت المنافشه انسحبو الوزرا وصار مافي نصاب ؟
والا شنو بيصير بالضبط؟


وشنو بيناقشووووووووووووووووووون ؟ ان تنزل شهر 2 والا ماتنزل؟

 

[Lover_Q8]

سمحولي
ابي شرح بليز
الحين النقابه طلبت ساعتين من مجلس الامه يناقشون فيها القرار صح؟
هذي فهمناها خلصنا


نيي للي عقبها
اجلو الحكومه اسبووعين
مجلس الامه علشان ينعقد عندنا عدد معين من الاعضاء انكلودنغ الوزرا
معناتها كل ماييصير وقت المنافشه انسحبو الوزرا وصار مافي نصاب ؟
والا شنو بيصير بالضبط؟


وشنو بيناقشووووووووووووووووووون ؟ ان تنزل شهر 2 والا ماتنزل؟

الحكومة طلبت اسبوعين عشان ترتب اوراقها لانها حكومة من ورق يعني لاتهش ولاتنش والتأجيل هذا شي روتيني بس مضيعة وقت باعتقادهم يمكن خلال هالاسبوعين يصير شي وتنفرج عليهم


اما شنو بيناقشون فاظن انهم بس يبون يعرفون موقعهم من الاعراب شنو


بصراحة احس الكل ضايع لاحكومة ولا شعب
صج من قال ديرة بطيخ



الله يعطيك العافيه فيصل
والله يخلي لنا نقابة المؤسسة

 

[فيصل الكندري]

سمحولي
ابي شرح بليز
الحين النقابه طلبت ساعتين من مجلس الامه يناقشون فيها القرار صح؟
هذي فهمناها خلصنا


نيي للي عقبها
اجلو الحكومه اسبووعين
مجلس الامه علشان ينعقد عندنا عدد معين من الاعضاء انكلودنغ الوزرا
معناتها كل ماييصير وقت المنافشه انسحبو الوزرا وصار مافي نصاب ؟
والا شنو بيصير بالضبط؟


وشنو بيناقشووووووووووووووووووون ؟ ان تنزل شهر 2 والا ماتنزل؟

ليش معصبه

المجلس راح يناقش في الجلسه اسباب استبعاد القطاع النفطى من الزياده مع العلم انها خالصه من المجلس الاعلى للبترول ومن مجلس الخدمه المدنيه وتم اعتماد ميزانيتها والبنك الدولى ما اعترض على هالزياده ... فليش يتم استبعادهم ..

وشي طبيعى ان الحكومه تطلب تأجيل ... هذى تصير باغلب العوايل ... هذى طريقة المفاوضات والله يعين

 

[The^Queen]

اها الحين وصلت فهمت يزاك الله خير اخوي الكريم

يعني النقاش ليش دخلنا من الحسبه واحنا طالعين منها

الله كريم هذا اللي يقول الخير يخص الشر يعم عصبو واضربو قامو وقفو عل يالكل
يتروالي كل من حاقد علي الطيران المدني

 

[Instrument]

يتروالي كل من حاقد علي الطيران المدني

و الله مساكين هالطيران المدني كل شي قطوووه على راسهم

 

[زهرة التوليب]

يعني الساعتين ما منهم فايده
دام طلبت الحكومه التأجير


بعد اسبوعين بيقولون الحكومه ما حضرت الجلسه !!
يعني ما اكتمل النصاب والأعذار تزيد وتزيد
لين الزياده تنسي وتصير في علم الغيب

 

[The^Queen]

الصررررراحه مادري شقول
بس كله منهم من صج
سياسه الفتوه ولوي الذراع يا كل شي يانضرب
وكل من قام بيضرب
وكل من يبي كادر حتا الفراشييييييين والا بيضربوووووووووون والعمال البنغاليه اضربو واعتصمو
وصور ترس الجرايد
اكيد بيوقفون كل شي
وين مصلحه الديره ليش مايهتمون بالنقاش ليش لوي الذراع
قامو بيئدبون الكل سكروها بويهه الكل

 

[رجل امن اول]

الله يعطيك الف عافيه اخوي فيصل والله انه فيك الخير

مو مثل باقي النقابات ماندري عنهم ولاشي ولا واحد فيه خير ويىى ودش المنتدى

الحكوووووومه ضاااااايعه والله حكووووووووومه بطييييييييييييييخ