7abara Center

[dehen_3ood]

مركز الحبارى وما ادراك ما مركز الحبارى


خوش مكان حق اجتماعات المدراء وضيوف الشركة !!
خوش مكان حق حفلات القريش والغبقات والقرقيعان !!

اما فيما يتعلق بالرياضة فالصراحة اهو أتعس مكان !!

طبعاً أنا اتكلم بالقسم الخاص حق موظفات الشركة !!
ليش ماعليه دوس ؟؟
غير مرغوب فيه ؟؟
بس بالصيف طق مطاقق على المسبح وكله يهالووو والموظفات الغير كويتيات وعيالهم !!

مافي اهتمام !!
مافي صالة أجهزة .. خبري اول ما توظفت كان فيه جم جهاز !!
يحطون لنا مدربة سباحه دوامها من الـ 7 لي الـ 3
الله !! زين ومتى نداوم ؟ الكل بإجازة ؟؟

ياليت يهتمون فيه شوي عشان يزيد الإقبال عليه شوي
بدال لا ندش نوادي وندفع الشي الفلاني

ولا انتوا اشرايكم ؟؟؟

 

[HUMMER]

والله اختي دهن عود انا وياج مومركز الحبارى بس كل مرافق الشركه حق هالهنود والمصريين

واحنا لنا الله بس الواحد شيقول قاعد يشوفون ويسمعون ويعرفون

 

[dehen_3ood]

مشكور اخوي HUMMER طلتك الكريمة

والله الصراحة يحروون الواحد ويفقعون المرارة بعد
تروح المسبح تشوف هاللي مزاحمينك بالحوض
كوجا مرحبا انتوا !! ولا تشوف إللي يصير والسوالف هناك
(الحين يقولون مايصير هالحجي وحالهم حالكم)
اوكي ما قلنا شي بس يا جماعة الخير نبي اهتمام نبي تنسيق نبي شي لا يعلا عليه
نبي المركز يحجي ويرجه لأيامه إللي قبل وسمعته الحلوة
اول ما دشيت الشركة الوالده تقولي ويييييييييييييييييه خبرنا بمركز الحبارى قبل أبوج يودينا
وينه ووينه أيام الباربيكيووو .. اووووووخ السالفه فيها باربيكيووو

 

[جونم جقرم]

يا عزيزتي اهووو هذا البووينت منه انهم يطفشوونكم لانكم انتووو منتوو يم الريااضه كلش حق غبقاات واهم الصرااحه يبوون ناس رشااقه عشاان يصير اقباال ع الناادي (((

 

[dehen_3ood]

لووووووووول اخ ft-50 اي رشاقه اي بطيخ

والله العظيم إني مره مادري أي مره من المرات إللي ينعدون على الأصابع رحت
مدربة السباحه تخرع !! مجسمه يمــــــــــــــه !!
يالله وين الرشاقه ؟؟

وبعدين اهو خل يضبطونا بشي سنع وتالي تبين الرشاقه صح

شكرا على طلتك الكريمة !!

 

[ابوحمد]

الله يعينكم

حاولو توصلون للي ماسك زمام الامور في النادي ووصلو له الشكوى وياليت ادره المنتدى تسعى في هذا الموضوع او تحاول ايصال الشكوى لهم


وفالكم التوفيق

 

[dehen_3ood]

شكراً اخوي ابوحمد على هالطلة الكريمة


حاولنا نوصل صوتنا للمسؤلين !!
وكان في استبان لمعرفة سبب عدم إقبال الموظفات الكويتيات بشكل خاص
بس ما صار شي ومادري اشصار عليه !!

