التوظيف في الشركه

HUMMER

بـترولـي خـاص
السلام عليكم جميعا

ياجماعه انا من المعارضين لطريق التوظيف الجديده اللي تكون عن طريق الانترنت في ناس ماعندها انترنت

شتسوي يعني او في ناس ماعندها اسكنر عشان تحط الاوراق ولا الاستقبال مالهم خلق الطلبات وعوار الراس

وبالانترنت يكون التوظيف على كيفهم لا من حسيب ولا من رقيب والواسطات بالتلفون اذا ماكانت ايميل

اتمنى انهم يلغون فكرة التوظيف بالنت وترد على النظام القديم نفس باجي الشركات
 

dehen_3ood

بـترولـي خـاص
أعضاء الشرف
وعليكم السلام ورحمة الله ويركاته

شكراً اخوي لطرحك لهذا الموضوع
بس الشركة تواكب عصر التطور والتكنولوجيا
وبالعكس انا اشوفها طريقه حلوه
وبعدين معقوله في بيت مافيه نت الحين ؟
وللي بقدم بالشركة خريج جامعي او دبلوم ما يعرف يدبر روحه بهالموضوع
ما شبعتوا من كومة الأوراق المتكدسة !!
الظاهر إنت من الغير مؤيدين للـ DIMS المطبق حاليا في كل إدارات الشركة :D
وللحين بريد رايح وبريد ياي بإيد المراسل !!
 

HUMMER

بـترولـي خـاص
والله اختي هذا مومواكبة عصر العولمه هذي طريقه يديه عشان من التوظيف يكون من تحت الطاوله والمسكين مقدم الطلب ينطر

وبالاخير يقولون له مايانا شي منك او ماعندنا يبانات عنك حتى لوكان هكرز مايقدر واصلا الطريقه واضحه ومبينه

ويافهيم افهم
 

dehen_3ood

بـترولـي خـاص
أعضاء الشرف
سالفة ما يانا شي وانطر لين يجيك الربيع هذه تحصل في كل شي مو بس بالتوظيف
حتى بالمقابلات عن طريق الإعلان الداخلي !!
خابزينها وعاجنينها ومختارين منو إللي يبونه قبل لا ينزل الإعلان !!
والعبد الفقير لله خنت حيلي شاد حيله ورايح مقدم حق الوظيفه
والطيور طايره بأرزاقها من صيد أمس
ومن صادها عشى اعياله ;)
 

BG. 1

موقوف
تكنولوجيا وتطور ومعمول بهالنظام بأغلب الشركات العالمية

ولكن العيب بالتطبيق
 

HUMMER

بـترولـي خـاص
شكرا اخوي صقر عالمرور بس الاستقبال اذا مره قالي لمن ننزل الاعلان مانستقبل شي باليد
وهذا كلام الاستقبال
 

tycoon

بـترولـي جـديـد
اول شي شلونكم

وعيدكم مبارك مقدما

ممكن ادش عرض شوي حبيت اعرف متى راح تطلع نتائج القبول للمتقدمين ع الوظايف

مع الشكر


فمان الله
 

المشاكس

بـترولـي خـاص
أعضاء الشرف
حسب قول التوظيف .... النتائج خلال هالأسبوع المفروض

وبعيدن يقولون طريقة التوظيف أليحن تحد من الواسطة وايد وبعد صدور النتائج تبعث الأسامي إلى الوزير لأعتمادها ولما ترد من الوزير تعلن ... هذا حسب ماسمعت
وفي بعد معلومة جديده ........ يقولون ماراح ينزلون بالجرايد عن طلب التوظيف ... راح ينزل بس عن طريق الأنترنت في سايت الشركة ... يعني ألي يبي يتوظف لازم يدش سايت الشركة كل أسبوع مره أقل تقدير
 

MMMS

بـترولـي جـديـد
السلام عليكم
المشكلة لو التقديم بالنت او بالايد وحتى لو بالرييل .. ماكو فايدة الواسطه واسطه ... وكل ماكانت الواسطه اكبر غطت على الي تحتها ... الله كريم والحمدلله على كل حال
 

الفيصل

بـترولـي خـاص
أعضاء الشرف
والله انا اشوف التوظيف عن طريق الانترنت أفضل لانه اول ما تفتح ابواب التوظيف لا تشوف مبنى التوظيف تقول ادارة العلاج بالخارج كفاكم الله الشر وثانيا تكون الطلبات كاملة مكملة وثالثا ما في شي اسمة الاوراق ضايعة ورابعا مواكبة التكنولوجيا


اخي هامر سلمت يمناك على هذا الطرح


ودمتم بود
 

HUMMER

بـترولـي خـاص
مشكور اخوي العزيز فيصل

واحنا والاخوان اللي يكتبون نبي المصلحه العامه

ويعطيكم العافيه
 

نفط الكويت

بـترولـي نشيط جدا
انت عب الطلب و مثل ما قالت دهن عود ما فيه بيت يخلى من انترنت و اذا مو بيتكم جيك على البيت اللي براس العاير بس هااااااه اضغط كليك من هني و شمر ذراعك و روح حق عضو ركض ههههههههه
 
أعلى