صندوق الزمالة

Q8MAN

بـترولـي جـديـد
يا جماعة كلكم تعرفون صندوق الزمالة انا اول مادشيت الشركة سئلت احد الموظفين القدامى عن الصندوق قاللي انحش يقصون من راتبك طول فترة الخدمة واذا تقاعدت يماطلونك باعطائك حقوقك يعني اذا بتحفظ فلوسك اصرف لك يقولون انه في مساعدات للموظف المحتاج اللي عنده ديون او اللي يحتاج علاج بالخارج او اللي يحترق بيته يعوضونه لا وبعد يقولون يعطون قروض حسنة طيب انا شكو بمشاكل الناس بعدين شنو يبون يتجملون على حسابنا والله مسخرة فاتحينها مبرة الاخوان وطبعا ما يفوتكم انه اللي عنده هالصلاحيات يقوم بضيبط فلان والله دزيناه علاج في الخارج على حساب الشركة و هو من صندوق الزمالة والثاني عطيناه مساعدات ومن الصندوق يا جماعة شي خطير ما تشوفون اللوحات بالشوارع شكر وعرفان يعني بتقنعوني انه هالرجال يمشي معاملات اكثر من اعضاء المجلس شرايكم في هالحسبة الافتراضية عدد موظفي الkoc تقريبا 5000 عدد اعضاء صندوق الزمالة 2500 تقريبا 2500 * 15 =37500دينار شهري 37500*12=450000 وين تروح تقريبا نص مليون دينار هذا بالارقام التقريبية وما خفي اعظم وكم صار انا سنة ما سمعنا انة فلان تقاعد حتى اللي طلع ماعطوه حقه والموظفين بتزايد ارجو ان تعيدوا النظر في اشتراككم في هذا الصندوق و كل عام وانتم بخير
 

dehen_3ood

بـترولـي خـاص
أعضاء الشرف
صج كلامك اخوي

وانا والحمدالله شلعت أول ما دريت بالقمنده
وللي انقص من راتبي يالله دفعة بلا والحمدالله
ناس صارها دهر .. ماتت وتحللت وهم للحين يماطلون ويسوفون بأنهم يردون افليساتهم لهم
وتعال أقبض من دبش
عاد قمت وعلمت كل رفيجاتي بالسالفه عشان ينفذون بيلدهم :D
 

HUMMER

بـترولـي خـاص
اخوي اسمحلي انا اعرضك بالراي اهم ماحطو هالصندوق الا في من وراه منفعه للموظف ولا جان لغوه من زمان وانت لاتحسبها

جذي احسبها بعد ماتتقاعد جم بيطلعلك ولا احد يقص عليك ترى اهم يعطون بالدور وعلى فكره دورك مايطول اكثر من 3سنين

جنك حاهم بالبنك وبعدين تاخذهم مع الخدمه الافضل وشوف جم يصير ولا انت اشرايك
 

BG. 1

موقوف
هالحسبة الافتراضية عدد موظفي الkoc تقريبا 5000 عدد اعضاء صندوق الزمالة 2500 تقريبا 2500 * 15 =37500دينار شهري 37500*12=450000 وين تروح تقريبا نص مليون دينار هذا بالارقام التقريبية

ليس دافعا

ولكن الكلام هذا تجريح وشكوك حول ذمة شخص

إلا إذا عندك دليل نورنا

واخير أرجو أن تقرأ رابط الموضوع بتمعن


http://www.q8ow.com/vb/showthread.php?t=156




ودمت بود
 

المشاكس

بـترولـي خـاص
أعضاء الشرف
اخواني صندوق الزماله صح يعطي مساعدات بس مو بالقدر ألي تعتقدونه يعني إذا واحد مثلا احترق بيته يدفعون له بالكثير 500 دينار اما العلاج بالخارج وألي تقولون عنه .... هذيل يتوسط لهم رئيس النقابة ويروحون على حساب الشركة مو على حساب صندوق الزماله كما تعتقدون
بعدين الدور صح ياخذ وقت طويل يصل إلى 5 سنوات بس هذا مو من النقابة وسبب هذا أنتقال موظفين شركة نفط الكويت إلى البترول الوطنية منذ سنوات بعيده وهذا الشي أهو ألي سبب الربكه حق النقابة ...
صح كان في وقت لما واحد يطلع تقاعد يجيب حق النقابة أوراق على أساس أنه مطلوب ويجدمونه على غيره بس لما أستلمت القائمة العمالية النقابة وقفت هالشي ... وأصبح الأستثناء بس لما يتوفى الموظف وهو ماستلم فلوس الصندوق تصرف فوراً حق ورثته بس
وسامحونا على الأطاله
 

