حمدو ربكم يا الكويتيين

[frfosha]

بصراحه ي شي غريب قاعد يصير بالبلد وشي مو طبيعي هالاحتجاجات والاعتصامات والتهديدات والاضرابات ليش كل هذا ؟ تعتقدون انه الكويت قصرت عليكم بشي والله يا جماعة الخير خل نحمد ربنا على النعمه اللي احنا فيها وترى النعمه زواله وبحاول اوضحلكم شغله انشالله تقتنعون وتعرفون الكويت انها مو مقصره على ابنائها وبناتها : كلمه لك يا الموظف اذا انت كنت تشتغل 12 أو 8 ساعات باليوم وعلى مكتب شنو انتاجك شنو العمل اللي انجزته غير تواقيع واوراق هذا شي احسبها جم ساعه بالسنه انت انجزت شي فاد الدوله كعمل انجازي مو قعدة مكتب واصدار اوامر وتواقيع ، قولي يا الكويتي منو من الدول يعطيك منحه الزواج بتقولي بعض دول الخليج اقولك غلطان لانه بعض هالدول تكون المنحه من الجمعيات الخيريه يعني كأنها تتصدق على مواطنيها ونتكلم عن السكن تعال شوف قرض وأرض واذا ما كان بيوت حكومه من الدوله شنبي بعد ؟؟؟ لا تطمع يا كويتي والله ترى النعمه زواله ، منو اغنى دوله بالعالم ؟؟؟ طبعا سويسرا أتمنى لو تسألون شنو الاتزامات المواطن السويسري بداخل بلده من ضرائب ومن تكاليف ومن ومن ومن -------الخ ، الشيخ عبدالله المبارك رحمه الله ضرب مثل لشخص يقال انه كويتي أتى به وأتى بالكويتي الاصيل وضرب الشخص الذي يقول انه كويتي بالصوت وبعدها قال اجلب لي الماء رده عليه بعد ضربه (حاضر عمي) ، وأتى بالكويتي الاصيل ومجرد ان رفع الصوت بوجهه فأخذ الصوت منه وكسره أمام الشيخ وقال له بسخريه تعتقد هذه الرجوله لديك فرد وقال الشيخ عبدالله المبارك هذا الكويتي الصح . هل وصلت المعلومه والله يا اخوان كم احزنني البارحه وببعض القنوات رجل من الجنسيه العربيه للاسف يقف أمام التلفزيون لتشمت بأوضاع الكويت الداخليه ويقول ها هم أبناء وبنات الكويت المضطهدون من قبل حكومتهم !!!!!! مضطهدين ؟ هذه مصيبه وكارثه يا اصحاب الكوادر يا ابنائنا ويا بناتنا نعم نريد الاصلاح نعم نريد المطالبه ولكن ليست بهذه الطريقه ولا بهذا الاسلوب ما زلنا بدولة الخير وكويتنا يا جماعه والله ما تستاهل وبالنهايه وادري اني طولت عليكم بس والله قلبي محروق على اللي شفته امس بالقنوات وعسى الله يهدينا ويهدي أبنائنا وبناتنا ويحمي هالديره ويحفضها من كل شر اللهم آمين

 

[كلمـ ولو جبر خاطر ـه]

مشكوره يا فرفوشه على المشاركه


لكن اللي مزعلنا هو مو تقصير الكويت

هو ان والحمدالله الخير واجد

وقاعد يروح لغيرنا

مثل اعاده اعمار العراق اللي احنا للحين قاعدين نصلح ما خربته


ولا البنغال اللي ذاك اليوم سووا مظاهره


واللا مصر

والا الاردن

والحين فرفوشه منو احق احنا ولا هالدول بهالفلوس

 

[frfosha]

كلمه ولو جبر خاطر اشكر مرورك بس قولي شغله وحده ونتمنى انك تجاوب عليها بجد وبصراحه ، الكويت منو حواليها ؟ طبعا انت عارف منو شفت اللي قاعد تقول عنهم وشفت المبالغ الهائله اللي قاعدين انسكر احلوجهم فيها والله انه كل هذا لمصلحتنا لانا احنا كدوله بين هالدول المجاوره ضعاف وقوتنا بمساعداتنا وامداداتنا لهم وتأكد يا اخي العزيز أنه شفت الدول اللي نقول انهم اخوه لنا هذيل هم أول من طمعان فيك لا تقولي دوله وسياده ترى بلحظه تروح منك اذا ما قاعد تسكر حلوجهم وهذا شي واقع ولما تقولي منو الاولى ؟ اقولك احنا كشعب مو ناقصنا شي والله وبالله انه مو ناقصنا بس في شي ناقص بعض هالناس لما تقول زيدو رواتبنا عشان اشتريلي جنطه بـ 400 دينار ، زيدو رواتبنا عشان نبي نسافر بالصيف ن زيدو رواتبنا عشان أحط بدل الخادمه خادمتين وبدل السايق سايقين ، زيدو رواتبنا عشان أشتري سياره اخر موديل واتفلسف فيها صح ولا انا غلطانه ؟؟؟؟؟ يا خوي معاشاتنا ومستوانا المعيشي داخل ديرتنا والله بخير ونعمه بس الانسان بطبعه طماع كثر ما ياخذ يقول ابي بعد وتأكد لو يقرون الزياده عقب جم سنه اذا الله عطانا عمر بنقول نبي زياده ثانيه وانشالله عرفت ليش خيرنا قاعد يطلع بره عشان نسكر حلوج الطامع واللي عينه على ديرتك