وحده اعرفها تشتغل هناك تقول ماكو شي نسويه
ومافي غير مجابل التلفزيون هناك وسوالف

خوش دوام والله من الـ 9 لي الـ 3 ومجابل تلفزيون وسوالف !!
بناتوووووو ها شرايكم نحول؟

 

[ابوحمد]

خلونا نقول انه يرصد له ميزانيه سنويه للتجديد بس المشكله وين تروح اذا ماتغير شي ولا تطور شي !؟

اختي حاولي تسألين عن ميزانيته السنويه اللي تصرف له واذا قدرتي تاخذين صوره منها ياليت وراح تتغير الاحوال باذن الله


وفالج التوفيق

 

[HUMMER]

والله اخوي بو احمد انت شايف اكثر ناس مستفيدين من عروض الشركه ومرافقها ومميزاتها اهم العماله الاجنبيه وبالتحديد الاسيويه اللي اهم الهنود والله انهم يسابقونك على كل شي بعدين اصدمكم بشي تدرون انه اذا كان مهندس او عنده قريد 12 الشركة متكفله فيه وبعياله ان يدخلهم مدارس خاصه على حسابها لي الجامعه وهل الشي طبعا من سابع المستحيلات على الموظف الكويتي للعلم

 

[dehen_3ood]

والله اخوي بو احمد انت شايف اكثر ناس مستفيدين من عروض الشركه ومرافقها ومميزاتها اهم العماله الاجنبيه وبالتحديد الاسيويه اللي اهم الهنود والله انهم يسابقونك على كل شي بعدين اصدمكم بشي تدرون انه اذا كان مهندس او عنده قريد 12 الشركة متكفله فيه وبعياله ان يدخلهم مدارس خاصه على حسابها لي الجامعه وهل الشي طبعا من سابع المستحيلات على الموظف الكويتي للعلم

والمشكلة إن الشركة للحين إتييب موظفين من بره وتوظفهم مهندسين وكبير مهندسين !!
جنه ماعندنا شباب كويتيين من أكفأ الشباب (عدل أكفأ جذي ولا خطأ املائي)
آسيوي ولا مصري يتوظف بالشركة وبهالراتب !!!

لا مالت ولا عدلت !!

 

[HUMMER]

بس اختي كلام رئيس النقابه دليهي الهاجري شخصيا
عدم التعاون معاهم وان يتم طردهم من مواقع عملهم وخلي يراجعون التيم ليدر وكان في بيان توزع على جميع القطاعات

 

[dehen_3ood]

بس اختي كلام رئيس النقابه دليهي الهاجري شخصيا
عدم التعاون معاهم وان يتم طردهم من مواقع عملهم وخلي يراجعون التيم ليدر وكان في بيان توزع على جميع القطاعات

عدم التعاون مع منو بالضبط؟
ووين هذا البيان؟
مجموعة العمليات هالسنة فيها مو أقل من 20 موظف أجانب يابوهم من بره !!

 

[HUMMER]

البيان تحصلينه عند النقابه لان وزعوه على جميع السناتر والمختبرات بعدم التعاون معاهم
وفعلا انجحوا جماعه الانتاج بس بعدم التعاون ولا المختبر اللي بالاحمدي على قولة المصريين فاتحها بحري
والسبه 1 هناك الله يجازيه

 

[dehen_3ood]

مشكور على هالمعلومة اخوي هـامر

 

[المشاكس]

اول شي دهن العود يالبت تغيرين نوع الخط واللون ألي تكتبين فيه لأن مو واضح ... مادري من الخط أو من ماشوف عدل

على العموم دائماً نقول الأجانب يزاحمونا في كل شي زين ليش مانزاحمهم احنا ... أحنا ألي مخلينهم على راحتهم يعني لا نروح أماكن رياضيه ولا نروح حمامات سباحه ولا غيره ....

كلام همر عدل بالنسبة للدراسة بس انا سامع إن الشركة ألحين تدفع حق الموظف الكويتي أعتقد 400 دينار بالسنة حق ألي يدرس عياله في مدارس خاصة

 

[الغالية]

اختي دهن عود كلامج عدل

آخر مره رحت فيها الحبارى .. قلبوا صالة الجيم الى كافيه يالله من فضلك وشوفي الأشكال اللي تقعد فيه .. مارينا مو كافيه !!!!

وأزيدج من الشعر بيت .. يابو خبيرة مساج .. ما بدت بالشغل إلا بعد بداية عقدها بأربع شهور .. !!
ولما بدت 3 أيام بالأسبوع من الساعه 3 إلى الساعه 7 .. ومن أول من وصلت ما تلقين موعد عندها إلا بعد شهر <<< شدعوه ؟!!

وآخرتها .. يقولج روحي لأي نادي بالكويت واشتركي فيه .. وهاتي الوصل وندفع لج 40% من الاشتراك .. بس شعقبه !!

