مهزلة (3)

أبو خالد

بـترولـي نشيط
السلام عليكم...

أدري أن الكل ملتهي بالزيادة والمماطلات و و و....

كلنا نعلم أن الموظف له 42 يوم كإجازة - أغلب الأحوال - .. المشكلة أن الموظف مطالب باستنفدها كاملة خلال السنة ذاتها.. هاه!!!!!؟؟؟

طيب واللي مايبي شيسوي السالفة غصب .

عموما المهزلة تتلخص في ما يلي: .
أن الموظف -تيم ليدر واعلى- يحق له بيع جزء من رصيد اجازته أكرر .... يحق له بيع جزء من رصيد اجازاته


الله ... حلال عليكم ... وحرام علينا.. ليش قلبوا نفط الكويت إلى حرس وطني ؟!

المسؤول الكبير اكيد راح يبع من رصيده ... ولا تبيه عقب ما قزرها سفرات (ديوتي ، كورسات ، حضور مؤتمرات، تمثيل الشركة ... إلخ) ونص هالسفرات هذي ما خذ أم العيال والعيال معه ، وتبيه ياخذ الاجازة

ختاماً : أنا أؤيد أن يكون بيع الرصيد لكل الموظفين (وليس حكرا على اللي مقزرينها سفرات على حساب الشركة)


تحية خاصة للنقابة - والعاملين فيها-
 

GhaReB

بـترولـي نشيط
كلامك عدل والله

المشكله انه الشركه بحاجه كبيره للموظفين
ومع هذا الشركه تغصبهم على الاجازه :)
يبون الفكه يمكن
 

frfosha

بـترولـي مميز
وهذا الكلام قلناه من قبل وفي ناس افادونا انه لا يمكن بيع الاجازات الا بموافقة رئيس مجلس الاداره وبحاجه ماسه للموظف ولكن نرى انه بعض التيم ليدر وما فوق يجوز لهم بيع ارصدتهم فلما هذا النصب والاستخفاف بعقول الموظفين ؟؟؟
 

alaslamy

بـترولـي نشيط جدا
كلامك عدل يابوخالد

التيم ليدريه سفرات وروحات وجيات ما هم بحاجه للاجازه

اما احنا تطلع قصب طيب
 

nuclear

بـترولـي نشيط
معاك قلبا و قالبا يا بوخالد شرايك نروح النقابه هقوتك تفيدنا؟!؟!؟!
 

الرعد الخاطف

بـترولـي جـديـد
صح ألسانك يا بو خالد - الله يخليلك خالد- بس لا تخليه جالس فى ممرات الشركة

على العموم صح ألسانك وبدنك

بس قالوها الشياب

السمك الكبير يأكل السمك الصغير

لا حول ولا قوة إلا بالله العلى العظيم
 

redrose

بـترولـي نشيط جدا
تعبنـــا وحنــا نتكلــم بــــــس للأســف ويـــن اللــي يسمــع ؟

اذن مــــن طيـــــــن واذن مـــــن عيـيـيــــــــن
 

brilliant

المـراقب الـعـام
عفوا" اخوي حتى التيم ليدر والمنجر مايبيع رصيده الا بموافقة نائب العضو المنتدب ,,, يمكن الي تكلم عنهم انت موافق لهم نائب العضو المنتدب ,,, بدون موافقته ماراح يبيعون
 

عامل نفطي غيور

بـترولـي نشيط جدا
شنو تبي النقابه تسو يلك وهم نائمين بالعسل مع ادارة الشركه أحلفلك بالله هل طلع يوما من الايام
بيان من النقابه يعارض الشركه ومع العامل كل يوم وانتم في اردى دام هذا مجلسكم كل يوم استقالات لماذا؟
 

Waluigi

بـترولـي مميز
للاسف الشي هذا حاصل بكل الشركات النفطية ال Knpc فتحو المجال قبل فترة عشان جم واحد واصل و عنده رصيد باعو لما رحنا نبيع طلعت لنا الشروط التعجيزية لازك يكون عندك 90 يوم ما تقدر تبيع الا شهر و الله فوضه لكن ما اقول الا الله كريم وياعمال القطاع لاتوصلون احد للنقابه الا اذا كان كفو لا حاسبوه على كل صغيره و كبيرة
 

redrose

بـترولـي نشيط جدا
الله كريم


لا حبتــــــــــك عينـــــي مـــا ضـامـــــــــــك الــــدهـــر
 

LaRambla

بـترولـي خـاص
أعضاء الشرف
كلامك عدل

انا الحين اجازه 23 يوم غصب مطلعيني قتلهم عالاقل خلوها لى شهر واحد مارضو
 
أعلى