 

[زهرة التوليب]

اي قصرت علينا وعطت غيرنا من دول الضد

واكبر دليل 10 ملايين حق بنغلاديش
و60 مليون العراق

وغير البلاوي اللي عطوها حق سريا والاردن وفلسطين والسودان ووووووووو

 

[كلمـ ولو جبر خاطر ـه]

والله يا فرفوشه كلامج منطقي بس اذا كان اول مره

الدول اللي انتي قاعده تسكرين حلوجهم عطيناهم من الاول شكثر


وسواا فيني اللي سووه

والمفروض ان المؤمن ما ينلدغ من جحر مرتين

 

[frfosha]

اذا كان هالجحر مفتوح مضطر انك تردمه حتى يفيض ويتسكر يا كلمه ولو جبر خاطر ، ويا زهره اقولج شغله سوريا الاردن السودان العراق ولا تنسين بعد اليمن هم تونا دافعين عليها ملايين ليش كل هذا سألي روحج وبعقلانيه راح تعرفين أنه من الضروري اسكات هذه الدول بهذه المبالغ حرصا على أمننا وسياستنا الخارجيه تفرض علينا اجبار انفسنا على اعطائهم هذي المبالغ حتى نستطيع التأثير عليهم وعلى الدول الباقيه احترام وعدم المس بأمن هذه الدوله المعطاء

 

[كلمـ ولو جبر خاطر ـه]

والله يا فرفوشه هذي وجهة نظرج لكن صدقيني انتي غلطانه

 

[نفطي كويتي]

انا والله العظيم
احمد الله عز وجل وراضي بأمر الله سواء جات او ما جات
والحمد لله رب العالمين

 

[frfosha]

بس موضوعي يا اخوان ويا خوات أنه بذمتكم ما حز بخاطركم أمس بعض القنوات اللي كانت تتشمت فينا كشعب وكحكومه ؟ أنا قاعده أعاتب من هم اصحاب الكوادر بالتأني بعمل أي اضراب ضد هذه الحكومه وكان بأمكانهم أن يتجمعو بأحدى القاعات وطرح آرائهم واعتصامهم بطريقه أرقى من الطريقه التي أتخذوها أمس وابيكم تشوفون منو اللي قاعد يشجعهم هذا التصرف الهمجي الاخ / مسلم البراك ،أنا اقول وبكل أمانه وحب لهذه الديره حتى لو كان هناك أخطاء من الحكومه أو من الشعب فاننا جميعنا تحت راية واحده وكلمه واحده ولا نريد أحد يعبث بخصوصية هذا البلد

 

[كلمـ ولو جبر خاطر ـه]

انتي مو عارفه شي


مسلم مطلع على كل شي علشان جذي يشجعهم شمصلحته اذا انتي اخذتي زياده


غير انه شايف ان في فائض مالي قاعد يروح لغيرنا

 

[frfosha]

كلمه ولو جبر خاطر احترم مناقشتك لموضوعي وكلي قناعه أنه مسلم البراك المستفيد والرابح الأكبر حاله حال اي عضو بمجلس الامه وطرحه للمواضيع أي نعم فيه جرأه بس قولي لصالح ولا لصالحي ؟؟؟ لا خوي بالنهايه لصالحه أهوا ولتكوين قاعده جماهيريه واسعه وعدد أصواته بالانتخابات أكبر دليل بس لما نرد ونقول شنو أنجز من هالمهايط هذا كلله ؟

 

[redrose]

الحمد الله خير ونعمه .....