 

[KNPC]

صباح الخير .......
كلامج أختي في محلة......ولكن لاحيات لمن تنادي نادى الحباره هو فقط اسم
ولكن المسؤولين خبرج عتيج أجتماعاتهم وقرقيعانه ...... بالفنادق والمنتجعات احنا الله كريم زين ما يبنو لنا جبرة ...
الاجانب بالنسبة لهم نادى الحبارة ,,,,,شي ما يحلمون فية .,,,,,, أشلةن تبين يغيرون فية والخافي أعظم

 

[dehen_3ood]

اول شي دهن العود يالبت تغيرين نوع الخط واللون ألي تكتبين فيه لأن مو واضح ... مادري من الخط أو من ماشوف عدل

على العموم دائماً نقول الأجانب يزاحمونا في كل شي زين ليش مانزاحمهم احنا ... أحنا ألي مخلينهم على راحتهم يعني لا نروح أماكن رياضيه ولا نروح حمامات سباحه ولا غيره ....

كلام همر عدل بالنسبة للدراسة بس انا سامع إن الشركة ألحين تدفع حق الموظف الكويتي أعتقد 400 دينار بالسنة حق ألي يدرس عياله في مدارس خاصة

لووووول اخوي مشاكس اللون لوني المفضل ما اقدر اغيره والخط اشوفه زين بس يمكن إنت ما تشوف عدل

اوكي انا معاك ليش ما نزاحمهم ؟؟؟
بس إنت شايف المرافق !!
الواحد ماله خلق يروح لها .. وانا اتكلم عن مركز الحبارى (المسبح الخاص بالنساء وتبعاته)
بغض النظر منو إللي يروح له
مافيه شي .. أقرع .. والكافتيريا الله خير .. مافيه صاله جيم .. والكبتات (المخازن) عشان نحط أغراضنا لووووول
على شنو بالله بنزاحمهم ؟؟

وسوينا على عرض الشركة اشترك بأي نادي وييب الفاتوره ونرد لك 40%
والعوض ولا القطيعة !!

 

[dehen_3ood]

اختي دهن عود كلامج عدل

آخر مره رحت فيها الحبارى .. قلبوا صالة الجيم الى كافيه يالله من فضلك وشوفي الأشكال اللي تقعد فيه .. مارينا مو كافيه !!!!

وأزيدج من الشعر بيت .. يابو خبيرة مساج .. ما بدت بالشغل إلا بعد بداية عقدها بأربع شهور .. !!
ولما بدت 3 أيام بالأسبوع من الساعه 3 إلى الساعه 7 .. ومن أول من وصلت ما تلقين موعد عندها إلا بعد شهر <<< شدعوه ؟!!

وآخرتها .. يقولج روحي لأي نادي بالكويت واشتركي فيه .. وهاتي الوصل وندفع لج 40% من الاشتراك .. بس شعقبه !!

إنتي العدل والله اختي الكريمة

يالله خبيره مساج والمواعيد بعد شهر !!
ومدربة السباحة كله بإيجازة !!
والصالون .. زي إلته مادري ليش حاطينه !!

وانا اقولج قطي فلوسج بالشمس وقعدي بالظلال أرحم
وهذا انا اشتركت بنادي بره ويبت لهم الفاتوره وردوا لي 40%
المهم ارتحت وافتكيت من التحلطم
مع اني كنت أأمل بأني استمتع بمرافق الشركة بما إني موظفه
واسم إني قاعده اروح !!
بس مثل ما قلتي اشعقبه !!

 

[dehen_3ood]

صباح الخير .......
كلامج أختي في محلة......ولكن لاحيات لمن تنادي نادى الحباره هو فقط اسم
ولكن المسؤولين خبرج عتيج أجتماعاتهم وقرقيعانه ...... بالفنادق والمنتجعات احنا الله كريم زين ما يبنو لنا جبرة ...
الاجانب بالنسبة لهم نادى الحبارة ,,,,,شي ما يحلمون فية .,,,,,, أشلةن تبين يغيرون فية والخافي أعظم

صح كلامك اخوي
واحنا الله كريم ولنا الله !!

شاكرة لك مرورك الكريم