Q8MAN

بـترولـي جـديـد
يجب على القائمبن على هذا الصندوق على الاقل اصدار نشرة سنوية او نصف سنوية تبين فيها انجازات واعمال وميزانية هذا الصندوق شنو اللي دش وشنو اللي طلع وتعميمها على المشتركين في هذا الصندوق لكن انه نكون ساكتين وماندري شنو يصير ونقول انه شغلهم زين هذا كلام غير مقبول
 

HUMMER

بـترولـي خـاص
يجب على القائمبن على هذا الصندوق على الاقل اصدار نشرة سنوية او نصف سنوية تبين فيها انجازات واعمال وميزانية هذا الصندوق شنو اللي دش وشنو اللي طلع وتعميمها على المشتركين في هذا الصندوق لكن انه نكون ساكتين وماندري شنو يصير ونقول انه شغلهم زين هذا كلام غير مقبول

خوش فكره ويكون بعد مع السلاري يبين جم رصيدك مو يستقطعون والسلام
 

المشاكس

بـترولـي خـاص
أعضاء الشرف
كان هذا أقتراحي لهم قبل 12 سنة تقريباً قلت لهم ليش ماتحطون كل شهر أسامي ألي لهم الحق في صندوق الزمالة حسب الدور وكل واحد يكون عارف دوره بالضبط وبعدين كل شهر تزال أسامي ألي أستلمو وجذي يبين الدور ومايصير في تلاعب .... بس ماوافقوا على كلامي وطبعاً انا مونقابي كان مجرد كلام بيني وبينهم
 

BG. 1

موقوف
كان هذا أقتراحي لهم قبل 12 سنة تقريباً

يالشايب من 12 سنة

قلت لهم ليش ماتحطون كل شهر أسامي ألي لهم الحق في صندوق الزمالة حسب الدور وكل واحد يكون عارف دوره بالضبط وبعدين كل شهر تزال أسامي ألي أستلمو وجذي يبين الدور ومايصير في تلاعب .... بس ماوافقوا على كلامي وطبعاً انا مونقابي كان مجرد كلام بيني وبينهم

إتصلت قبل شوي بالنقابة وسألت السيد علي زيد الموظف المسئول عن صندوق الزمالة
قال الأسامي موجودة بالدور وتقدر تمر علي النقابة وتشوفهم وأنا رايح له أتأكد
 

الغامض

بـترولـي جـديـد
طيب يا أخوان اللي يبي يتقاعد شهر 12 هالسنه متى انشاء الله بيجيه الدور

والله اني خايف يجيني الدور بعد 30 سنه والا انا مفنقش ومستانسين فيها هالسرابيت عقبي.
 

MMMS

بـترولـي جـديـد
السلام عليكم
والله يا اخواني انا مشترك في صندوق الزمالة ... مع ان قالولي ان يتاخرون في صرف الفلوس للمتقاعدين .... بس هذا على حسب كلامهم ان هذا التاخير سببه كان قلة عدد الموظفين المشاركين في صندوق الزمالة
ويعطيكم العافية
 

فيصل العجمي

مؤسس المنتدى
أعضاء الشرف
يالشايب من 12 سنة



إتصلت قبل شوي بالنقابة وسألت السيد علي زيد الموظف المسئول عن صندوق الزمالة
قال الأسامي موجودة بالدور وتقدر تمر علي النقابة وتشوفهم وأنا رايح له أتأكد



كلام جميل وان شاءالله تقدر توفر لنا نسخة من اللسته علشان نحطها للأخوان هنا في موضوع مستقل ان شاءالله
 

HUMMER

بـترولـي خـاص
المفروض هاللسته تكون بشكل دوري واذا مو بالمنتدى خلي يوزعونها عالاقسام او يحطون صفحه بجريدة الشركه

مواحسن
 

jajs04

بـترولـي نشيط جدا
ما شفنا المعتدلة سوت شي بهالموضوع
لكن سمعنا إن الفلوس طارت لأسباب مجهولة واكتموا الموضوع (والله أعلم)
 

المشاكس

بـترولـي خـاص
أعضاء الشرف
يالشايب من 12 سنة



إتصلت قبل شوي بالنقابة وسألت السيد علي زيد الموظف المسئول عن صندوق الزمالة
قال الأسامي موجودة بالدور وتقدر تمر علي النقابة وتشوفهم وأنا رايح له أتأكد

انا ادري إن في كشف بالنقابة بالدور بس .... ليش مايتم تعليقه على مدخل نقابة نفط الكويت ويكون كالتالي

توضع أسامي المستحقيين حسب الدور
توضع أسامي الي أستلم مستحقاتهم خلال هالشهر
توضع أسامي ألي طلعوا تقاعد (جدد) وتتم غضافتهم مع الكشف

بعدين في شي وهو ... إذا لا قدر الله وتوفى أحد اعضاء صندوق الزماله وهو متقاعد يقدم دوره وياخذون الورثه المبلغ على طول .... هم هذا لازم يكون واضح

بعدين كل مازادو عدد اعضاء الصندوق كل مازاد المردود للكل
 
أعلى