بس هم بعد ما يصير خير الكويت كله طالع بره وحنا قاعدين انطالع

 

[frfosha]

ريد روز اشكر مرورج على الموضوع بس والله اذا احنا ما تحملنا حكومتنا وما تكاتفنا معاهم على الزينه والشينه ترى والله محد بضيع غير شعب هالديره الطيب وصدقوني يا اخوان اهم ابخص وألم باللي قاعدين يسوونه وصحيح انه الشعب تفتح وقام يقول ويتحجى ويهاجم في بعض الاوقات بس لي صار شي لا قدر الله بهالديره منو بيوقف معاك غير حكومتك اللي انت حاليا مستهين بتصرفاتها ، وكان بابا جابر الله يرحمه ويحسن اليه أكبر مثال قدمه لنا واللي احنا ما حسبنا حسابه صندوق الاجيال القادمه اللي عيشتني وعيشتك يا المواطن خارج بلدك ايام الاحتلال بعز وفخر ولا انذليت كانت ديرتنا مسلوبه بس افلوسنا اهي اللي خلت الكل يصوت معاك ويساندك واتمنى انكم ترجعون لحظات للماضي وتتذكور اشكثر كنا نتذمر من الحكم السابق على عهد المغفور له بابا جابر ويوم وقف وقفة رجال وما تخللي عن شعبه حبيناه وقمنا نتذكره بالخير ، لا يا اخوان ويا خوات هذي حكومتنا رضينا ولا ما رضينا غصبن علينا نساندها ونوقف معاها ولا نخلي احد يتشمت ولا يتدخل بامورنا الداخيله ويتكلم فينا لانه انشالله كلمة الكويت طول عمرها مرفوعه بعزتها وبكرامتها ، واسمحولي اذا طولت عليكم بس والله انه شي من القلب قاعد يطلع هالارض الطيبه

 

[زهرة التوليب]

كنا نعطيهم قبل الغزو وما شفنا منهم غير نكران الجميل



يعني هدول تاخذ من خيرج وتسبج وتطعن فيج
سواء عطيناها والا ما عطيناها

يعني هم هذي مو حجه خاصه الدول اللي وقفت ضدنا
اول ما تحررت الكويت ذلوا وقاموا يتملحسون
بس المفروض نتعض منهم عقب ما عضوا الايد اللي انمدت لهم
مو نستمر ونعطيهم اكثر من قبل ؟؟

وين المنطق هني ووين العقل ؟

 

[frfosha]

زهره انا ما الومج والله على اللي تقولينه واقولج معاج حق بكل اللي تقولينه ، بس في شي لازم نفهمه انه احنا مجبورين انسوي جذيه وهذي سياسه لا انا ولا انتي نقدر نفهم او نعرف ليش قاعدين يوزعون بهالفلوس صدقيني الكل قلبه محترق على هالعطايا بس والله مو قاعدين يسوون هالشي الا اهم ادري بهالناس بهالبشر لي ما يملا عينهم الا لتراب

 

[زهرة التوليب]

خل يعطونهم عليهم بالعافيه دامها سياسه

بس يا قلبي المشكله ان في فائض ولله الحمد
وفي قوانين حق القطاع النفطي بعد 3 سنين يزيد رواتب الموظفين وهالشي موقعين عليه وموافقين
وتموا يماطلون ويأجلون ويوم يه الفرج كل شي راح بلمحه عين !!

غير جذي لاهم متحكمين في أسعار السلع وأسعار العقارات
والفوائد تزيد وزيد والقرض ثابت ما يتحرك
كثر ما ندفع نحس ما تخف هالديون

يعني مافي زيادة ومافي بديل
وحتى لو صار في بديل البديل شكله مطول
لأن الدراسه بروحها يبونها تخلص في شهر 2 الياي
يعني شوفي متى راح تطبق

الشكوى لله يا الغاليه

 

[frfosha]

اي بعد بو ناصر الله يهداه عماها واقر الزياده على الكل والجميع وهذا شي يفرح مو المفروض بس احنا اللي نفرح خل يفرح معانا اهلنا والشعب كلله وانا تبين الصراحه وايد ما كنت متفائله بالكادر كنت احسه هالكوادر مصالح شخصيه ونقابات ترفع ناس وتنزل ناس ، بس يوم قال انه بيعطي حق كل الشعب والله فرحت والمفروض هذا الشي يكون من زمان لانه من قوانين الدستور انه اي حاكم يستلم الحكم تكون هناك منحه اميريه وهذا الشي طبعا ما شفناه بس ارد واقول نعمه يبيلها حمد وشكر والله

 

[حرف]

زين بسألج فرفووشه

مو عيب دوله مثل الكويت من اكبر الدول المصدره للنفط ومن اكبر الدوله مخزون النفط واخر شى يطفي عليها الكهربااء والشعب عايش فى رعب انقطاع الكهربااء

ولا بعد فى توجه ونيه على الضرائب ( وهذى جايه بالطريق مافيها روح تعال والله يستر )

احنا ما طلبنا بالكوارد والزيادات الا لما شفت الوضع بالكويت فى مستوي انحطاط التعليم والصحه وكل مجالات الدوله والبنيه التحيه

وفلوسنا تطلع برا سياسه خارجيه على العين والراس بس مو الشعب ينسي

 

[المهندس]

فرفوشه عزيزتي انا نبي فلوس اوكي بس عالاقل طورا خل فوائضنا الماليه تنكب في ديرتنا - ماكو مستشفيات وماكو طرق سريعه كافيه وماكو بيوت وماكو وماكو وماكو - اشتبينا انقووول

شوفي السعوديه - السعوديه مساحتها اضعاف اضعاف اضعاف دوله الكويت وتصدر تقريبا 9-12 مليون برميل يوميا وعدد شعبها قارب 22 مليون - بس شوفي الدوله - خطط تنميه وجامعات وطرق سريعه ومصانع وكل مدينه تدخلينها لاحظي المناظر الخلابه للمباني- كل دوار فيه مجسم كبير وحلو- غير الدعم المادي وتقليص قيمه البنزين وزياده المعاشات - مع ذلك عندهم فائض مالي.

في الكويت مساحتنا صغيره مقارنه في السعوديه وشعبنا ما وصل المليون وقاعدين نصدر تقريبا 3 مليون برميل يوميا - يعني نسبه وتناسب بالنسبه للسعوديه فوائضنا الماديه اكبر بكثثثثثثثثثثثثثثثثثثثثثثثثثثثثثثثثثثثثثثييييييييييييييييييييييييييييييييييييرررررررر.. الحين قوليلي شنو عندنا - قسم بالله لو تهدمين الكويت كلها وتردين تبنينها مره ثانيه ما تكلفج 2 مليار - ديره مافيها شي كللش وقاعدين يخزنون الفوائض الماليه حق منو - حق التبرعات بس - والله الناس راح تسكت لو كل سنه يعطون الشعب قبل رمضان او قبل المدارس منحه 100 او 200 دينار - تسد حائجه .

شقولج فرفوشه - احنا نحب الديره ونبوس ايدينا بطن وظهر انه احنا كويتيين وونحب أميرنا وحكومتنا. بس سياسه التعشيم ولعب في المشاعر ما يجوز - ترا الناس قامت تفهم وقامت تتكلم

الله يحفظ الكويت وأهلها

ودمتم

 

[المهندس]

فرفوشه عزيزتي انا نبي فلوس اوكي بس عالاقل طورا خل فوائضنا الماليه تنكب في ديرتنا - ماكو مستشفيات وماكو طرق سريعه كافيه وماكو بيوت وماكو وماكو وماكو - اشتبينا انقووول

شوفي السعوديه - السعوديه مساحتها اضعاف اضعاف اضعاف دوله الكويت وتصدر تقريبا 9-12 مليون برميل يوميا وعدد شعبها قارب 22 مليون - بس شوفي الدوله - خطط تنميه وجامعات وطرق سريعه ومصانع وكل مدينه تدخلينها لاحظي المناظر الخلابه للمباني- كل دوار فيه مجسم كبير وحلو- غير الدعم المادي وتقليص قيمه البنزين وزياده المعاشات - مع ذلك عندهم فائض مالي.

في الكويت مساحتنا صغيره مقارنه في السعوديه وشعبنا ما وصل المليون وقاعدين نصدر تقريبا 3 مليون برميل يوميا - يعني نسبه وتناسب بالنسبه للسعوديه فوائضنا الماديه اكبر بكثثثثثثثثثثثثثثثثثثثثثثثثثثثثثثثثثثثثثثييييييييييييييييييييييييييييييييييييرررررررر.. الحين قوليلي شنو عندنا - قسم بالله لو تهدمين الكويت كلها وتردين تبنينها مره ثانيه ما تكلفج 2 مليار - ديره مافيها شي كللش وقاعدين يخزنون الفوائض الماليه حق منو - حق التبرعات بس - والله الناس راح تسكت لو كل سنه يعطون الشعب قبل رمضان او قبل المدارس منحه 100 او 200 دينار - تسد حائجه .

شقولج فرفوشه - احنا نحب الديره ونبوس ايدينا بطن وظهر انه احنا كويتيين وونحب أميرنا وحكومتنا. بس سياسه التعشيم ولعب في المشاعر ما يجوز - ترا الناس قامت تفهم وقامت تتكلم

الله يحفظ الكويت وأهلها

ودمتم